Kamano

<div class="version vid1236 iso6393kbq" data-vid="1236" data-iso6393="kbq">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s">Hihamu'agu Jisasi antahige'naza naneke</div><div class="r">(Mat 21:23-27, Mak 11:27-33)</div><div class="p"> 1Mago zupa ra mono nompi mani'neno, knare musenkea Jisasi'a vea'mokizmi rempi hunezmigeno, prisi vahe'mo'zane, kasegere ugota hu'naza vahe'mo'zane, ranra vahe'mo'zanena eme nege'za, 2anage hu'za Jisasinkura asmi'naze, nankna himamu eri'nenka amazana nehampi tasamio, hifi i'za ama hihamua kaminegenka nehane? 3Jisasi'a kenona anage hu'ne, Nagranena tamagrira tamagenoka hugahuanki nasmiho. 4Joni'ma mono ti frezmante'neazana, vahe'mofo eri'zampi, monafinti eri'za eri fore hu'neo? 5Huno zamantahigege'za, zamagra zamagra hugantu hugama hu'za, Monareti eriza erifore hu'ne huta hanunkeno'a, nahigeta Jonima hu'neazankura tamentinti osu'naze? Huno hugahie. 6Hianagi tagrama huta mopafi vahe'mofo eri'zanema hanunkeno'a, maka vahe'mo'za have knonu tahefrigahaze. Na'ankure zamagra ko keza antahiza Joni'a kasnampa ne' mni'ne hu'naze. 7Anage hu'za nehu'za, Jisasi kenona hunte'za, mono tima frentezana igati e'neo tagra ontahi'none hazageno, 8anage huno Jisasi'a zamagrira zmasami'ne, nagranena i'za hihamu namigena e'nerufi ontamasmigahue huno hu'ne.</div><div class="s">Waini hoza kva hu'nea vahe'mofo fronka naneke</div><div class="r">(Mat 21:33-46, Mak 12:1-12)</div><div class="p"> 9Hagi Jisasi'a veamokizmia amanahu fronka kea agafa huno zamasmine. Mago ne'mo'a waini hoza anteteno, kna'are kna'are mizaseterehu (rent) vahete waini hoza'a netreno, afete zazakna umaninaku vu'ne. 10Waini ragama tagi knarera kazokzo eri'za ne'a, waini hozama kegva hu'ne'za mizasetere hugahune hu'naza vahete huntegeno vu'ne. Hianagi ana waini hoza kegva hu'naza vahe'mo'za kanonkeve nemiza, huntageno aza avapa vu'ne. 11Ete mago'ane, mago kazokzo eri'za ne'a huntegeno vigeno, zamagra knokeve nemiza azeri agaze hazageno, aza avapa vu'ne. 12Anante ana hozamofo nefa'a, ete mago'ane rumofo huntegeno vigeno, anazanke hu'za ahe kuzafa nente'za, ana hozafintira asagfe atre'naze. 13Na'a nagra hugahue? huno ana hozamofo nefa'a nehuno, nagrama navesi navesima hunentoa ne' mofavreni'a huntenugeno vanige'za, zamagra antahimigahazafi huno hu'ne. 14Hianagi waini hozama kegva hu'naza vahe'mo'za nege'za, zamagra zamagra hu'za, amana mofavre'mo nefazana erisanti haregahianki, enketa aheta erisantima haresiazama'a erisune hu'naze. 15Anage nehu'za azeri'za ana hozafinti mate nevu'za ahageno fri'ne. Hanki e'i anama hanageno'a hoza nfa'amo'a, na'a zamagrira huzmantegahie? 16Hoza nefa'a Agra eno ana vahera eme zmahe nefrino, ana waini hoza rumokizmi hanare zamigahie. Jisasima ana kema hige'za nentahiza, anahura osugahie hu'za zamagra hu'naze! 17Hianagi Jisasi'a nezmageno anage hu'ne, na'ante amanage huno avontafepina krentene. Nogi vahe'mo'za zmesra huntaza havemo'a, no renegentete ugagota huno azeri hanaveti have fore hu'ne? (Sam-Zga 118:22) 18Maka vahe'ma ana have agofetuma takauresamo'za, kori kofagofa hugahaze. Hianagi ana havemoma iza agofetu takauresuno'a, rehapatisigeno kugusopa fore hugahaze.