Bible Text in Txitxopi© SociedadeBíblica de Moçambique, 1999 Audio recording of the Bible Text ℗ Hosanna, 2018

Txitxopi - 1999 MOZ (NT) Drama

<div class="version vid2848 iso6393cce" data-vid="2848" data-iso6393="cce">
 <div class="book bkJHN">
 <div class="chapter ch16" data-usfm="JHN.16">
 <div class="label">16</div><div class="s">Mthumo wa Moya wo Sawuleka</div><div class="p"> 1&#8220;Ni mi gete timhaka tiya, kasiku mi si thuki mi txi khuveka. 2Va na mi tovela masinagogani. Kambe ya ta mbimo yi, awu a no mi daya, a no pimisa ti to a thumela Txizimu. 3Va na mi maha totshe tiya, nguko kha va m'ziva Tate ni nani. 4Se ni mi gete timhaka tiya kasiku mbimo yi txi no hoka txikhati txa txona, mi na khumbula ti to ni ti mi gete.</div><div class="p">&#8216;Kha na mi gela tiya kukhukhela kukhatani, nguko ni ti ngadi ni nanu.&#8217; 5Konkuwa na tsula ka wule a nga ni rumela, kambe awalo ni wammweyo kwanu, a ni wotisako ku: &#8216;U ya hani, kani?&#8217; 6Kambe akuwa ni nga mi gela tiya, timbilu tanu ta pandiseka ngutu. 7Aniko ani na mi gela ditshuri: Ndi nene kwanu ku ani ni tsula, nguko ku nga tiya ni si tsuli, Mthaveleli kha na mbi ta kwanu; ngako ni txi tsula, ni na ya m'rumela kwanu. 8Sekoko, ene, ngu kuta kwakwe, a nata tumelisa ditiko ngu ka txionho, ni kululama ni kuabanisa. 9Ngu ka txionho, nguko vona kha va kholwi kwangu; 10ngu ka kululama, nguko na tsula ka Tata, se kha mi na mbiswa mi txi ni wona kambe; 11ngu ka kuabanisa, nguko mfumeli wa mafu awa se a abanisilwe.</div><div class="p"> 12Ni ngadi ni to tala, ta ku mi gela, aniko konkuwa ti nga mi nemela. 13Kambe mbimo yi a nota ene wule, i ku Moya wa ditshuri, ngene a nota mi gondisa dotshe ditshuri, nguko kha na mbi ta womba-womba ngu kwakwe, aniko a na womba totshe tiya a no tiengisa; se a na mi gela totshe tiya ti no maheka. 14Ene a na ni dhumisa, nguko a na amukela ti i ku tangu, a txi mi gela tona. 15Sotshe si Tate a ku naso, nzangu. Ngu toneto, ni wombako ti taku: Moya wu na amukela ti i ku tangu, wu txi mi gela tona.&#8221;</div><div class="s">Kupandiseka ni litsako</div><div class="p"> 16&#8220;Ngu mbimoanyana kha mi na mbi ni wona, kambe ngu mbimoanyana mi na ni wona.&#8221;</div><div class="p"> 17Sekoko vamwani ka vagondiswa vakwe va to kha vona:</div><div class="p">&#8220;Nda txani tonti a wombako a txi khene: &#8216;Ngu mbimoanyana kha mi na mbi ni wona, kambe ngu mbimoanyana mi na ni wona;&#8217; ni ti taku: &#8216;Ni ya ka Tata kani?&#8217; &#8221; 18Va txi engeta kambe, va txi kha vona: &#8220;Tiwomba txani tonti taku: &#8216;Mbimoanyana kani?&#8217; Athu kha hi ti pfisisi eto a wombako.&#8221;</div><div class="p"> 19Se Jesu a ti zivile ti to va lava ku mu wotisa, se a nje khene: &#8220;Anu ma wotisana ngu kuwa ni nga khani:</div><div class="p">&#8216;Ngu mbimoanyana kha mi na mbi ni wona, kambe ngu mbimoanyana mi na ni wona.&#8217; 20Ngu ditshuri, ngu ditshuri na mi gela: Mi na dila ni kupandiseka mbilu, kambe vathu va ditiko va na tsaka; se anu mi na xaniseka timbiluni kwanu, kambe kuxaniseka kwanu ku na hinduka ku txi maha litsako. 21Wamsikati, txikhati txi a lavako kuhefemula, wa xaniseka, nguko yi hokile mbimo yakwe; aniko msana ka kuhefemula mwanana, kha ku alakanyi kambe kuxaniseka, ngu litsako li a li pfako la kuvelekwa ka m'thu ha mafuni. 22Ngu toneto, nanu konkuwa ma pfa kupanda timbiluni kwanu, kambe na tshumela ni txi mi wona, se timbilu tanu ti na tala ngu litsako, kambe awalo wu a no mi honyola litsako lanu.</div><div class="p"> 23Ka donedo ditshiku kha mi na mbi ni wotisa txilo. Ngu ditshuri, ngu ditshuri na mi gela ku khani: Sotshe si mi no si kombela ka Tata ngu ditina dangu, ene a na mi ha. 24Kala konkuwa, kha mi nzi kukombela txilo ngu ditina dangu. Kombelani, mi na hiwa, kasiku litsako lanu li tatiseka.</div><div class="s">Kuxula ditiko</div><div class="p"> 25Ni mi gete timhaka tiya ngu sidinganiso. Kambe ya ta mbimo yi ni no mbiswa ni txi mi wombawombela ngu sidinganiso, aniko ni na mi zivisa ta Tata, ni txi ti womba ha kubasani.&#8221; 26&#8220;Ka donedo ditshiku mi na kombela ngu ditina dangu, kambe kha ni mi geli ti to ni na mi khongelela ka Tata. 27Nguko ene Tate apune wa mi randa, nguko nanu mi ni randile ni kukholwa ti to ni tile ngu ka Txizimu. 28Ni humile ngu ka Tata, ni tile ha mafuni. Konkuwa na khukha ha mafuni ni tsula ka Tata.&#8221;</div><div class="p"> 29Vagondiswa vakwe va to kha vona kwakwe:</div><div class="p">&#8220;Wona taku konkuwa, u womba-womba u txi txhamusa, khu nga ngadi u txi womba-womba ngu sidinganiso. 30Konkuwa ha tiziva ti to awe wa ziva totshe; khu faneli kuwotiswa txilo ngu m'thu; ngu konaho ha kholwa ti to u ta ngu ka Txizimu.&#8221;</div><div class="p"> 31Jesu a to xamula a txi khene:</div><div class="p">&#8220;Konkuwa ma kholwa kani? 32Wonani, ya ta mbimo, ni konkuwa yi hokile, ayi mi no hangalaka, mmwani ni mmwani e teka nzila yakwe, mi txi ni siya ni di nokha; kambe kha ni nga nokha, nguko Tate a ni nani. 33Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.&#8221;</div>
 </div>
 </div>
</div>

