ᒨᓯᓯ ᓯᕗᓪᓖᑦ 2
2
1ᑕᕝᕙ ᕿᓔᓪᓗ ᓄᓇᕐᔪᐊᕐᓗ ᐱᔭᕇᓚᐅᕐᐳᑦ, ᐃᓂᖃᕐᑐᓪᓗ ᑖᒃᑯᓇᓂ. 2#ᒨᓯᓯ ᐂᑉᐸᖏᑦ 20:11.#ᐄᑉᕈᐃᓄᑦ 4:4,10.ᐅᓪᓗᐃᑦ 7ᖓᓐᓂ ᒎᑎᐅᑉ ᐱᓇᓱᐊᕐᑕᓂ ᐱᔭᕇᕋᒥᒋᑦ, ᑕᕾᕐᓯᕐᐳᖅ ᓴᓇᔭᓕᒫᒥᓂᑦ ᐱᓇᓱᐊᓚᐅᕐᑕᒥᓂᑦ. 3ᒎᑎᐅᓪᓗ ᐅᓪᓗᐃᑦ 7ᖓ ᓮᒻᒪᕐᑎᑉᐹ ᐃᑦᔪᕐᓁᑎᓪᓗᒍᓗ, ᑕᕝᕙᓂ ᒎᑎ ᑕᕾᕐᓯᓚᐅᕋᒥ ᐱᓇᓱᐊᕐᑕᓕᒫᒥᓂᑦ ᐱᓐᖑᕐᑎᑦᓯᓪᓗᓂ. 4ᐅᑯᐊ ᑕᕝᕙ ᑭᖑᓕᕇᑦ ᕿᓚᖕᒥ ᓄᓇᒥᓗ ᐱᓐᖑᕐᑎᑕᐅᓚᐅᕐᑐᑦ.
ᐱᕈᕐᓰᕕᒃ ᐄᑕᓂ
ᑍᑦᓱᒪᓂ ᐊᑕᓂᖅ ᒎᑎ ᓄᓇᕐᔪᐊᕐᒥᒃ ᕿᓚᖕᒥᐅᑕᓕᒫᓂᒡᓗ ᐱᓐᖑᕐᑎᑦᓯᑎᓪᓗᒍ, 5ᓱᓕ ᐱᕈᕐᑐᖃᓚᐅᓐᖏᓚᖅ ᓄᓇᒥ ᐱᕈᕐᓯᐊᒃᓴᑦ ᐱᕈᓕᓚᐅᖏᒻᒪᑕ ᐊᑕᓂᖅ ᒎᑎ ᓯᓚᓗᒃᑎᑦᓯᓚᐅᖏᒻᒪᑦ ᓱᓕ ᓄᓇᒧᑦ, ᐃᓄᖕᓂᒃ ᓄᓇᓕᕆᔪᒃᓴᕐᑕᖃᓚᐅᖏᒻᒪᑦ ᐱᕈᕐᑐᒃᓴᑦ ᐃᓂᒃᓴᖏᓐᓂᒃ. 6ᓴᓗᐊᕐᐸᓪᓕᐊᔪᖅ ᖁᒻᒧᐊᖃᑦᑕᓚᐅᕐᐳᖅ ᓄᓇᓕᒫᖅ ᖃᐅᓯᕐᑎᓪᓗᒍ.
7 #
1 ᑯᕆᓐᑎ 15:45. ᐊᑕᓂᕐᓕ ᒎᑎ ᐃᓄᒃᓴᓕᐅᕐᐳᖅ ᓄᓇᐅᑉ ᐃᓚᖓᓂᒃ ᐱᓪᓗᓂ; ᓱᕐᓗᖓᒍᑦ ᐊᓂᕐᓵᕐᕕᒋᕚ ᐃᓅᓯᖃᕐᓇᕐᑐᒥᑦ; ᐃᓄᒡᓗ ᑕᕝᕙ ᐆᒻᒪᕐᐳᖅ.
8ᐊᑕᓂᕐᓗ ᒎᑎ ᐱᕈᕐᓰᕕᓕᐅᕐᐳᖅ ᐄᑕᓂᒥᒃ, ᓯᕿᓂᐅᑉ ᓄᐃᕕᐊᑕ ᓇᓛᓂ; ᐊᖑᓪᓗ ᑕᕝᕗᓐᖓᕐᑎᑉᐹ ᓴᓇᓚᐅᕐᑕᓂ. 9#ᑕᑯᑎ 2:7; 22:2,14.ᓄᓇᒥᓪᓗ ᐊᑕᓂᖅ ᒎᑎ ᓇᐹᕐᑐᓂᒃ ᑕᒤᓐᓂᒃ ᐱᕈᕐᑎᑦᓯᕗᖅ ᑕᑯᒥᓇᕐᑐᓂᒃ ᓂᕿᒃᓴᐅᑦᓯᐊᕐᑐᓂᒃ, ᐱᕈᕐᓰᕕᐅᓪᓗ ᕿᑎᖓᓃᑦᑐᖃᕆᕗᖅ ᓇᐹᕐᑐᒥᒃ ᐃᓅᓯᖃᕐᓇᕐᑐᒥᒃ, ᓇᐹᕐᑐᖃᕆᓪᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑐᒥᒃ.
