Ioan 3
3
Iesu'n disgu Nicodemus
1-21Dâth un o'r Ffariseied, Nicodemus we'i enw e, at Iesu pan wedd i'n dewill. Nawr wedd e'n Iddew pwysig iawn, in un o'r rhei we'n u harwen nhwy. A gwedodd e wrth Iesu, 'Rabbi, ÿn ni'n gwbod bo ti'n dwâd wrth Dduw fel un i'n disgu ni, achos galle neb neud i pethe wit ti'n neud os na byse Duw 'dag e.’ Atebo Iesu, 'Dwi'n gweud i gwir wrthot ti nawr, os nadi dyn in câl i eni o lan gall e ddim gweld Teyrnas Duw.’ Gwedo Nicodemus wrtho, 'Shwt gall dyn gâl i eni pan mae e'n hen? Gall e fynd nôl miwn i fola'i fam shwrne 'to, a câl i eni?' Gwedo Iesu, 'Dwi'n gweud i gwir wrthot ti nawr, os nadi dyn in câl i eni o ddýr a'r Isbryd, gall e ddim mynd miwn i Deyrnas Duw. Ma pob un sy'n câl u geni fel pobol in debig i bobol, ond ma pob un sy'n câl u geni o'r Isbryd in debig i'r isbryd. Peidwch câl sindod bo fi'n gweu'thoch chi, “Rhaid ichi gyd gâl ich geni shwrne 'to o lan.” Ma'r gwynt in hwthu ble mae e moyn, gallwch chi i gliwed e, ond senoch chi'n gwbod o ble mae e'n dwâd, na i ble mae e'n mynd. Fel 'na'n gowir mae i gyda'r rhei sy'n câl u geni o'r Isbryd.’ Atebo Nicodemus e, 'Shwt gall i pethe 'ma ddigwidd?' Gwedo Iesu, 'Wit ti'n un sy'n disgu pobol Isrel, on'd wit ti? Shwt wedyn wit ti ddim in gwbod i pethe 'ma? Dwi'n gweud i gwir wrthot ti nawr, ÿn ni'n sharad am bethe ÿn ni'n gwbod amdanyn nhwy, a dwi'n gweu'thoch chi am bethe dwi wedi'u gweld nhwy; ond wedyn weth sdim un o'chi in credu beth dwi'n gweud. Dwi wedi gweu 'thoch chi am bethe deiarol, a chi ddim wedi'n gredu i, shwt wedyn 'te newch chi'n gredu i pan weda i wrthoch chi am bethe nefol? Sneb wedi mynd lan i'r nefodd ond ir Un ddath lawr o'r nefodd, Crwt i Dyn.
'In gowir fel gododd Moses i neidir lan miwn lle diffeth, ma'n rhaid i Grwt i Dyn gal i godi lan, fel bo bob un sy'n credu in câl byw am byth indo fe. Achos carodd Duw bob sun shwt gwmint nes bo fe wedi rhoi i unig Grwt, fel bo pob un sy'n credu indo fe ddim in mawr, ond in câl byw am byth. Achos nâth Duw ddim hala'i Grwt miwn i'r byd i farnu'r byd, ond ar gownt safio'r byd trwyddo fe. Fydd neb sy'n credu indo fe in cal i farnu; ma'r rhei sy ddim yn credu wedi câl u barnu in barod, ochos bo nhw ddim wedi credu in unig Grwt Duw. Fel hyn ma barn in gweitho: ma gole wedi dwâd miwn i'r byd, ond we well 'da pobol aros miwn tewillwch na miwn gole, achos we'r pethe wen nhwy'n u neud in ddrigionus. Ma pob un sy'n neud drigoni yn ffeilu haru'r gole, so senon nhwy'n dwâd miwn i'r gole fel bo'r pethe man nhwy'n u neud in câl u gweld; ond ma'r rhei sy'n neud beth sy'n iawn in dwâd miwn i'r gole, fel bo'r pethe man nhwy'n u neud in câl u dangos fel pethe sy'n dwâd wrth Dduw.’
Ioan Fididdiwr in sharad obitu Iesu
22-36Wedi hyn dâth Iesu a'i ddisgiblion i wlad Jiwdea; a arhosodd e gida nhwy a bididdio. We Ioan 'fyd in bididdio in Ainon, ar bwys Salim, achos we lot o ddýr man 'ny; a we pobol in dwâd a'n câl u bididdio; achos we Ioan ddim wedi câl i roi in shâl 'to.
A dachreuodd rhei o ddisgiblion Ioan a Iddew bledo â'i gily obitu lle golchi in u cred. Dethon nwy at Ioan a gweu 'tho, 'Rabbi, dricha! Mae e, ir un we 'da ti ochor arall i afon Iorddonen, ir un nes di weu 'thon ni amdano fe, in bididdio, a ma pob un in mynd mas ato fe.’ Atebo Ioan, 'Gall neb gâl ddim byd os nadi e wedi'i roi iddon nhwy in i nefodd. Gallwch chi'ch hunen weud amda i, nes i weud, “Ddim fi yw'r Meseia, ond dwi wedi câl in hala o'i flân e. “Ir un sy gida'r fenyw sy'n priodi yw'r dyn sy'n priodi; ond ma ffrind i dyn sy'n priodi, sy'n sefyll a'n grondo arno fe, wrth i fodd i gliwed llaish i dyn sy'n priodi. A nawr, o achos 'na, wi wrth in fodd. Rhaid iddo fe fynd in bwysicach, a rhaid i fi fynd in llai pwysig.’
Mae e sy'n dwâd o lan in fishtir dros bob peth; mae e sy'n dwâd o'r ddeiar in un o'r ddeiar, a mae e'n sharad fel byse fe'n dwâd o'r ddeiar. Mae e sy'n dwâd o'r nefodd in fishtir dros bob peth. Mae e'n gweud am beth mae e wedi'i weld a wedi'i gliwed; ond sneb in credu beth mae e'n i weud. Ma bob un sy wedi credu beth mae e wedi'i weud in gweud fod Duw in wir. Ma'r un ma Duw wedi'i hala yn sharad geire Duw, achos seno Duw in gweud taw dim ond rhei sy'n câl ir Isbryd. Ma unrhiw un sy'n credu in i Crwt in byw am byth; bydd unrhiw un sy ddim in credu in i Crwt ddim in byw am byth, in lle 'ny ma Duw in ddig 'da nhwy.
ที่ได้เลือกล่าสุด:
Ioan 3: DAFIS
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Y Beder Ifingyl gan Lyn Lewis Dafis. Hawlfraint – M ac R Davies