WANGSHEMBU MWOT 3
3
Chafai-mix tuita Amüikya
1Nyixta tsomfüi zangjop tue Pitar hia Juhan nyi Zangshwom-Hom to ngui. 2Ikhama “Osün müikya zünkai”, le nyakkya zünkai ma, puxpong tokhange wüi ile puxkya chafai tuita tüikya. Zangshwom-Hom to nguikyabu ma ngun ju ang nyixfole chix a ikhama apüile tox. 3Otue chixe Pitar hia Juhan nyi nguiüi ngünle lax, chixe hokhi ma ngun ju. 4Okhie chix to tangthole hu ilaxle Pitar-e thüi: “Kukhi to hulax!” 5Ikoxle hokhi angkya ngun tükopüi jao le onglaxle chixe hokhi chito hu. 6Pitar-e chix ang thüi: “Ku ma ngun ojao müntüi, ikoxlechu ku ma chem tüipuix ija kue nang ang fapu: Nazareth nok Jisu mün ma kue nang ajong üntoxle aham ang tompu!” 7Ifüima chixe tsaxchi chak ma chix syetle ajong. Ima wüi thuile ija mixsün chikux mongle chafaikya müi; 8chix fütle ajong, ilaxle noxpakle aham ang süt. Üntoxle ahamle fütngale Zang achuakle chix Pitar hia Juhan nyi füi tomle Zangshwom-Hom to dong. 9Zangshwom-Hom ma tüile asukya khünak noke wüi ija khünake: Zang a ohünotün wüi changpu le achuakle ahamkya ngün; 10Ikoxle otue hwome ija mixsün a “Osün müikya zünkai” ma jusax mix ang ngokya chafai mix changpu le awanle lax; chix ile changkya ngünlaxle hwom pangnu wüi abüt ilaxle khosamle tangle hu.
Zangshwom-Hom ma Pitar Kaxho
11Ija mixsüne Pitar hia Juhan nyi to künle ngoponge “Solomon Nya-o”, le nyakkya khama, hwom hato khünaknu khosam abakle asox. 12Ibu khünaknu ngünkya zuma Pitar-e hwom ang thüi: “Israel khünaknu, ija mixsün faile ngokya amüikya ngünlaxle abütpia üntoxle kwom to ile akhingle büthüikoxle hupu? Ija mixsün aham ang koxkya a kwom tsakzong chichangba kwom tsaokya makhange changpu le hünzome texpia? 13#Lai 3.15.Abraham, Isak hia Jakop hwom Zang, kem putong hwom Zange chix Hosa Jisu fuazang ang koxdaoa. Hünzome chix pünpa-chongwangbu chak to kox, üntoxle Pitar-e dan angkya kax tsuak füima ngaxchu hünzome chix thüntho ma wüi Jisu tha ajao. 14#Mat 27.15-23; Mrk 15.6-14; Luk 23.13-23; Jhn 19.12-15.Chix a otsao tamchu sukya mix changkya, ikoxlechu hünzome chix chilax, itülüi hünzome Pilat ma mix mik amüt daokya mix wüi danhüile ju. 15Athaxpi hünzome khünak khüzün lom to zunkya mix langle awüt. Ikoxlechu Zange chix zidaokya chatle azün, ilaxle kwome ija ma mikshoe jao ngünle. 16Ija mixsün ang aham angkya zong a chix mün ma koxkya changle. Hünzome chem ngün üntoxle chem awanlaxpuix, ija a chix mün to ongkya makhange tsuakkya changle; hünzom pangnu thüntho ma chix ile amüi ang tomkya Jisu to mongongkya makhange changle.
17“Üntoxle athax a, tüinaohom, hünzome tamchu hünzom lompabue Jisu to chempangle hwondao laxpuix, hünzome chitsingkya tokhange changdaoa le kue awanle. 18Kaipong ma wüi ajebu tokhange Messaiah-e sikngün apong angkya hexle Zange aje ang koxle thomdaoa; üntoxle chixe ile otsingtsing ma changle hüi ang kox. 19Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi. 20Ikoxle tix Jowanpa-e hünzom chasa ma azün angkya hanpak ahüiüi üntoxlechu ikoxtix chixe hünzom hanpakma Messaiah ang achangkya Jisu chix wüi hünzom hato ngui ang koxüi. 21Zange chix otsao ajebu makhange kaiwüi aje ang koxle thomdaokya ningle, Zange pangnu li wüi hozün ang achangle mazing tanto chix a zangkangting towüi nui angkya changle. 22#Tsk 18.15,18.Chemthüikoxle Mosa-e thüile, ‘Chixe ku ahüikya ningle, hünzom a khünaknu kha angkya, Zang hünzom Jowanpa-e hünzom hato ajepa tuita ahüi angkya changle. Chixe apuakya pangnu kax ma hünzome lax angkya changle. 23#Tsk 18.19.Owawae ija ajepa kax ma chilax jangthüiba, chix a Zang khünaknu füi ajanüi ilaxle azik-amütüi.’ 24Ajepabu, Samuel üntoxle chix füima hüikyabu pangnu, hwom opang ma Zang tokhange hüikya kaxho tüilaxpuix, hwome anyixkya chaxwan zanghan hia tunu wansa bamachu wüi akaxle. 25#Pon 22.18.Ibu chix ajebu makhange Zange tsaokya kax hünzom hanpak changle, üntoxle hünzom putong Abraham füi: ‘Nang sixli makhange chaxwannu angkya khünaknüsa nok towüi mohimanüi’, lükya Zang Tsaotsüt bama Abraham sixli a hünzom changpu. 26Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”
ที่ได้เลือกล่าสุด:
WANGSHEMBU MWOT 3: WANCBSI
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
