John 4
4
CHAP. IV.
1Ethone kadi wahhodogense ne Royaner tsi ronaghronken ne Pharisees si Jesus fénha wahhotyoghkwayendane ok wahsʼhakoyatise tsiniyught ne John. 2Sàne raonha ne Jesus yaghten wahsʼhakoyatise ok ne raotyonghkwa etho ne hodiyéren. 3Eren sareghte ne Judea, ok sarawe Gallìleets-eràgon. 4Ne kadi aoríwa Samaria nonga yehhodoh-hetfton. 5Ethone yehharawe tsi nonwe kanadaye Samariatseragon nene konwayats Sychar, ok niyoreah tsiyonkwènràre nʼoghwhenja nene Yakwek rowigh ne Roye-ah Joseph. 6Egh nonwe yekaghnégo ne Yakwek ròkwàthon, Jesus kadi tehowishenhéyon, tsi rathahhaghkwe, eghwahhatye akda tsi kaghnégon: nene yayakhadont hour tsiniyodeghniserìne. 7Egh wa-onwe nene Samaria-haga onheghtyen, nene yeghnegotsyenghtáne. Jesus wahsʼhakawen-haghse, kafha nʼaknegìra. 8(Iken ne raotyonghkwa tsi kanadaye ronénonghtone radighninònre nʼadenàtsera.) 9Ethòne tentahhonwenhaghse, ne Samaria-haga onheghten oghniyotyéren, Jewshaga se nʼaghsyadòten, ok ighseghre enyonknègon nʼaknegira, Samaria-haga se niih; iken ne ne Jewshaga yaghothènon tehondadsteristha ne Samaria-haga. 10Jesus tʼhodady ok wahsʼhakawenhaghfe, togat nonken enserighwayenderhen tsinisʼhakàwen ne Niyoh, ok nene onghka nonwa waghyènne kasha nʼaknegìra; ise denghnon àeghtsenègen ok aghyaghnégon ne yonhe onwe ne kaghnegòten. 11Nene Onheghtyen tentahhonwenhaghse, Sewenníyoh, yaghnahhoten te sayen nʼasnegojenghthak, ok yoghsonwis tsi kaghnégon kàh kadi enteshàwight nʼetho ne yonhe onwe ne kaghnegòten. 12Senha ken ighskowànen tsiniyught nʼeghtsidewanihha Yàkwek, nene sʼhongwàwigh tsi kaghnegon, ok oni ne raonha ne sʼhakoyen-ongonwa, oni raodsèna-ongon radighnegirhaghkwe ne sagat. 13Jesus tehharighwaseràgon ok rawen onghka kiok enhaghnegíren ne ken ne kaghnegòten, enshonyadadhense. 14Ok onghkakiok raghnegírhen oghneganoghs nene iih enhíyon yaghnonwèndon tʼensahhonyadat-hense; ok ne oghneganoghs ne iih enhíyon ne enkenhak ne yoghnawenrotte nene eghyaweghtonhatye tsinonwe tsiniyehenwe enyákonheke. 15Nene onheghtyen tahhonwenhaghse, Sewenniyoh tàkon ne kengh ne kaghnegòten, nene yaghten ensewakonyadathenghse yaghoni tʼaonseknegakohha ne kentho. 16Jesus wahsʼhakawenhaghse, wa-as, yaghtshinonk ne tesenideron ok kàro tendasseneght. 17Ok ne onheghtyen, tagènron, yaghten wakenyàkon, Jesus waksʼhakawenhaghse, wateserighwayérste tsi waghssron, yaghten wakenyàkon. 18Iken wisk ne sennyakòne ok ne nonwa isenese yaghten senninyàkon, ne kadi togenske, tsi nʼaghsyére. 19Ne onheghtyen wahhonwenhaghse, Sewsen-niyoh, Prophet na-ah nʼise tsi tewakyadoreghtha. 20Dhinnih hògon tsi yononde ne keogayen wahhonwanidenghtàse ne Yehovah, ok sewenyon nʼise, Jerusàlemne naah ne yoweyenston tsinonwe nʼongwe enhontsèrist ne Rawenniyoh raoriwa. 21Jesus. Wahsʼhakawenhaghse, Sennheghtyen, aghserhek enwaderighwihhewe, nene yaghten tsi yononde ne kengayen yagh oni Jerusalemne tenhonwanidenghtase ne Ranihha. 22Yaghten sewarighwayenderi nahhoten sewani-denghtase, ok niih yakwarighwayenderi ne nahhoten wakwatsteristha, iken ne Jewshagage nonga yekariwayen ne salvatione, (nene enyondadyadàgon.) 23Ok enwaderighwihhewe ok onen nonwa watkayèrine, nene togenske ronderennayeghs, kanigonràge enhonwanidenghtase ne Niyoh ok nene togenske onwe; iken ne Ranihha etho niyought sʼhakoyadísaks enhonwanidenghtase. 24Kanigonra naah ne Níyoh: ok rononha nene ronwanidenghtase, kanigonrage ok oni togenske onwe etho nʼenhadíyere. 25Nene onheghtyen sahhonwenhaghse, kerighwayenderi entre ne Messias, nene Christus ronwayats, ethone neonen enrawe agwegon ensʼhongwarighhoktaghse. 26Jesus wahsʼhakawenhaghse, nene nonwa koghtharàne iih naah nʼetho.
