If you would like a copy of this version please contact info@davarpartners.org

Ŋakarimojoŋ Old Testament

<div class="version vid2803 iso6393kdj" data-vid="2803" data-iso6393="kdj">
 <div class="book bkGEN">
 <div class="chapter ch18" data-usfm="GEN.18">
 <div class="label">18</div><div class="s">Kiikinae Aburaam ka Sara ikoku &#331;inisapat</div><div class="r">(&#330;ibur. 13:2)</div><div class="p"> 1Totakanu Akuj neni ka Aburaam aneni alomit i&#331;es, alodiyete &#331;ikuyono &#331;ulu a Mamure; apaki &#331;ina eboiyo i&#331;es alotolim a epuke a eema ke&#331; a&#331;una ka amwanis a akolo&#331;. 2Kikeu Aburaam ereet ke&#331;, ki&#331;olik &#331;ikilyok &#331;iuni ewuasi aneni aapi, kedau aki&#331;olikin ikes, tokuraun alopuke a eema, toem kisiryam ikes, toryedik, kijuuru. 3Tema, &#8220;Ekapolon ka&#331;, ani tokona kajok ayo&#331; aneni kon, ekelipit ayo&#331; iyo&#331; nyilunyar kare ca aneni a eketiyan kon. 4Kimyek kare ca yaunae &#331;akipi &#331;adi kilotaryata iyes &#331;akejen, ido kie&#331;ut a lokitoe. 5Kimyekinae ayo&#331; oyau &#331;amugati &#331;adi tonyama toryamuniata agogo&#331;u, ido nai torotokis, ikwapei itorunioto iyes neni a eketiyan kus.&#8221; Tolimut &#331;ikilyok &#331;uluuni &#331;ul temasi, &#8220;Kitiya lopite &#331;olo ilimunio iyo&#331;.&#8221; 6Kionyak Aburaam atipei loeema neni a Sara tema, &#8220;Tooku &#331;akirya &#331;una ajokak &#331;aokunet &#331;auni tomunak kipou &#331;amugati atipei.&#8221; 7Toem Aburaam neni aya &#331;imo&#331;in, toramu etaok &#331;olo anakunan, inak neni a esorokit a &#331;olo abu kiburuburak akitemokin. 8Tolemu Aburaam akimyet ka &#331;akile ta akiri&#331; a etaok &#331;olo abu i&#331;es kitemok, kiwuak &#331;amuja &#331;un daada&#331; ki&#331;aren &#331;ikilyok &#331;ul, kimuja. Apaki &#331;in, awuoi Aburaam alodiyete kec alokitoe a &#331;olopei eboiyoto ikes.</div><div class="p"> 9Ki&#331;ita &#331;ikilyok &#331;ul Aburaam temasi, &#8220;Ai eyai aberu kon Sara?&#8221; Tobo&#331;ok i&#331;es tema, &#8220;Eyai tooma eema.&#8221; 10Tolimok epei alokidi&#331; &#331;ikilyok &#331;ul Aburaam tema, &#8220;Kire jik, abo&#331;uni ayo&#331; neni kon apaki &#331;ina ejokunia ekaru &#331;ina ieteunio, apaki &#331;in, eyakaunor aberu kon Sara ikoku &#331;inisapat.&#8221; Apupi Sara &#331;akiro &#331;un alopuke a eema alokaku Aburaam, aneni eboiyo i&#331;es. 11Apaki &#331;in, aris Aburaam ka Sara kemojo&#331;a nooi, aris Sara da&#331; kedepa &#331;ikaru &#331;ulukidoet. 12Tokyeni Sara ejamuwara bon alotau ke&#331; tema, &#8220;Apedori mono kire ayo&#331; aryamun alakara kamojo&#331; ka ekapolon ka&#331; da&#331; kemojo&#331; a?&#8221; 13Ki&#331;it Ekapolon Aburaam tema, &#8220;Kaanukiro akyenia Sara ejamuwara ebala, &#8216;Apedori mono kire ayo&#331; auruun ikoku, ayo&#331; &#331;ina amojo&#331; a?&#8217; 14Eyai mono ibore &#331;ini etyono aneni ke Ekapolon a? Abo&#331;uni ayo&#331; neni kon apaki &#331;ina itemokinitoe, apaki &#331;ina ejokunia ekaru &#331;ina ieteunio, apaki &#331;in, eyakaunor Sara ikoku &#331;inisapat.&#8221; 15Nai tema Sara, &#8220;Nyekyena ayo&#331;.