sēnt cān 2
2
1ē ati nisto kisikāk māka ki wikitonāniwan kēna kalalihk; cisas māka okāwiya ēkota ki ayāyiwa: 2ēkosi cisas wista ki natomāw, asici o kiskinohamawākana wikitowinihk. 3ispi māka niyotēpayiyik somināpo, cisas okāwiya omisi ki itik, namawiya ayāwak somināpo. 4cisas māka omisi itēw, iskwēw, kēkway māka kiyānaw kē ohci papamēyitamahk ēwako? namēskwa isa otihcipayiw iyikohk ētēyitamān. 5okāwiya omisi itēyiwa atoskēyākana, piko kēkway kē itikowēkwē, itotamok. 6ēkota māka ki astēwa nikotwasik asiniwi nipi asiwacikana kā isitwacik cowak ē pēkiisocik, nāntaw nāniso ahpo nānisto tipaopān ē ispitēyitākwāki. 7cisas māka omisi itēw, sakaskinēpatāk nipi asiwacikana nipi ohci. ki tātipaskinēpatāwak māka. 8omisi māka itēw, sikinamok ēkwa, itotatamāhk māka wikokēwikimāw. ki itohtatamawēwak māka. 9ispi māka wikokēwikimāw kā kocistahk nipi kā ki somināpowitāhk, namawiya māka kiskēyitam tanitē kā ocipayiyik; (māka atoskēyākanak kā ki sikinakik ki kiskēyitamwak;) ana māka wikokēwikimāw ki natomēw owikitowa, 10omisi māka itēw, kā itasit ayisiyiniw nikān māna pakitinam kā miwāsiniyik somināpo, ispi māka ayisiyiniwak kā miyo minikwētwāwi, ēkwa ēkā nāspic kā miwāsik; māka kiya ki ki kanawēyitēn kā miwāsik somināpo piyis anohc. 11ēwako oma nistam ē kiskinawāci wāpahtahiwēt ki itotam cisas kēna kalalihk, ē ki nokotāt o kistēyitākosiwin; o kiskinohamawākana māka ki tāpwēyēyimik.
12 #
mātyo 4:13
kā poni isihcikēt māka oma, ki itohtēw kēparnēamihk, wiya, mina okāwiya mina ociwāma mina o kiskinohamawākana: ēkota ki ayāwak namawiya micēto kisikāwa.
13 #
ēksatas 12:1-27
o mayāskotāto wihkohtowiniwāw māka cowak sāsay kēkāt otihcipayiyiw, cisas māka cērosalamihk ki itohtēw, 14ki miskawēw māka kihci ayamihēwikamikohk anihi kā atāwākēyit mostoswa mina māyatihkwa mina omimiwa, mina soniyāwa kā miskotonāyit ē apiyit: 15ispi māka kā ositāt pasastēikan piminakwanisa ohci, ki wayawitisawēw kahkiyaw kihci ayamihēwikamikohk ohci, asici māyatihkwa, mina mostoswa: ki sikiwēpaamawēw kā mēskotonāyit soniyāwa, mina ki kwatapiwēpaam micisowinahtikwa; 16omisi māka ki itēw omimiwa kā atāwākēyit, sipwētatāk ohi; ēkāwiya atāwēwikamikokēk notāwi o wāskāikan. 17#nikamona 69:9o kiskinohamawākana māka ki kiskisopayiyiwa omisi ē itasinahikātēyik, ēspici sakitāyān ki wāskāhikan ni ki kitamokon.
18ki naskwēwasimēwak māka cowak omisi ē ki itācik, kēkway kēskinawāci wāpatiyiyāhk, omisi kā totaman? 19#mātyo 26:61; 27:40; mārk 14:58; 15:29cisas ki naskwēwasimēw omisi ē ki itāt, nisiwanācitāk oma ayamihēwikamik, ki nisto kisikāki māka ni ka waniskānēn. 20omisi māka ki itēwak cowak, nēmitanaw nikotwāsosap tahto aski ki atoskācikātēw ē osicikātēk oma kihci ayamihēwikamik, nisto kisikāwa ci māka kiya ki kā waniskānēn? 21anima māka ayamihēwikamik kā itwēt wiyaw kā itahk. 22ispi makā ē ki waniskāt nipowinihk ohci, o kiskinohamawākana ki kiskisopayiyiwa oma ē ki itāt; ēkosi ki tāpwētamwak kihci masinahikēwin, mina itwēwin cisas kā ki itwēt.
23mēkwāc māka ē ayāt cērosalamihk ē mayāskotāto wihkohtohk, ē wihkohtowi kisikāk, mihcēt ki tāpwētamiyiwa o wiyowin, ispi wiyāpahtamiyit mamahtāwi isihcikēwina kā itotahk. 24namawiya māka cisas ki pakitēyimisostawēw, cikēmā ki kiskēyimēw kahkiyaw ayisiyiniwa, 25namawiya mina awiya ki natawēyimēw kita acimayit ayisiyiniwa: cikēmā ki kiskēyitam kēkway kēkiskākoyit ayisiyiniwa.
ที่ได้เลือกล่าสุด:
sēnt cān 2: KKMR
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
This Bible text is a transliteration of a corrected edition of the 1908 Western Cree Bible; it is in the public domain.