WANGSHEMBU MWOT 3
3
Chafai-mix tuita Amüikya
1Nyixta tsomfüi zangjop tue Pitar hia Juhan nyi Zangshwom-Hom to ngui. 2Ikhama “Osün müikya zünkai”, le nyakkya zünkai ma, puxpong tokhange wüi ile puxkya chafai tuita tüikya. Zangshwom-Hom to nguikyabu ma ngun ju ang nyixfole chix a ikhama apüile tox. 3Otue chixe Pitar hia Juhan nyi nguiüi ngünle lax, chixe hokhi ma ngun ju. 4Okhie chix to tangthole hu ilaxle Pitar-e thüi: “Kukhi to hulax!” 5Ikoxle hokhi angkya ngun tükopüi jao le onglaxle chixe hokhi chito hu. 6Pitar-e chix ang thüi: “Ku ma ngun ojao müntüi, ikoxlechu ku ma chem tüipuix ija kue nang ang fapu: Nazareth nok Jisu mün ma kue nang ajong üntoxle aham ang tompu!” 7Ifüima chixe tsaxchi chak ma chix syetle ajong. Ima wüi thuile ija mixsün chikux mongle chafaikya müi; 8chix fütle ajong, ilaxle noxpakle aham ang süt. Üntoxle ahamle fütngale Zang achuakle chix Pitar hia Juhan nyi füi tomle Zangshwom-Hom to dong. 9Zangshwom-Hom ma tüile asukya khünak noke wüi ija khünake: Zang a ohünotün wüi changpu le achuakle ahamkya ngün; 10Ikoxle otue hwome ija mixsün a “Osün müikya zünkai” ma jusax mix ang ngokya chafai mix changpu le awanle lax; chix ile changkya ngünlaxle hwom pangnu wüi abüt ilaxle khosamle tangle hu.
Zangshwom-Hom ma Pitar Kaxho
11Ija mixsüne Pitar hia Juhan nyi to künle ngoponge “Solomon Nya-o”, le nyakkya khama, hwom hato khünaknu khosam abakle asox. 12Ibu khünaknu ngünkya zuma Pitar-e hwom ang thüi: “Israel khünaknu, ija mixsün faile ngokya amüikya ngünlaxle abütpia üntoxle kwom to ile akhingle büthüikoxle hupu? Ija mixsün aham ang koxkya a kwom tsakzong chichangba kwom tsaokya makhange changpu le hünzome texpia? 13#Lai 3.15.Abraham, Isak hia Jakop hwom Zang, kem putong hwom Zange chix Hosa Jisu fuazang ang koxdaoa. Hünzome chix pünpa-chongwangbu chak to kox, üntoxle Pitar-e dan angkya kax tsuak füima ngaxchu hünzome chix thüntho ma wüi Jisu tha ajao. 14#Mat 27.15-23; Mrk 15.6-14; Luk 23.13-23; Jhn 19.12-15.Chix a otsao tamchu sukya mix changkya, ikoxlechu hünzome chix chilax, itülüi hünzome Pilat ma mix mik amüt daokya mix wüi danhüile ju. 15Athaxpi hünzome khünak khüzün lom to zunkya mix langle awüt. Ikoxlechu Zange chix zidaokya chatle azün, ilaxle kwome ija ma mikshoe jao ngünle. 16Ija mixsün ang aham angkya zong a chix mün ma koxkya changle. Hünzome chem ngün üntoxle chem awanlaxpuix, ija a chix mün to ongkya makhange tsuakkya changle; hünzom pangnu thüntho ma chix ile amüi ang tomkya Jisu to mongongkya makhange changle.
17“Üntoxle athax a, tüinaohom, hünzome tamchu hünzom lompabue Jisu to chempangle hwondao laxpuix, hünzome chitsingkya tokhange changdaoa le kue awanle. 18Kaipong ma wüi ajebu tokhange Messaiah-e sikngün apong angkya hexle Zange aje ang koxle thomdaoa; üntoxle chixe ile otsingtsing ma changle hüi ang kox. 19Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi. 20Ikoxle tix Jowanpa-e hünzom chasa ma azün angkya hanpak ahüiüi üntoxlechu ikoxtix chixe hünzom hanpakma Messaiah ang achangkya Jisu chix wüi hünzom hato ngui ang koxüi. 21Zange chix otsao ajebu makhange kaiwüi aje ang koxle thomdaokya ningle, Zange pangnu li wüi hozün ang achangle mazing tanto chix a zangkangting towüi nui angkya changle. 22#Tsk 18.15,18.Chemthüikoxle Mosa-e thüile, ‘Chixe ku ahüikya ningle, hünzom a khünaknu kha angkya, Zang hünzom Jowanpa-e hünzom hato ajepa tuita ahüi angkya changle. Chixe apuakya pangnu kax ma hünzome lax angkya changle. 23#Tsk 18.19.Owawae ija ajepa kax ma chilax jangthüiba, chix a Zang khünaknu füi ajanüi ilaxle azik-amütüi.’ 24Ajepabu, Samuel üntoxle chix füima hüikyabu pangnu, hwom opang ma Zang tokhange hüikya kaxho tüilaxpuix, hwome anyixkya chaxwan zanghan hia tunu wansa bamachu wüi akaxle. 25#Pon 22.18.Ibu chix ajebu makhange Zange tsaokya kax hünzom hanpak changle, üntoxle hünzom putong Abraham füi: ‘Nang sixli makhange chaxwannu angkya khünaknüsa nok towüi mohimanüi’, lükya Zang Tsaotsüt bama Abraham sixli a hünzom changpu. 26Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”
ที่ได้เลือกล่าสุด:
:
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.