Wɔ̃́ lɛ́ à gbɛ̃̀ɛ̃ lɛ kii e kéa mɔ̀ɔ
Zò yà gé wɔ̃̀ lɛ́ e Wúlúfè Kìì e kéa yía, e gbɛ̃̀ wɔ̃́ gágà lúó ká Mɛ̀ĩ́-sà-ɓo Kii yi. Wúlúfè lɛ́ e Móà le káa, e Éézɛ̀lɛ̀ gɔ̃ si, lɛ́ à dɛ̃ e kília e gaa. E e dìè ló tã́ã̀ e dɛ̃ lee lɛ́ e kɛ Éézɛ̀lɛ̀ le káa lɛ̀ɛ, ɛ̃́ɛ̃́ e e die nɔ Éézɛ̀lɛ̀ Wálà lɛ̀ɛ. À líé nyɛ mɔ̀ɔ, e gɔ̃ gɛ̃̀ e dɛ̃ mìà nì fĩ̀ã̀ lɛ́ a sía. O kíe síìi kòlò làa, léa e kɛ Dèɓé lɛ́ e kɛ Éézɛ̀lɛ̀ kĩ́ĩ̀ mɛ́ gágà zɛ̀ doó mì káa, dàa ye lè ká.
Wɔ̃́ lɛ́ a gbɛ̃̀ɛ̃ lɛ mɛ̀ĩ́-sà-ɓo Kii e kéa mɔ̀ɔ, e wàa lɛ́ e nu Wálà à mìà nì píé lɛ̀ lɛ́ o o ko gbɛ̃̀ Wálà mɔ̀ɔ zɔ̃̀ɔ̃̀. Wúlúfè lɛ́ e kɛ sɛ́lɛ́ gbɛɛ yí mi káa e lúà sɔ̀lɔ̀ ɓo Wálà kɛlɛ̀. À kòlò làa lúà e kpɔ́ à là e nu Éézɛ̀lɛ̀ píé.
Wɔ̃́ wũ gbɛɛ̀ gbɛ yà kpoá zɛ̀
Nìómì wà Wúlúfè o ló o mɛ̀ĩ́ Bɛ́féléhɛ̃́ɛ̃̀ (1:1-22)
Wúlúfè e ɓɔ Bóà là (2:1–3:18)
Bóà e Wúlúfè sí lee ka (4:1-22)

Makinig sa Wúlúfè Wɔ̃́ lɛ́ à gbɛ̃̀ɛ̃ lɛ kii e kéa mɔ̀ɔ