<div class="version vid2302 iso6393slm" data-vid="2302" data-iso6393="slm">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Pagkawin ma kalumaan Kana</div><div class="p"> 1Palabay peen duwangallaw niya' magkawin ma kalumaan Kana, mahi' ma lahat Jalil. Hi' ina' si Isa paluruk pahi'. 2Iya du di si Isa maka manga mulid na bayi killo' paluruk. 3Jari mahi' ma pagkawinan, ubus na inuman anggul inum uk manga aa maglurukan. Halling ina' si Isa ni iya, uk na, &#8220;Ubus na inuman anggul inum uk sigam.&#8221;</div><div class="p"> 4Uk si Isa ni iya, &#8220;Daa na kau susa pasal ian hi', aku du magkatau. 'Nsa' le' taabut waktu pamanda' barakat ku.&#8221;</div><div class="p"> 5Jari biyaan uk ina' si Isa ma manga sosohoan ma luma' ian. &#8220;Ayi-ayi panohoan kaam uk si Isa,&#8221; uk na, &#8220;hinangun bi.&#8221;</div><div class="p"> 6Na niya' 'nn&#333;m p&#333;ga batu may'an pangal&#333;&#333;nan bohe' pag-aelan manga aa, sabab iya na addat sigam bangsa Yahudi. Dakayo' p&#333;ga ian l&#333;&#333;nan manga lima mital. 7Uk si Isa ni manga sosohoan hi', &#8220;Pannoin bi manga p&#333;ga ian maka bohe'.&#8221; Magtuwi pinnoan uk sigam, pigsamaitib maka bo' na. 8Puwas na hi' noho' si Isa ma sigam, uk na, &#8220;Sawukin bi min p&#333;ga iyu, bo' bohun bi ni aa magnakura' ma pagkawinan itu.&#8221; Biyo na uk sigam pahi' ni nakura', 9bo' kinaman uk na inuman anggul bayi bohe'. 'Nsa' katauhan na bang minningga inuman anggul ian suga' kitauhan asal uk manga sosohoan iya bayi nawuk iya.</div><div class="p">Pagnanam peen uk nakura', magtuwi linganan na pangantin lalla. 10&#8220;Kamawumuhan na,&#8221; uk na, &#8220;bang ma pagkawinan, inuman hap iya pamainum dahu ma manga aa maglurukan. Subay heka tainum uk sigam bo' iyampa pamainum inuman kulang hap na. Suga' bang kau,&#8221; uk na, &#8220;inuman hap iya tawu' nu sampay ma buttihi'.&#8221;</div><div class="p"> 11Iya na itu paltandaan tagna' hinang uk si Isa. Hinang itu uk na mahi' ma Kana, ma lahat Jalil. Pindaan uk na kawasa na, manjari magkahagad ma iya manga mulid na hi'.</div><div class="p"> 12Puwas na hi', palud di si Isa pahi' ni daira Kapirnaum. Iya sehe' na magbe' ian ina' na maka manga danakan na maka manga mulid na. Ian sigam pahanti' may'an manga pilam bahangi.</div><div class="s">Si Isa pahi' ni langgal pagkulbanan</div><div class="r">(Matiyu 21.12-13; Markus 11.15-17; Lukas 19.45-46)</div><div class="p"> 13Manjari itu sik&#333;t na waktu paghinang bangsa Yahudi ma hinang Pangint&#333;man, hangkan si Isa patukad ni Awrusalam sabab lahat paghinangan. 14Pagtakka sigam pahi' pas&#333;d iya ni diy&#333;m langgal pagkulbanan. Niya' tanda' na ma diy&#333;m na hi' manga aa magdagang manga sapi' maka manga bili-bili maka manga assang. Tanda' na isab manga aa pagsambian sin ningko' ma bihing lamisahan sigam. 15Pag'nda' itu uk si Isa, ngallo' iya lubid hinang lalubak bo' diyuy na sigam kamemon paluwas min diy&#333;m langgal sampay isab manga sapi' maka manga bili-bili sigam. Biyaliskat uk na manga lamisahan aa magsasambi' sin, maka pikawukanat uk na sin sigam. 16Uk na ni manga aa magdagang assang. &#8220;Pakalloun bi dagangan bi min diy&#333;m langgal itu. Daa hinangun bi tabu' langgal itu sabab luma' 'Mma' ku Tuhan!&#8221; 17Pag'nda' manga mulid si Isa ma hinang na itu, taint&#333;m uk sigam iya bayi tasulat ma diy&#333;m kitab, iya uk na, &#8220;O Tuhan, landu' t&#333;&#333;d aku tuyu' ma luma' nu, minsan iya makamula ma aku.&#8221;</div><div class="p"> 18Sakali t&#299;yaw si Isa uk manga nakura' Yahudi. Uk sigam, &#8220;Ayi kapatut nu maghinang manga hinang nu iyu? Pandain kami hinang makainu-inu tanda' saksi' in kau taga kapatut.&#8221;</div><div class="p"> 19Nambung si Isa, uk na, &#8220;Lubuhun bi langgal itu, bo' bangun ku pabayik ma diy&#333;m tallungallaw.&#8221;</div><div class="p"> 20&#8220;Oy!&#8221; uk manga nakura' hi'. &#8220;Langgal itu, 'mpatpu' maka 'nn&#333;m tahun bayi pangahinang iya. Tabangun nu pabing baha' ma diy&#333;m tallungallaw sadja?&#8221;</div><div class="p"> 21Malayingkan iya langgal pigbissala uk si Isa 'nsa' langgal ian hi', suga' baran na. 22Hangkan na, taabut peen waktu kallum si Isa pabayik min kamatay na, taint&#333;m uk manga mulid na bissala na itu. Jari magkahagad sigam sulat kitab maka bissala si Isa.</div><div class="s">Kitauhan uk si Isa pikilan maka diy&#333;m atay manusiya'</div><div class="p"> 23Mahi' peen si Isa ma Awrusalam salta' ma hinang Pangint&#333;man, heka aa magkahagad ma iya pagka tanda' uk sigam manga hinang na makainu-inu. 24Suga' si Isa 'nsa' mangand&#333;l baran na ma sigam, sabab katauhan na asal kajarihan sigam kamemon. 25Minsan 'nsa' niya' matauhan iya, katauhan na asal bang ayi ma diy&#333;m atay manusiya'.</div>
 </div>
 </div>
</div>