10ᑰᒃᑕᖃᕐᐳᖅ ᐄᑕᓂᒥᑦ ᑰᒃᑐᒥᒃ ᐱᕈᕐᓰᕕᖕᒥᒃ ᐃᒻᒥᕐᓱᐃᔪᒥᒃ, ᑕᕝᕙᓐᖓᓪᓗ ᑕᒪᓐᓇ ᑰᒃ ᓯᑕᒪᐅᓕᖅᑲᖓᕗᖅ. 11ᓯᕗᓪᓕᖅ ᑰᒃ ᐊᑎᖃᕐᐳᖅ ᐱᓴᓐᒥᒃ; ᓄᓇᐅᑉ ᕼᐊᕕᓚᒥᒃ ᐊᑎᓕᐅᑉ ᐊᕙᑎᓕᒫᖓᒍᑦ ᑰᒃᑐᒥᒃ, ᒎᓗᖃᕐᑐᒥᒃ. 12ᑕᕝᕙᓂᓗ ᓄᓇᒥ ᒎᓗ ᐱᐅᔪᐊᓘᕗᖅ; ᑎᓕᐊᒻ ᑎᐱᑦᓯᐊᕆᒃᑐᒃᓴᖅ ᐊᒻᒪᓗ ᐅᔭᕋᖕᒥᒃ ᐆᓂᒃᒥᒃ ᐊᑎᓕᖕᒥᒃ ᑕᕝᕙᓃᑦᑐᖃᕆᕗᖅ. 13ᑰᓪᓗ ᐂᑉᐹ ᐊᑎᖃᕐᐳᖅ ᒋᕼᐅᓂᒥᒃ; ᓄᓇᐅᑉ ᑯᔅᒥᒃ ᐊᑎᓕᐅᑉ ᐊᕙᑎᓕᒫᖓᒍᑦ ᑰᒃᑐᒥᒃ. 14ᑰᓪᓗ ᐱᖓᔪᖓᑦ ᐊᑎᖃᕐᐳᖅ ᑍᒍᕆᓯᒥᒃ, ᐊᓯᕆᐊᑉ ᖃᐅᓕᕐᕕᐊᑕ ᓇᓛᒍᑦ ᑰᒃᑐᖅ. ᑰᓪᓗ ᓯᑕᒪᖓᑦ ᐊᑎᖃᕐᐳᖅ ᐃᕗᕅᑎᒥᒃ.
15ᐊᑕᓂᐅᓪᓗ ᒎᑎᐅᑉ ᐊᖑᑦ ᐄᑕᓂᒧᐊᕐᑎᑉᐹ ᐱᕈᕐᓰᕕᖕᒧᑦ ᓄᓇᒥᒃ ᐋᖅᑭᒃᓱᐃᖁᓪᓗᒍ ᑲᒪᒋᓗᒍᓗ. 16ᐊᑕᓂᐅᓪᓗ ᒎᑎᐅᑉ ᐊᖑᑦ ᐱᖁᓪᓚᕆᒃᓗᒍ ᐅᖃᐅᑎᕚ, “ᓇᐹᕐᑐᓂᒃ ᑕᒤᓐᓂᑦ ᐃᓱᒪᕐᓱᕐᓗᑎᑦ ᐱᕈᕐᑐᖏᓐᓂᒃ ᓂᕆᔪᓐᓇᕐᓂᐊᕐᐳᑎᑦ ᐱᕈᕐᓰᕕᖕᒦᑦᑐᓂᑦ. 17ᓇᐹᕐᑐᒥᓪᓕ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑑᑉ ᐸᐅᕐᖓᖏᓐᓂᒃ ᓂᕆᔪᒃᓴᐅᓐᖏᓚᑎᑦ, ᓂᕆᕕᒋᒍᕕᐅᒃ ᐅᓪᓗᒥ ᑕᕝᕙᓂ ᑐᖁᔪᒫᕐᐳᑎᑦ.”