</div><div class="s">Takisi zgo amizanku Jisasi antahige'naza naneke</div><div class="r">(Mat 22:15-22, Mak 12:13-17)</div><div class="p"> 19Kasegere ugota hu'naza vahe'mozane, prisi vahe'mo'za Jisasina anante azerinaku hunazanagi, vaheku kore hu'naze. Na'ankure Agrama fronka kema hu'neana zamagrama nehaza zamuzmaku hu'negeze. 20Ana nehu'za zmavu anteza keteza manine'za, afure vahe huzmantege'za, fatgo vahekna huza umnine'za kema hania kere azeriza ugagota vahete (gavana) vnige'za, kva vahete avrenente'za kegaga huntehogu vu'naze. 21Zamagra anage hu'za Jisasina agenoka hu'za, tagra antahinone, Rempi hurami nemoka, kema nehunka rempi huzaminana fatgo hunka nehunka, mago vahe aza huzankuke nosunka, rempima huzaminana fatgo hunka Anumzamofo avu'avazankuke nehane. 22Hanki Roma kva ne' Sisama takisi zgo nemunazamo'a knare hunefi, haviza hu'ne? 23Hianagi Jisasi'a revatga hunaku'ma hazana ko negeno, amanage huno zamasmi'ne, 24Naveri hinkena mago zgoa kaneno, iza amema'a megeno, na'ane hu'za anantera krente'naze? Higeno, zamagra Sisa amema'e hu'za hu'naze. 25Jisasi'a anage huno zmasamine, Sisa zama me'neniana Sisa amiho. Hagi Anumzamofo zama me'neniana Anumzamofo amiho. 26Hige'za rama'a vahe zamavufi manineno kea nehige'za, zamagra revatga hu'za ke'afintira magore hu'za azerigara nosu'za, kenona zmima hiankegura antri hu'za kea osu'naze.</div><div class="s">Fri vahe otizanku Jisasi antahige'naza naneke</div><div class="r">(Mat 22:23-33, Mak 12:18-27)</div><div class="p"> 27Anante mago'a Sadusi vahe'mo'za, fripintira o'otigahaze nehaza vahe'mo'za, Jisasinte e'za, 28anage hu'za antahige'naze. Rempi hurami ne'moka, Mose'a anage huno avontafema kreraminefina hu'ne, Nempuamo a' erino manineno, mofavre kaseonteno frinigeno, negna ana ara erino, nefu mofavre erifore hino huno hu'ne. (Diu-Kas 25:5-6) 29Hanki 7ni'a kogna mani'nazankino nempuzmimo ara erino mofavre onte manineno frigeno, 30negna ana ara eri'ne. Eriteno mofavre onte manineno fri'ne. 31Anantemo'a anazanke huno ana ara erinteno, mofavre onteno frine. Anahukna hu'za ana maka'mo'za ana ara eri'za mofavre kaseonte manine'za fri'naze. 32Fri vgaretazageno henkarfana ana ara fri'ne. 33Hanki fri'nafinti oti snaza knazupa, inamofo a' manigahie? Na'ankure ana maka 7ni'amo'za ana ara erintenaze, hu'za hzageno, 34Jisasi amanage huno zamasmi'ne, ama knafi mani'naza vahe'mo'za ara e'neriza, ara masi ome ami nehaze. 35Hianagi Anumzamo'ma huno, veamo'za fri'nenafintima oti'za henka manigahaze hu'nea veamo'za, arave osu'za, ara masi omi ami osugahaze. 36Na'ankure zamagra mago'ane ofrigahaze. Na'ankure zamagra ankero vahekna hu'za, Anumzamofo Mofavre nemniza, kerifinti oti'nea mofavregna hu'za manigahaze. 