Luka 20
20
Yesu a piya adi nye koŋdya kine ŋo ko kido niŋa
(Köti Matayo 21.23-27; Marako 11.27-33)
1A ko gwe sona i lele lor, na todiŋdye Yesu ŋutu i Kadi na Ŋun ko i tokujo na Loŋe Lo ’but nu, a koanejin temejik ko katodinök ti Saresi ti Mose se ko ŋutu temejik iŋge po, 2a je pije lepeŋ adi, Taki yi, do ryö kido ya nagon do koŋdi kine ŋo? Pija lo tiŋdu do ŋina kido? 3A nye waddi lepeŋat adi, Nan köti gwon ko piyet nagon nan pije ta; nyoŋe ta nan.
4Ŋina batisimo nagon Yoane babatiddye na po ki kode po ko ŋutu?
5Ama a lepeŋat tokulyaki ko ’börik adi, Koyi de ruggö adi, Ŋina batisimo po ki, a nye de pije yi adi, Nyo nagon ta ti yuŋ Yoane?
6Ama koyi de ruggo adi, ŋiria batisimo po ko nutu, a ŋutu liŋ de poki i gugubuja na yi ko ŋurupo; kogwon se ’diri a yeyeju adi, Yoane logon a nebi. 7A kirut lepeŋat renyani adi, Yi ti den ko ŋina batisimo po ya. 8A Yesu kulyani ko se adi, A ma ’di nan lo köti tine tukokin ta ko nan koŋdya kine ŋo ko kido niŋa.
Lilim lo kakuruk ti lukobi na binyo
(Koti Matayo 21.33-46; Marako 12.1-12)
9 #
Yis 5.1
A Yesu suluje jamakiŋdya ŋutu lo lilim adi, Lele ŋuto a ’yuddu kaden ti binyo i lukobi, a nye sarakiŋdye ko kulye kakuruk i könisi, a nye iti i lele jur, a karara ko diŋit a najo. 10A nagon gwe a diŋit na ’butun nu, a nye soŋdi ’dupiet ko kakuruk yu anyen se kodyö tiŋdu lepeŋ kulye ludweki ti binyo. Ama a kakuruk ’biddye lepeŋ, a riköddi lepeŋ kaŋo ’bak nene ŋo i könin. 11A nye köti möŋi soŋdu köliŋönit tomurek, ama a se köti ’biddye lepeŋ, a sasaŋdi lepeŋ parik, a rikoddi lepeŋ kaŋo ’bak nene ŋo i könin. 12a nye koti soŋdi köliŋönit tomusala, ama a se böŋoddi lepeŋ a gubaddi lepeŋ kaŋo. 13a kirut monye lukobi na binyo pije mugun adi, Nan koŋdya nyo? Nan de soson pilili liŋ lo ŋuro lo nyanyara, kode ŋona lepeŋat de twotwö lepeŋ. 14Ama a na meddi kakuruk ŋilo ŋuro nu, a se tokulyaki ko ’börik adi, Malo ŋuto logon mo ruddya lukobi na monye. Ti yi tatune ta tatu lepeŋ, anyen ŋina luköbi böŋö gwon a nikaŋ. 15A se gubaddi lepeŋ kaŋo a tatuje lepeŋ. Nyena a monye lukobi na binyo mo konakiŋdye lepeŋat nyo? 16Lepeŋ mo popo i tukaŋu na kulu kakuruk, a mo sarakiŋdye ŋinu lukobi ko kulye ŋutu i könisi. A na yiŋge ŋutu kine kulya nu a se kulyani adi, Ti gwe ti gwon sona! 17#Sau 118.22Ama a nye diŋe lepeŋat, a pije adi, Nyena na ŋo a nyo nagon a wuro adi, Ŋurupit logon ka ’dukok a renya lo aje wora a ŋurupit tutuŋet lo goŋet lo kadi? 18Ŋutu liŋ logon a ’doro i ŋilo ŋurupit kilo mo giginya ka ’de ka ’de, ama ŋuto logon ŋilo ŋurupit a muju lepeŋ lo mo pasakani pasaka. 19a katodinök ti Saresi ti Mose se ko koanejin temejik ga ’yi morga lepeŋ i ŋinu diŋit gwak, ama a se kujono ni ŋutu kulo, kogwon se a kurun adi nye jambu ŋilo lilim i kulya kase.
Katodinök ti Saresi a pija Yesu i kulya ti ropa na usur
(Köti Matayo 22.15-22; Marako 12.13-17)
20A katodinok ti Saresi dombi Yesu a soŋdi kawirak logon mirakiŋdya adi se a ŋutu ti to ’diri, anyen se ködyö morga kulyaesi lo jam nye kulo, anyen joŋ ko modir lo gwon ko kido i ’duŋokiŋdyo na putet. 21A se kulyani ko Yesu adi, Katodinonit, yi deden adi do jambu ’bura koti do todiŋdyo rigwo, a do tine nyunyumbö ŋutu, ama do todiŋdyö kiko lo Ŋun ko to ’diri.