18ᐊᑕᓂᕐᓕ ᒎᑎ ᐅᖃᕐᐳᖅ, “ᓈᒻᒪᓐᖏᓚᖅ ᐊᖑᑦ ᐃᓄᑑᒃᐸᑦ; ᑖᑦᓱᒪ ᐃᑲᔪᕐᑎᒃᓴᖓᓂᒃ ᓴᓇᓂᐊᕐᐳᖓ ᓈᒻᒪᒋᓗᒍ ᐂᑉᐸᕆᓂᐊᕐᑕᖓᓂᒃ.” 19ᐊᑕᓂᖅ ᒎᑎ ᓄᓇᒥᑦ ᐱᓪᓗᓂ ᐆᒪᔪᓂᒃ ᓇᑎᕐᓇᒥᐅᑕᕐᓂᒃ ᓴᓇᕗᖅ; ᑎᖕᒥᐊᓂᒡᓗ ᖃᖓᑕᕙᒃᑐᓂᒃ, ᐊᖑᑎᒧᐊᕐᑎᓪᓗᓂᒋᓪᓗ ᖃᓄᖅ ᑍᓂᐊᕐᒪᖔᒋᑦ ᖃᐅᔨᔪᒪᓪᓗᓂ; ᖃᓄᑐᐃᓐᓇᖅ ᐊᖑᑎᐅᑉ ᑍᖕᒪᒋᑦ ᐆᒪᔪᑦ ᖃᓄᐃᑦᑐᑐᐃᓐᓁᑦ, ᑍᒫᒃ ᐊᑎᖃᓕᓚᐅᕐᐳᑦ. 20ᐊᖑᑎᐅᓪᓗ ᐊᑎᖃᕐᑎᑉᐰᑦ ᐆᒪᔪᓕᒫᑦ ᓄᔪᐊᕐᑐᑦ ᓄᔪᐃᑦᑐᓪᓗ, ᑎᖕᒥᐊᓕᒫᓪᓗ ᖃᖓᑕᕙᒃᑐᑦ, ᐆᒪᔪᓕᒫᓪᓗ ᓄᓇᒦᑦᑐᑦ ᑭᓯᐊᓂᓕ ᑕᒪᒃᑯᐊ ᐊᖑᑎᐅᑉ ᐃᑲᔪᕐᑎᒃᓴᖓᓂᒃ ᓈᒻᒪᒋᔭᖓᓂᒃ ᐱᑕᖃᕐᑐᖃᓚᐅᓐᖏᓚᑦ.
21ᐊᑕᓂᐅᓪᓕ ᒎᑎᐅᑉ ᐊᖑᑦ ᐃᑎᔪᒥᒃ ᓯᓂᓕᕐᑎᑉᐹ, ᓯᓂᒃᑎᓪᓗᒍᓗ ᑐᓕᒫᖓᑕ ᐃᓚᖓᓐᓂᒃ ᐲᕐᓯᕗᖅ ᐲᕐᓯᕕᒋᔭᓂᓗ ᒪᒥᑎᑉᐹ ᐅᕕᓂᖓᓗ; 22ᐊᑕᓂᐅᓪᓗ ᒎᑎᐅᑉ ᑐᓕᒫᖅ ᐲᕐᑕᓂᒃ ᐊᖑᒻᒥᑦ ᓴᓇᕚ ᐊᕐᓇᓕᐊᕆᓪᓗᒍ ᑐᓂᓪᓗᒍᓗ ᐊᖑᒻᒧᑦ. 23ᐊᖑᓪᓗ ᐅᖃᕐᐳᖅ,
“ᐅᓇ ᐊᓱᐃᓛᒃ ᓴᐅᓂᖅ ᓴᐅᓂᓐᓂᑦ ᐱᓯᒪᔪᖅ
ᐅᕕᓂᐅᓪᓗᓂᓗ ᐅᕕᓂᓐᓂᑦ ᐱᓯᒪᔪᖅ,
ᐊᕐᓇᒥᒃ ᐊᑎᖃᕐᓂᐊᓕᕐᐳᖅ, ᐊᖑᒻᒥᑦ ᐲᕐᑕᐅᓯᒪᖕᒪᑦ.”
24 #
ᒫᑎᐅᓯ 19:5; ᒫᑯᓯ 10:7,8; 1 ᑯᕆᓐᑎ 6:16; ᐃᐱᓯ 5:31. ᑍᒤᓐᓂᖓᓄᑦ ᐊᖑᑎᐅᑉ ᐊᑖᑕᓂ ᐊᓈᓇᓂᓗ ᕿᒪᖕᓂᐊᕐᐹᒃ ᓄᓕᐊᓂ ᑲᑎᖔᕐᓗᓂᐅᒃ, ᑖᒃᑯᐊᒡᓗ ᐅᕕᓂᒃᑯᑦ ᐊᑕᐅᓯᐅᓕᕐᐴᒃ.
25ᐊᖑᓪᓗ ᓄᓕᐊᖓᓗ ᑕᒪᕐᒥᒃ ᐊᓐᓄᕌᖃᓚᐅᓐᖏᓚᒃ, ᑲᓐᖑᓱᒐᑎᒡᓗ.
ที่ได้เลือกล่าสุด:
ᒨᓯᓯ ᓯᕗᓪᓖᑦ 2: EAIB
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Eastern Arctic Inuktitut Bible © Canadian Bible Society, 2012, 2021-2023.