&#8221; Alimuni i&#331;es &#331;un a&#331;una akuryania. Tolimok Ekapolon i&#331;es tema, &#8220;Mam, ikyenit iyo&#331;.&#8221;</div><div class="s">Akinyasuno a Sodoma</div><div class="p"> 16Torotokis &#331;ikilyok &#331;ul a nen, ki&#331;olikis Sodoma erounito. Apaki &#331;in, etenakinit Aburaam ikes akitoodikin erot. 17Tema Ekapolon, &#8220;Emunoni mono ayo&#331; aneni ka Aburaam &#331;una alosi ayo&#331; akitiyakin 18ikwapei eraakar Aburaam ayeni ayo&#331; atemar eruwor papa a &#331;itu&#331;a a &#331;ulu alalak ka &#331;ulu etirok, ido neni ke&#331; iterere&#331;ere &#331;itu&#331;a a &#331;akwapin a daada&#331; a? 19Nyemunoni, anerae adau ayo&#331; aseun i&#331;es ikotere iciki &#331;idwe ke&#331; ka &#331;itu&#331;a a ekal ke&#331; &#331;ulu iwuapete i&#331;es, kiwuapa erot &#331;olo ke Ekapolon anakitiya &#331;una iyookino ka &#331;una ecamakinitae; ikotere nai isiyookini Ekapolon &#331;una adau akiikin Aburaam.&#8221; 20Tema Ekapolon, &#8220;Epol nooi akigworo a&#331;una a &#331;itu&#331;a a Sodoma ka Gomora, epol da&#331; nooi ka elal asecit kec. 21Itemokino ayo&#331; otiyaar kwap a ne, oanyu erae kitiyato ikes kaapei lopite &#331;olo igworotor, &#331;olo adolu neni ka&#331;; ani pa kikote nen, ayenuni ayo&#331;.&#8221;</div><div class="p"> 22Toriwo &#331;ikilyok &#331;iarei alokilyok a &#331;ul, toloto Sodoma, kido&#331; Aburaam nen ewoi aloki&#331;aren Ekapolon. 23Kiyotu Aburaam neni ke Ekapolon tema, &#8220;Erae mono kire a? Imunyari mono iyo&#331; &#331;ulu iyookino ka &#331;ulu itiyaete aronis a? 24Ani mono keyakasi &#331;itu&#331;a &#331;atomonikan &#331;ulu iyookino lotaun &#331;ol; imunyari mono iyo&#331; akibois daada&#331;, nyisyoni iyo&#331; i&#331;es a&#331;una a &#331;itu&#331;a a &#331;atomonikan a &#331;ulu iyookino alotooma etaun &#331;ol a? 25Nyerae nu &#331;una emaikina iyo&#331; kitiya; amunyar &#331;ulu iyookino kaapei ka &#331;ulu itiyaete aronis, akisican kaapei &#331;ulu iyookino ka &#331;ulu itiyaete aronis. Nyerae &#331;un &#331;una emaikina iyo&#331; kitiya. Nyemaikina mono ekatubon &#331;olo ka akwap a daada&#331; itiyae &#331;una iyookino a?&#8221; 26Tema Ekapolon, &#8220;Ani karyamu ayo&#331; alotaun a Sodoma &#331;itu&#331;a &#331;atomonikan &#331;ulu iyookino, esyoni ayo&#331; akibois &#331;in daada&#331; a&#331;una kec.&#8221; 27Tema nabo Aburaam, &#8220;Kisyoni ca Ekapolon ayo&#331; a&#331;una arubakinitor erworo neni kon, orae bo ayo&#331; itu&#331;anan ko&#331;in. 28Ani bo pa kiyookino &#331;ikan alotooma &#331;itu&#331;a &#331;ulutomonikan &#331;ul, imunyari mono iyo&#331; etaun daada&#331; a&#331;una a &#331;ulukan a &#331;ul a?&#8221; Tema Ekapolon, &#8220;Nyamunyari ayo&#331; akibois &#331;in erae karyamu &#331;atomoniomwon ka &#331;ikan &#331;ulu iyookino a nen.&#8221; 29Torubak Aburaam isirwori Ekapolon ki&#331;it tema, &#8220;Ani bo kerae &#331;atomoniomwon iryamuni iyo&#331; iyookino a nen?&#8221; Tobo&#331;ok Ekapolon tema, &#8220;A&#331;una a &#331;ulutomoniomwon a &#331;ul, nyamunyari ayo&#331; akibois &#331;in.&#8221; 30Tolimu nabo Aburaam tema, &#8220;Okoe, Ekapolon ka&#331;, nyi&#331;o ca! Kimyekinae erwor; ani bo kerae &#331;atomoniuni bon iryamuni iyo&#331; iyookino a nen?