Zɛnɛse 2
2
1Ŋ̀elei da ǹɔii dí nâa kpɛ̀ɛ a kpɛtɛ́ɛ da zu-sãai kélee. 2Díi-ŋai kélee Ɣâla è gɛ̀i è gélee kpɛ̀ɛ ŋ̀ele kûui mɛi feerɛ ɣelei é lɛ́ɛ pâi serîi. Gbɛɛ ŋɔtíi-ŋai kélee mai, è víi tɔ̀ɔ a ŋ̀ele-kuui mɛi feerɛ-ɣelei. 3Mɛni ma Ɣâla è lûwa làa ŋ̀ele-kuui mɛi feerɛ ɣelei ma é maa wáa. Kpɛ́ni fêi, maa ɣelei tí ƃé è víi tɔ̀ɔ la ŋɔɣéniɛi kpɛtɛ tîi kɛ́ɛ ma. 4Ŋelei da ǹɔii díkpɛtɛ-pere ká ŋí tãi Ɣâla è díkpɛ̀tɛ lai.
Idɛŋ suai
Tãi Yâwɛɛ#2:4 Yâwɛɛ: Ɣâla láa kpîŋ-kpiŋ ká ŋí. Ɣâla è ǹɔii da ŋ̀elei kpɛ̀tɛ lai, 5kala da kélee fé niî kɛ̀ kula ní ǹɔii ma da wúru, kpɛ́ni fêi, Yâwɛɛ Ɣâla fé niî kɛ̀ tuna kɛ́ ní é pú ǹɔii ma. Ǹyaŋ núu-kpune fé kɛ́ ní naa a gɛɛ é tíi kɛ́ ǹɔii ma. 6Kɛ́lɛ yá è kùla ǹɔii mu é ǹɔii ŋɛ́i yɔɔ.
7Nya ƃe Yâwɛɛ Ɣâla è pɔ̂rɔ sìɣe ǹɔii ma é núu-kpune kpɛtɛ la, é vúlu-laa lɛwoi pú zũai. Nya ƃe núu-kpune è kɛ̀ a vúlu.
8Nya ƃe Yâwɛɛ Ɣâla è sûa kpɛ̀tɛ Idɛŋ, vóloi ƃelai-pere é nalôŋ pú naa nyii è gbɛ̀tɛi. 9Yâwɛɛ Ɣâla è gɛ̀ wúru-ŋa dí pɔmûŋ zûai su, nyii-ŋai dílɛlɛɛi mii mɛni ma. Vúlu-laa wurii máŋ è kɛ̀ zûai sáma da dáre wurii nyii gáa mɛni lɛ́lɛɛ da mɛni nyɔ́mɔɔ kɔ́lɔŋ mɛni mai.
10Ya-lee tɔnɔ è kùla Idɛŋ pere a gɛɛ é yá tɛ́ɛ zûai pɔ́. Ǹyaŋ naa ƃé ǹyá-leei ŋí ŋáa è kɔ̀lɛ naa é kɛ́ a ya-lee náaŋ. 11Nya-leei maa-ŋuŋ láa ƃa Pisɔŋ nyii dínaŋɔ̂ɔi Avila lɔii ma ƃɛ́i gôo káa naai. 12Ǹyaŋ gôoi gáa ǹɔii tí sui, ǹɛ́lɛɛi. Gûyɛ wuru da kɔni sɔ̃ɔ kpanaŋɔɔ-ŋa káa naa. 13Nya-leei veerɛ-ɣelei láa ƃa Giɔŋ nyii dínaŋɔ̂ɔi Kusi lɔii mai. 14Nya-leei zaaƃai láa ƃa Taigiri nyii a lî Asiria lɔii vóloi ƃélai perei. Ǹya-lêei náaŋ-ɣelei láa ƃa Yufeletii.
15Yâwɛɛ Ɣâla è nalôŋ sìɣe é bú Idɛŋ sûai su a gɛɛ é tíi kɛ́ naa é naa mɛi káa. 16Yâwɛɛ Ɣâla è mò nalôŋ ma ǹyɛɛi, “ƃa pɔ̂ri zûai ŋí su-wuru-ŋai kélee m̀á mîi, 17kɛ́lɛ dáre-wurii nyii gáa mɛni lɛ́lɛɛ da mɛni nyɔ́mɔɔ kɔ́lɔŋ mɛni mai, ífe m̀á da mîi. Kpɛ́ni fêi, ŋ̀elei ƃa m̀á da mìi lai, ƃa pâi sâa títi ƃôi.”
18Nya ƃe Yâwɛɛ Ɣâla è mò ǹyɛɛ, “Vé lɛ́lɛ ní a gɛɛ nalôŋ é kɛ́ ƃɛ́ ǹyaa tɔnɔ. Ŋa pâi ŋɔkpɔŋ-maa-nuu lɛ́lɛɛ kɛ̂i ma é kɛ́ gɔlɛ.” 19Nya ƃe Yâwɛɛ Ɣâla è sua sîi kélee kpɛ̀tɛ a pɔ̂rɔ da ŋɔni-ŋai é pá a dia nalôŋ pɔ́ a gɛɛ é gáa berei a pâi dílaa seêi lai. Ǹyaŋ ǹáai nalôŋ è fúlu-sɛŋ tɛi-tɛi kélee tòli lai, ǹáa ká kɛ̀ tí. 20Nalôŋ è taa-tulɛ kélee láa sèe, ŋɔni-ŋai da fúlu-sãa kélee gáa ǹɔii sui, kɛ́lɛ nalôŋ ŋɔkpɔŋ-maa-nuu fé kɛ́ ní naa a gɛɛ é kɛ́ gɔlɛ.
21Nya ƃe Yâwɛɛ Ɣâla è nalôŋ pîli nyîi a zu kôya. Tãi è kɛ̀ nyii lai, Ɣâla è geŋe kpãya-kao tɔnɔ kùla bɛ̂rɛ ma, é nàa láa tɛ́ a ǹuu. 22Yâwɛɛ Ɣâla è nalôŋ keŋe-kpãya-kaoi sìɣe é nɛnî kpɛtɛ la, é pá la nalôŋ pɔ́.
23Nya ƃe nalôŋ è mò ǹyɛɛi,
“Gbɛɛ ŋái ǹúui ŋí káa a ŋ́gao,
gɛ́ ƃò a ńuu.
Tɔɔ dí dóli a ‘Nɛnî,’
kpɛ́ni fêi, è kùla surɔ̂ŋ kponôi.” 24Mɛni ma surɔ̂ŋ a nâa ǹâŋ da ǹee lɛ̀ɛ é kánaŋ ŋɔnɛnîi ma, da ǹyaa dí kɛ́ a kpono tɔnɔ.
25Nalôŋ da ŋɔnɛnîi dí kɛ̀ a díkaŋ, ǹyaŋ ŋumɛ fé kɛ́ ní díŋɛi.
ที่ได้เลือกล่าสุด:
Zɛnɛse 2: KWB
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2012 Bible Society in Liberia