37Hianagi frite'za oti'naza zankura, Mose'enena osi zafafinti teve anefa nehigeno ke'neazamofo naneke krenefina eriama huno, Abrahamuma, Jekopuma, Aisaki Ra mni'noe huno hu'ne. (Ekso-Uti 3:6) 38Hagi Agra fri vahe'mofo Aumzana omnine. Hianagi zmasimu eri'za nemniza vahe'mofo Anumza mni'ne. Na'ankure mikamo'za agriteti zmasimu eriza mni'naze. 39Mago'a kasegere ugota hu'naza vahe'mo'za kenona'a hu'za, Rempi Hurami Ne'moka knare ke hane hu'za hu'naze. 40Na'ankure mago'ene Jisasi'ma mago'azankuma agenoka hugara osu'za, antahionke'naze.</div><div class="s">Kraisi'a iza nemofo'e hu'nea naneke</div><div class="r">(Mat 22:41-46, Mak 12:35-37)</div><div class="p"> 41Anante Jisasi'a amanage huno zamantahige'ne, inankna hu'negu zamagra Kraisinkura Deviti nemofo'e hu'naze? 42Na'ankure Deviti'a zgame avontafepina huno, Ramo'a nagri Ramofonku huno, nazantmaga kaziga mani'negena, 43ha' vaheka'a kagiafi zmare antanena zmagofetu otio hu'ne.</div><div class="m">(Sam-Zga 110:1) 44E'ina hu'negu Deviti'ma Ranimo'e hu'neana, inankna huno Deviti mofavrea Ramo'a manigahie?</div><div class="s">Jisasi'a mono kva vahemokizmi mani'za zimigu hu'nea naneke</div><div class="r">(Mat 23:1-36, Mak 12:38-40)</div><div class="p"> 45Hakare veamo'za ana naneke nentahizageno, Jisasi'a amage'ma nentaza disaipol nagakura anage huno zmasami'ne, 46kasegere ugota hu'naza vahekura kva hiho. Zaza kukena hu'za vahe zmavuga vu'zankuke nehu'za, maketi kumapi vahe'mo'za antahinezmiza hu frufra huzmantesaza zanku nehu'za, osi mono nompi ugota trate manisaza zanku nehu'za, ra nezama nezupa, knare trate mni'zankuke nentahize. 47Kento a'nemokizmi fenozantami havige hu'za eneriza, anaza nosaza vahekna hu'za, vahe'mo'za antahiramisazegu zaza nunamu nehaze. E'inahukna zmavuzmava nehaza vahera, refkoma hania zupa tusi'a knaza zamigahie.</div>
 </div>
 </div>
</div>

Mago zupa ra mono nompi mani'neno, knare musenkea Jisasi'a vea'mokizmi rempi hunezmigeno, prisi vahe'mo'zane, kasegere ugota hu'naza vahe'mo'zane, ranra vahe'mo'zanena eme nege'za, anage hu'za Jisasinkura asmi'naze, nankna himamu eri'nenka amazana nehampi tasamio, hifi i'za ama hihamua kaminegenka nehane? Jisasi'a kenona anage hu'ne, Nagranena tamagrira tamagenoka hugahuanki nasmiho. Joni'ma mono ti frezmante'neazana, vahe'mofo eri'zampi, monafinti eri'za eri fore hu'neo? Huno zamantahigege'za, zamagra zamagra hugantu hugama hu'za, Monareti eriza erifore hu'ne huta hanunkeno'a, nahigeta Jonima hu'neazankura tamentinti osu'naze? Huno hugahie. Hianagi tagrama huta mopafi vahe'mofo eri'zanema hanunkeno'a, maka vahe'mo'za have knonu tahefrigahaze. Na'ankure zamagra ko keza antahiza Joni'a kasnampa ne' mni'ne hu'naze. Anage hu'za nehu'za, Jisasi kenona hunte'za, mono tima frentezana igati e'neo tagra ontahi'none hazageno, anage huno Jisasi'a zamagrira zmasami'ne, nagranena i'za hihamu namigena e'nerufi ontamasmigahue huno hu'ne.