&#8221; Tobo&#331;ok Ekapolon tema, &#8220;Nyamunyari ayo&#331; akibois &#331;in erae karyamu &#331;atomoniuni &#331;ulu iyookino a nen.&#8221; 31Tema Aburaam, &#8220;Kisyoni ca Ekapolon ayo&#331; a&#331;una arubakinitor erworo neni kon. Ani bo kerae &#331;atomoniarei bon iryamuni iyo&#331; iyookino a nen?&#8221; Tobo&#331;ok Ekapolon tema, &#8220;A&#331;una a &#331;ulutomoniarei a &#331;ul, nyamunyari ayo&#331; akibois &#331;in.&#8221; 32Tolimu nai Aburaam tema, &#8220;Okoe Ekapolon ka&#331;, nyi&#331;o ca! Kimyekinae olimu apei ca bon; ani bo kerae &#331;itomon bon iryamuni iyo&#331; iyookino a nen?&#8221; Tobo&#331;ok Ekapolon tema, &#8220;A&#331;una a &#331;ulutomon a &#331;ul, nyamunyari ayo&#331; akibois &#331;in.&#8221; 33Ani kedau Ekapolon akirworo ka Aburaam, torotok kimyek Aburaam. Tosodi Aburaam tobo&#331;o tolot nakibois ke&#331;.</div>
 </div>
 </div>
</div>

Ngakarimojong Interconfessional Bible © Bible Society of Uganda, 2008.

Totakanu Akuj neni ka Aburaam aneni alomit iŋes, alodiyete ŋikuyono ŋulu a Mamure; apaki ŋina eboiyo iŋes alotolim a epuke a eema keŋ aŋuna ka amwanis a akoloŋ. Kikeu Aburaam ereet keŋ, kiŋolik ŋikilyok ŋiuni ewuasi aneni aapi, kedau akiŋolikin ikes, tokuraun alopuke a eema, toem kisiryam ikes, toryedik, kijuuru. Tema, “Ekapolon kaŋ, ani tokona kajok ayoŋ aneni kon, ekelipit ayoŋ iyoŋ nyilunyar kare ca aneni a eketiyan kon. Kimyek kare ca yaunae ŋakipi ŋadi kilotaryata iyes ŋakejen, ido kieŋut a lokitoe. Kimyekinae ayoŋ oyau ŋamugati ŋadi tonyama toryamuniata agogoŋu, ido nai torotokis, ikwapei itorunioto iyes neni a eketiyan kus.” Tolimut ŋikilyok ŋuluuni ŋul temasi, “Kitiya lopite ŋolo ilimunio iyoŋ.” Kionyak Aburaam atipei loeema neni a Sara tema, “Tooku ŋakirya ŋuna ajokak ŋaokunet ŋauni tomunak kipou ŋamugati atipei.” Toem Aburaam neni aya ŋimoŋin, toramu etaok ŋolo anakunan, inak neni a esorokit a ŋolo abu kiburuburak akitemokin. Tolemu Aburaam akimyet ka ŋakile ta akiriŋ a etaok ŋolo abu iŋes kitemok, kiwuak ŋamuja ŋun daadaŋ kiŋaren ŋikilyok ŋul, kimuja. Apaki ŋin, awuoi Aburaam alodiyete kec alokitoe a ŋolopei eboiyoto ikes.
Kiŋita ŋikilyok ŋul Aburaam temasi, “Ai eyai aberu kon Sara?” Toboŋok iŋes tema, “Eyai tooma eema.” Tolimok epei alokidiŋ ŋikilyok ŋul Aburaam tema, “Kire jik, aboŋuni ayoŋ neni kon apaki ŋina ejokunia ekaru ŋina ieteunio, apaki ŋin, eyakaunor aberu kon Sara ikoku ŋinisapat.” Apupi Sara ŋakiro ŋun alopuke a eema alokaku Aburaam, aneni eboiyo iŋes. Apaki ŋin, aris Aburaam ka Sara kemojoŋa nooi, aris Sara daŋ kedepa ŋikaru ŋulukidoet. Tokyeni Sara ejamuwara bon alotau keŋ tema, “Apedori mono kire ayoŋ aryamun alakara kamojoŋ ka ekapolon kaŋ daŋ kemojoŋ a?” Kiŋit Ekapolon Aburaam tema, “Kaanukiro akyenia Sara ejamuwara ebala, ‘Apedori mono kire ayoŋ auruun ikoku, ayoŋ ŋina amojoŋ a?’ Eyai mono ibore ŋini etyono aneni ke Ekapolon a? Aboŋuni ayoŋ neni kon apaki ŋina itemokinitoe, apaki ŋina ejokunia ekaru ŋina ieteunio, apaki ŋin, eyakaunor Sara ikoku ŋinisapat.” Nai tema Sara, “Nyekyena ayoŋ.” Alimuni iŋes ŋun aŋuna akuryania. Tolimok Ekapolon iŋes tema, “Mam, ikyenit iyoŋ.”