27Ethone sahhonéwe ne raotyonghkwa ok wahhodineghrago tsi tehodightare ne onheghtyen, yagh sàne onghka teyakàwen, nahhoten ighseghre? oghneyotyèren tsitesenighthare? 28Ethone ne onheghtyen sʼoughdéndi ok tegayen ne yoghnegagohhenghne, ok eghsàweghde tsi kanàdayen neoni wa-kawenhaghse ne radinakere. 29Kassewe, eghtsisewatkensère ne rongwe ne ne agwegon rakerighhoktaghse tsiniwakyéren tsinahhe, yagh ken ne tʼenkenhak ne Christus. 30Ethone wahhadiyàgenne tsi kanadayen ok egh wahhonewe tsi renderon.
31Aghson tsi egh ne waderighwihhawise, ne raotyonghkwa, ronwénni, Sewenniyoh sennyahhek. 32Ok saghsʼhakawenhaghse, wakèhkwayen ne enkeke nene yaghten sewayendèri. 33Ne kadi wahhoni rònen ne raotyonghkwa ok ne rononha-on, ronwanònten onghte ken ne kahkwa. 34Jesus waghsʼhakawenhaghse, ne naah nʼàkehk-wa ne enkaderighwaghtendyat tsinihonigonghro-ten ne rakhennha-on ok enkeweyenendane ne raoyodenghsera. 35Yagh ken tesewen, aghson kayèri niweghnidage yeyodadenron, ethone enwaderighwihhewe tsinenyennekerìyake, onen, wakwenhaghsè, sewatkaghkwarighsyon, ok sewatkaghtho tsi kaheghtayendon, onen se wakenràgenne ne yodòne tsini yoweyenston enyéyake. 36Ok ne raonha ne ranekerìyaks ronwadenghraghserons, ok raròroks ne wadonyanyon, ne énhoyendatye tsi eterna adonheta, nene aontyesènhak ne rayenthoghse ok oni ne ranekerìyaks enskatne aghyadonhàren. 37Eghnonwe yaweght togenske ne yondon, sʼhayadat rayenthoghse, ok tesʼhayadate ranekeríyaks. 38Kwannha-on ne ensewanekeríyake tsi nonwe yaghten sewayode-on; oya nʼongwe yakayòdeghwe ok tsi sewadaweyàdon raodiyodenghseràgon.
39Ok yawetowànen ne Samaria-haga, tsi eghkanadayen radinakere wathoneghtaghkon raonhàge, ne aoriwa tsiniyakawen nʼonheghtyen, tsiwaontrory, agwegon ne wahhakherighhoktaghse tsiniwakatyèren tsinahhe. 40Ethone se ne onen ne Samaria haga wahhon-wayadòrenne, wahhonwarighwanegen, nʼetho enhattyen tsi radideron; ok tekeni egh waghreghniseròkten. 41Ok yawetowanen nʼoya teyakaweghdaghkon ne aoríwa raonha raowenna. 42Ok wakonwenhaghse ne onheghtyen, onen nonwa teyakweghtaghkon yagh ne te gen ne ok aoriwa tsinisayeren: iken sakwawennaghronken oni niih, ok wakwaderyendare nene kengayen togenske onwe naah ne Christus, nene ensʼhakoyadàgon ne ongwe.
43Tekeni tewada Oghnagenke eren sàregde, ok Galileetseràgon wàrawe. 44Iken Jesus raonha ok rorighwadadigh, nene Prophet yaghten honwarighwakonyensten raonha agwagh tsi ranakere. 45Ethone ne onen yeharawe Galileetseràgon wahhonwadeweghkwen ne Galilee-haga, ronaderighwatkaghtho se yorighwagwegon tsinihoyéren Jerusalemne tsi wadennyode, iken rononha egh radiyadareghkwe. 46Etho sarawe ne Jesus tsi Kanadaye ne Cana-Galileetseràgon, tsinonwe Oghneganoghs wine wahha-onyon, ok rayadatogen ne Royaner nene roye-ah egh si wahhononghwaktane Capernaum nonwe. 47Ne onen wahhàronke tsi eren rawenonghton ne Judea, ne Jesus ok Gallileetseragon isrese, egh wàreghde raonhage, ok wahhorighwanegen nene aontahhaghkete ok ensʼhotsyende ne Royeah iken onontohha aghrenheyen. 48Ethone Jesus wahhawenhaghse, togat nonken yaghten ensewatkaghtho wadennageraghtanyoh ok ne yorighwaneghragwaghton, yaghten aonteseweghdaghkon. 49Ne Royaner wahhawenhaghse, Sewenniyoh karo daseghtha arekho aontaghrenhheyen ne rihhàwak. 50Jesus sahhawenhaghse, wa-as ronhé ne eghtsye-ah, ok ne rongwe wathaweghdaghkon ne owènna ne ne Jesus tʼhodadigh raonhhage ok egh sʼhawènonghton. 51Ok aghson tsi raghdentyon hatye wathonderane ne sʼhakonhase, ok ronwaghròry, yakìweahàtye ronhè nʼeghtsye-ah. 52Ethone wahsʼhakorighwanondonse tsini kahhawisgwe tsi wa-ondaghsawen ensahhayewènndane, ok sahhonwenhaghse, dédenre nene tsyàdakhadonthour sʼonghtkawe tsi rodongwarhonghsgwe. 53Etho roderyenndare ne ronihha ne ne agwagh egh ni kahhàwisgwe ethone ne Jesus wahhawenhaghse, ronhe ne eghtsye-ah, ok ne raonha oni agwegon ne raononghsagon wathoneghtaghkon. 54Ne ne kengayen àre ne tekenihhadont miracle (yorighwanneghragwaght) tsini hotyèren ne Jesus ethone tsi sʼhoyagen-on ne Judea, Galileetseragon tsi yehàrawe.
ที่ได้เลือกล่าสุด:
John 4: MOH1804
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Historical text maintained first published by the British and Foreign Bible Society in 1804.