Hagi Jisasi'a veamokizmia amanahu fronka kea agafa huno zamasmine. Mago ne'mo'a waini hoza anteteno, kna'are kna'are mizaseterehu (rent) vahete waini hoza'a netreno, afete zazakna umaninaku vu'ne. Waini ragama tagi knarera kazokzo eri'za ne'a, waini hozama kegva hu'ne'za mizasetere hugahune hu'naza vahete huntegeno vu'ne. Hianagi ana waini hoza kegva hu'naza vahe'mo'za kanonkeve nemiza, huntageno aza avapa vu'ne. Ete mago'ane, mago kazokzo eri'za ne'a huntegeno vigeno, zamagra knokeve nemiza azeri agaze hazageno, aza avapa vu'ne. Anante ana hozamofo nefa'a, ete mago'ane rumofo huntegeno vigeno, anazanke hu'za ahe kuzafa nente'za, ana hozafintira asagfe atre'naze. Na'a nagra hugahue? huno ana hozamofo nefa'a nehuno, nagrama navesi navesima hunentoa ne' mofavreni'a huntenugeno vanige'za, zamagra antahimigahazafi huno hu'ne. Hianagi waini hozama kegva hu'naza vahe'mo'za nege'za, zamagra zamagra hu'za, amana mofavre'mo nefazana erisanti haregahianki, enketa aheta erisantima haresiazama'a erisune hu'naze. Anage nehu'za azeri'za ana hozafinti mate nevu'za ahageno fri'ne. Hanki e'i anama hanageno'a hoza nfa'amo'a, na'a zamagrira huzmantegahie? Hoza nefa'a Agra eno ana vahera eme zmahe nefrino, ana waini hoza rumokizmi hanare zamigahie. Jisasima ana kema hige'za nentahiza, anahura osugahie hu'za zamagra hu'naze! Hianagi Jisasi'a nezmageno anage hu'ne, na'ante amanage huno avontafepina krentene. Nogi vahe'mo'za zmesra huntaza havemo'a, no renegentete ugagota huno azeri hanaveti have fore hu'ne? (Sam-Zga 118:22) Maka vahe'ma ana have agofetuma takauresamo'za, kori kofagofa hugahaze. Hianagi ana havemoma iza agofetu takauresuno'a, rehapatisigeno kugusopa fore hugahaze.


Kasegere ugota hu'naza vahe'mozane, prisi vahe'mo'za Jisasina anante azerinaku hunazanagi, vaheku kore hu'naze. Na'ankure Agrama fronka kema hu'neana zamagrama nehaza zamuzmaku hu'negeze. Ana nehu'za zmavu anteza keteza manine'za, afure vahe huzmantege'za, fatgo vahekna huza umnine'za kema hania kere azeriza ugagota vahete (gavana) vnige'za, kva vahete avrenente'za kegaga huntehogu vu'naze. Zamagra anage hu'za Jisasina agenoka hu'za, tagra antahinone, Rempi hurami nemoka, kema nehunka rempi huzaminana fatgo hunka nehunka, mago vahe aza huzankuke nosunka, rempima huzaminana fatgo hunka Anumzamofo avu'avazankuke nehane. Hanki Roma kva ne' Sisama takisi zgo nemunazamo'a knare hunefi, haviza hu'ne? Hianagi Jisasi'a revatga hunaku'ma hazana ko negeno, amanage huno zamasmi'ne, Naveri hinkena mago zgoa kaneno, iza amema'a megeno, na'ane hu'za anantera krente'naze? Higeno, zamagra Sisa amema'e hu'za hu'naze. Jisasi'a anage huno zmasamine, Sisa zama me'neniana Sisa amiho. Hagi Anumzamofo zama me'neniana Anumzamofo amiho. Hige'za rama'a vahe zamavufi manineno kea nehige'za, zamagra revatga hu'za ke'afintira magore hu'za azerigara nosu'za, kenona zmima hiankegura antri hu'za kea osu'naze.