Torotokis ŋikilyok ŋul a nen, kiŋolikis Sodoma erounito. Apaki ŋin, etenakinit Aburaam ikes akitoodikin erot. Tema Ekapolon, “Emunoni mono ayoŋ aneni ka Aburaam ŋuna alosi ayoŋ akitiyakin ikwapei eraakar Aburaam ayeni ayoŋ atemar eruwor papa a ŋituŋa a ŋulu alalak ka ŋulu etirok, ido neni keŋ iterereŋere ŋituŋa a ŋakwapin a daadaŋ a? Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.” Tema Ekapolon, “Epol nooi akigworo aŋuna a ŋituŋa a Sodoma ka Gomora, epol daŋ nooi ka elal asecit kec. Itemokino ayoŋ otiyaar kwap a ne, oanyu erae kitiyato ikes kaapei lopite ŋolo igworotor, ŋolo adolu neni kaŋ; ani pa kikote nen, ayenuni ayoŋ.”
Toriwo ŋikilyok ŋiarei alokilyok a ŋul, toloto Sodoma, kidoŋ Aburaam nen ewoi alokiŋaren Ekapolon. Kiyotu Aburaam neni ke Ekapolon tema, “Erae mono kire a? Imunyari mono iyoŋ ŋulu iyookino ka ŋulu itiyaete aronis a? Ani mono keyakasi ŋituŋa ŋatomonikan ŋulu iyookino lotaun ŋol; imunyari mono iyoŋ akibois daadaŋ, nyisyoni iyoŋ iŋes aŋuna a ŋituŋa a ŋatomonikan a ŋulu iyookino alotooma etaun ŋol a? Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?” Tema Ekapolon, “Ani karyamu ayoŋ alotaun a Sodoma ŋituŋa ŋatomonikan ŋulu iyookino, esyoni ayoŋ akibois ŋin daadaŋ aŋuna kec.” Tema nabo Aburaam, “Kisyoni ca Ekapolon ayoŋ aŋuna arubakinitor erworo neni kon, orae bo ayoŋ ituŋanan koŋin. Ani bo pa kiyookino ŋikan alotooma ŋituŋa ŋulutomonikan ŋul, imunyari mono iyoŋ etaun daadaŋ aŋuna a ŋulukan a ŋul a?” Tema Ekapolon, “Nyamunyari ayoŋ akibois ŋin erae karyamu ŋatomoniomwon ka ŋikan ŋulu iyookino a nen.” Torubak Aburaam isirwori Ekapolon kiŋit tema, “Ani bo kerae ŋatomoniomwon iryamuni iyoŋ iyookino a nen?” Toboŋok Ekapolon tema, “Aŋuna a ŋulutomoniomwon a ŋul, nyamunyari ayoŋ akibois ŋin.” Tolimu nabo Aburaam tema, “Okoe, Ekapolon kaŋ, nyiŋo ca! Kimyekinae erwor; ani bo kerae ŋatomoniuni bon iryamuni iyoŋ iyookino a nen?” Toboŋok Ekapolon tema, “Nyamunyari ayoŋ akibois ŋin erae karyamu ŋatomoniuni ŋulu iyookino a nen.” Tema Aburaam, “Kisyoni ca Ekapolon ayoŋ aŋuna arubakinitor erworo neni kon. Ani bo kerae ŋatomoniarei bon iryamuni iyoŋ iyookino a nen?” Toboŋok Ekapolon tema, “Aŋuna a ŋulutomoniarei a ŋul, nyamunyari ayoŋ akibois ŋin.” Tolimu nai Aburaam tema, “Okoe Ekapolon kaŋ, nyiŋo ca! Kimyekinae olimu apei ca bon; ani bo kerae ŋitomon bon iryamuni iyoŋ iyookino a nen?” Toboŋok Ekapolon tema, “Aŋuna a ŋulutomon a ŋul, nyamunyari ayoŋ akibois ŋin.” Ani kedau Ekapolon akirworo ka Aburaam, torotok kimyek Aburaam. Tosodi Aburaam toboŋo tolot nakibois keŋ.

Makinig sa Akisy. 18