WANGSHEMBU MWOT KAXPONGWANG
KAXPONGWANG
Wangshembue Mokkya Mwot a Kaxho Müikya Luk laipex füikya othui changpu. Ami owang pongma Jisu man tokyabue, Otsao Chasa lomzun to: “Jerusalem ma, Jehudi hia Samaria pangnu khato, üntoxle chaxwannu okhui apongle” (1.8) chix Kaxho Müikya apuk-apuale chang angkya a ija laipex mongtex akhokya changle. Ija a khristan tuwuk tuita Jehudi khünakbu khama owang wang üntoxle chaxwannu pangnu hanpakma mongong tuita ang achangle hüi. Ija laipex zakya mix chatlechu “Khristanbu a Roman wangting amüt angkya (apün-adakyabu aza-ana angkya) hanpakma münchang ikoxle Jehudi zanglom kotok to ngaile ahokya changpu”, le chix lai ekyabu hama tsingang koxle.
Ituke Kaxho Müikya ziatamkya hia müimüithom zingle hüikya ocha ahole, Wangshembu Mwot a othom azom ang achangle ahan ang tsuaküi: 1. Jisu Khrista ding to dongkya füima lüile Jerusalem ma khristanbu tuwuk laikya. 2. Palestain chaxwan mama khatochu tsale paokya üntoxle 3. Mediterenian chaxwan to Rom alople tsale hüikya.
Wangshembue mokkya Mwot ma zangwün okho a: Otsao Chasa, owa zong füi mongong mixbu hato Jerusalem ma Pentekos nyix ngui ilaxle ija lai ma zale tüikya ningle pangnu zia akaile müimüithom hia lompabu ang zong adünle tamchu lomzunle hüi, ibu changle. Owang pongkya khristanbu kaxho a kaxmik tuita anyi ang achangle wünle, ilaxle Wangshembu Mwot ma hwom füi apongle hüidaokya tuwuk bama zale thomkya makhange mongong mixbu tsün ma hia müimüithom tusox ma ija kax khoma zong tüikya ahole.
Omong ma Tüikya
Hakhi fa ang achwonkya 1.1-26
Jisu Khrista oshuk kaxtom üntoxle kaxtsao 1.1-14
Juda lüikya 1.15-26
Jerusalem ma kaxkhi fakya 2.1—8.3
Jehudi hia Samaria ma kaxkhi fakya 8.4—12.25
Pol-e Jowanpa mwottho thakya 13.1—28.31
Pongwang lükya misonari wünham 13.1—14.28
Jerusalem ma pangtom asoxkya 15.1-35
Anyi lükya misonari wünham 15.36—18.22
Azom lükya missionari wünham 18.23—21.16
Jerusalem, Kaisaria, Rom to Pol hakle thomkya 21.17—28.31
ที่ได้เลือกล่าสุด:
WANGSHEMBU MWOT KAXPONGWANG: WANCBSI
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.