Anante mago'a Sadusi vahe'mo'za, fripintira o'otigahaze nehaza vahe'mo'za, Jisasinte e'za, anage hu'za antahige'naze. Rempi hurami ne'moka, Mose'a anage huno avontafema kreraminefina hu'ne, Nempuamo a' erino manineno, mofavre kaseonteno frinigeno, negna ana ara erino, nefu mofavre erifore hino huno hu'ne. (Diu-Kas 25:5-6) Hanki 7ni'a kogna mani'nazankino nempuzmimo ara erino mofavre onte manineno frigeno, negna ana ara eri'ne. Eriteno mofavre onte manineno fri'ne. Anantemo'a anazanke huno ana ara erinteno, mofavre onteno frine. Anahukna hu'za ana maka'mo'za ana ara eri'za mofavre kaseonte manine'za fri'naze. Fri vgaretazageno henkarfana ana ara fri'ne. Hanki fri'nafinti oti snaza knazupa, inamofo a' manigahie? Na'ankure ana maka 7ni'amo'za ana ara erintenaze, hu'za hzageno, Jisasi amanage huno zamasmi'ne, ama knafi mani'naza vahe'mo'za ara e'neriza, ara masi ome ami nehaze. Hianagi Anumzamo'ma huno, veamo'za fri'nenafintima oti'za henka manigahaze hu'nea veamo'za, arave osu'za, ara masi omi ami osugahaze. Na'ankure zamagra mago'ane ofrigahaze. Na'ankure zamagra ankero vahekna hu'za, Anumzamofo Mofavre nemniza, kerifinti oti'nea mofavregna hu'za manigahaze. Hianagi frite'za oti'naza zankura, Mose'enena osi zafafinti teve anefa nehigeno ke'neazamofo naneke krenefina eriama huno, Abrahamuma, Jekopuma, Aisaki Ra mni'noe huno hu'ne. (Ekso-Uti 3:6) Hagi Agra fri vahe'mofo Aumzana omnine. Hianagi zmasimu eri'za nemniza vahe'mofo Anumza mni'ne. Na'ankure mikamo'za agriteti zmasimu eriza mni'naze. Mago'a kasegere ugota hu'naza vahe'mo'za kenona'a hu'za, Rempi Hurami Ne'moka knare ke hane hu'za hu'naze. Na'ankure mago'ene Jisasi'ma mago'azankuma agenoka hugara osu'za, antahionke'naze.


Anante Jisasi'a amanage huno zamantahige'ne, inankna hu'negu zamagra Kraisinkura Deviti nemofo'e hu'naze? Na'ankure Deviti'a zgame avontafepina huno, Ramo'a nagri Ramofonku huno, nazantmaga kaziga mani'negena, ha' vaheka'a kagiafi zmare antanena zmagofetu otio hu'ne.
(Sam-Zga 110:1) E'ina hu'negu Deviti'ma Ranimo'e hu'neana, inankna huno Deviti mofavrea Ramo'a manigahie?


Hakare veamo'za ana naneke nentahizageno, Jisasi'a amage'ma nentaza disaipol nagakura anage huno zmasami'ne, kasegere ugota hu'naza vahekura kva hiho. Zaza kukena hu'za vahe zmavuga vu'zankuke nehu'za, maketi kumapi vahe'mo'za antahinezmiza hu frufra huzmantesaza zanku nehu'za, osi mono nompi ugota trate manisaza zanku nehu'za, ra nezama nezupa, knare trate mni'zankuke nentahize. Kento a'nemokizmi fenozantami havige hu'za eneriza, anaza nosaza vahekna hu'za, vahe'mo'za antahiramisazegu zaza nunamu nehaze. E'inahukna zmavuzmava nehaza vahera, refkoma hania zupa tusi'a knaza zamigahie.

Makinig sa Luku 20