22Saret ŋona a ruk adi Kaisar bubulo ropaki usur, kode ti bulo ropaki?
23Ama a nye iŋge gwulu mumulugga nase, a kulyani ko lepeŋat adi, 24Kweki ta nan gurusutot. Ŋina ŋo jinoti se ko kilo wuresi a ti ŋa? A se waddi adi a ti Kaisar. 25a nye kulyani ko se adi, Ropaki ta Kaisar ŋo nagon a ti Kaisar, köti ropaki ta Ŋun ŋo nagon a ti Ŋun.
26A se tine bulo morga lepeŋ ko ŋutu i komor ko kulyaesi lo jam nye kulo; ama kölumbö a se soŋi soŋu ko waset lonyit, a se yiŋani taliŋ.
Yesu a piya i kulya ti ŋien i twan
(Köti Matayo 22.23-33; Marako 12.18-27)
27 #
Kon 23.8
A kulye Sadokejin poŋdi ko Yesu ni. (Kilo ŋutu jambu adi ŋutu ti ŋien i twan.) 28#Nyö 25.5A se pije lepeŋ adi, Katodinonit, Mose aje wurökiŋdyo yi ŋilo saret adi, Ko luŋaser lo lele ŋuto a twan, lo gwon ko nakwan ama a nye gwe ’bak ŋwajik, a luŋaser lo ŋuto lo twan lo kodyö ruddya ŋina karu ’be anyen yuŋwekiŋdyöluŋaser lonyit ŋwajik.
29Nyena luŋasirik kata buryo, a kayu lo iŋge yemba nakwan, a ŋilo ŋuto twane twan ’bak ŋwajik; 30a loponi ruddye ŋina karu ’be, 31a tomusala köti ruddye nye, tojo se liŋ buryo köti a twatwa ’bak ŋwajik. 32a i mukök, ŋina ŋuto köti iŋge twan. 33Nyenagon i toŋiyu na ŋutu lo twatwa a ŋina nakwan mo gwe a niŋa? Kogwon se liŋ buryo aje ’debba lepeŋ a nakwan.
34A Yesu waddi lepeŋat adi, Ŋutu ti na diŋit yeyemba ko yeyema, 35ama se logon jujukin toŋiyu i twan anyen gwon jörun i diŋit na popo kulo, tine yemba a köti tine yema. 36Lepeŋat koti ti twatwa kwöŋ kogwon se gwon gwoso malaikajin; se a ŋwajik ti Ŋun kogwon se köti aje toŋiyu i twan. 37#Yuö 3.6Mose a kwekiŋdya ’bura adi ŋutu logon a twatwa kilo mo totoŋiyu anyen gwon jörun, kogwon i kenet nagon jambu kulya ti rudu lo tutule nu, nye luŋgu MATAT a Ŋun lo Abarayama, ko a Ŋun lo Yisaka, ko a Ŋun lo Yakobo.
38Nyenagon lepeŋ ti gwon a Ŋun lo ŋutu lo twatwa, ama a Ŋun lo ŋutu lo gwon jörun; kogwon kanyit i metet ŋutu liŋ gwon jorun. 39A kulye katodinok ti Saresi ti Mose waddi adi, Katodinönit. do aje kulya ’bura; 40kogwon lepeŋat kukujonö pija lepeŋ ko nene piyet.
Yesu a pija i kulya ti Masia
(Köti Matayo 22.41-46; Marako 12.35-37)
41A Yesu pije se adi, Ada lolor nagon ŋutu kulya adi Masia a ŋuro lo Dawidi?
42 #
Sau 110.1
Kogwon Dawidi lepeŋ lo kulya i Buk na Saumajin adi, MATAT Ŋun a kulya ko MATAT liŋ adi, Si ’dakine köyö i konin lutaten, 43tojo ko nan a tin do merok kulök a tökit inot na mokosi.
44Nyenagon Dawidi luŋgu ŋilo ŋuto a MATAT lonyit, a Masia gwe a ŋuro lonyit ada?
Yesu a kunyaŋu ŋutu i kulya tikatodinök ti Saresi ti Mose
(Köti Matayo 23.1-36; Marako 12.38-40)
45A nagon ŋutu liŋ gwon i yiŋga nu, a Yesu kulyani ko ŋutu kanyit kajujumuk adi, 46Kunyar ta i kulya ti katodinök ti Saresi ti Mose logon nyanyar walaŋ a jupu boŋgwat najo, a nyare nyar romarikin i piritön gwöriesi. Lepeŋat nyanyar si ’da i si ’daesi ti ŋerot i kadijik momoresi, a nyaŋi si ’da i piritön ti ŋutu lokukwön i rorweki.
47Kilo a ŋutu logon nyesu ŋo ti karu ’bejin, kölumbö a se kwakwaddi diŋit a najo mumulugga. Lepeŋat mo ririŋa bia parik.
ที่ได้เลือกล่าสุด:
Luka 20: BBE
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Bari Bible © United Bible Societies, 1979.