Palabay peen duwangallaw niya' magkawin ma kalumaan Kana, mahi' ma lahat Jalil. Hi' ina' si Isa paluruk pahi'. Iya du di si Isa maka manga mulid na bayi killo' paluruk. Jari mahi' ma pagkawinan, ubus na inuman anggul inum uk manga aa maglurukan. Halling ina' si Isa ni iya, uk na, “Ubus na inuman anggul inum uk sigam.”
Uk si Isa ni iya, “Daa na kau susa pasal ian hi', aku du magkatau. 'Nsa' le' taabut waktu pamanda' barakat ku.”
Jari biyaan uk ina' si Isa ma manga sosohoan ma luma' ian. “Ayi-ayi panohoan kaam uk si Isa,” uk na, “hinangun bi.”
Na niya' 'nnōm pōga batu may'an pangalōōnan bohe' pag-aelan manga aa, sabab iya na addat sigam bangsa Yahudi. Dakayo' pōga ian lōōnan manga lima mital. Uk si Isa ni manga sosohoan hi', “Pannoin bi manga pōga ian maka bohe'.” Magtuwi pinnoan uk sigam, pigsamaitib maka bo' na. Puwas na hi' noho' si Isa ma sigam, uk na, “Sawukin bi min pōga iyu, bo' bohun bi ni aa magnakura' ma pagkawinan itu.” Biyo na uk sigam pahi' ni nakura', bo' kinaman uk na inuman anggul bayi bohe'. 'Nsa' katauhan na bang minningga inuman anggul ian suga' kitauhan asal uk manga sosohoan iya bayi nawuk iya.
Pagnanam peen uk nakura', magtuwi linganan na pangantin lalla. “Kamawumuhan na,” uk na, “bang ma pagkawinan, inuman hap iya pamainum dahu ma manga aa maglurukan. Subay heka tainum uk sigam bo' iyampa pamainum inuman kulang hap na. Suga' bang kau,” uk na, “inuman hap iya tawu' nu sampay ma buttihi'.”
Iya na itu paltandaan tagna' hinang uk si Isa. Hinang itu uk na mahi' ma Kana, ma lahat Jalil. Pindaan uk na kawasa na, manjari magkahagad ma iya manga mulid na hi'.
Puwas na hi', palud di si Isa pahi' ni daira Kapirnaum. Iya sehe' na magbe' ian ina' na maka manga danakan na maka manga mulid na. Ian sigam pahanti' may'an manga pilam bahangi.


Manjari itu sikōt na waktu paghinang bangsa Yahudi ma hinang Pangintōman, hangkan si Isa patukad ni Awrusalam sabab lahat paghinangan. Pagtakka sigam pahi' pasōd iya ni diyōm langgal pagkulbanan. Niya' tanda' na ma diyōm na hi' manga aa magdagang manga sapi' maka manga bili-bili maka manga assang. Tanda' na isab manga aa pagsambian sin ningko' ma bihing lamisahan sigam. Pag'nda' itu uk si Isa, ngallo' iya lubid hinang lalubak bo' diyuy na sigam kamemon paluwas min diyōm langgal sampay isab manga sapi' maka manga bili-bili sigam. Biyaliskat uk na manga lamisahan aa magsasambi' sin, maka pikawukanat uk na sin sigam. Uk na ni manga aa magdagang assang. “Pakalloun bi dagangan bi min diyōm langgal itu. Daa hinangun bi tabu' langgal itu sabab luma' 'Mma' ku Tuhan!” Pag'nda' manga mulid si Isa ma hinang na itu, taintōm uk sigam iya bayi tasulat ma diyōm kitab, iya uk na, “O Tuhan, landu' tōōd aku tuyu' ma luma' nu, minsan iya makamula ma aku.”
Sakali tīyaw si Isa uk manga nakura' Yahudi. Uk sigam, “Ayi kapatut nu maghinang manga hinang nu iyu? Pandain kami hinang makainu-inu tanda' saksi' in kau taga kapatut.”
Nambung si Isa, uk na, “Lubuhun bi langgal itu, bo' bangun ku pabayik ma diyōm tallungallaw.”
“Oy!” uk manga nakura' hi'. “Langgal itu, 'mpatpu' maka 'nnōm tahun bayi pangahinang iya. Tabangun nu pabing baha' ma diyōm tallungallaw sadja?”
Malayingkan iya langgal pigbissala uk si Isa 'nsa' langgal ian hi', suga' baran na. Hangkan na, taabut peen waktu kallum si Isa pabayik min kamatay na, taintōm uk manga mulid na bissala na itu. Jari magkahagad sigam sulat kitab maka bissala si Isa.

Mahi' peen si Isa ma Awrusalam salta' ma hinang Pangintōman, heka aa magkahagad ma iya pagka tanda' uk sigam manga hinang na makainu-inu. Suga' si Isa 'nsa' mangandōl baran na ma sigam, sabab katauhan na asal kajarihan sigam kamemon. Minsan 'nsa' niya' matauhan iya, katauhan na asal bang ayi ma diyōm atay manusiya'.

Makinig sa Yahiya 2