A Bíblia em Txitxopi © Bible Society in Mozambique, 2016.

“Ni mi gete timhaka tiya, kasiku mi si thuki mi txi khuveka. Va na mi tovela masinagogani. Kambe ya ta mbimo yi, awu a no mi daya, a no pimisa ti to a thumela Txizimu. Va na mi maha totshe tiya, nguko kha va m'ziva Tate ni nani. Se ni mi gete timhaka tiya kasiku mbimo yi txi no hoka txikhati txa txona, mi na khumbula ti to ni ti mi gete.
‘Kha na mi gela tiya kukhukhela kukhatani, nguko ni ti ngadi ni nanu.’ Konkuwa na tsula ka wule a nga ni rumela, kambe awalo ni wammweyo kwanu, a ni wotisako ku: ‘U ya hani, kani?’ Kambe akuwa ni nga mi gela tiya, timbilu tanu ta pandiseka ngutu. Aniko ani na mi gela ditshuri: Ndi nene kwanu ku ani ni tsula, nguko ku nga tiya ni si tsuli, Mthaveleli kha na mbi ta kwanu; ngako ni txi tsula, ni na ya m'rumela kwanu. Sekoko, ene, ngu kuta kwakwe, a nata tumelisa ditiko ngu ka txionho, ni kululama ni kuabanisa. Ngu ka txionho, nguko vona kha va kholwi kwangu; ngu ka kululama, nguko na tsula ka Tata, se kha mi na mbiswa mi txi ni wona kambe; ngu ka kuabanisa, nguko mfumeli wa mafu awa se a abanisilwe.
Ni ngadi ni to tala, ta ku mi gela, aniko konkuwa ti nga mi nemela. Kambe mbimo yi a nota ene wule, i ku Moya wa ditshuri, ngene a nota mi gondisa dotshe ditshuri, nguko kha na mbi ta womba-womba ngu kwakwe, aniko a na womba totshe tiya a no tiengisa; se a na mi gela totshe tiya ti no maheka. Ene a na ni dhumisa, nguko a na amukela ti i ku tangu, a txi mi gela tona. Sotshe si Tate a ku naso, nzangu. Ngu toneto, ni wombako ti taku: Moya wu na amukela ti i ku tangu, wu txi mi gela tona.”

“Ngu mbimoanyana kha mi na mbi ni wona, kambe ngu mbimoanyana mi na ni wona.”
Sekoko vamwani ka vagondiswa vakwe va to kha vona:
“Nda txani tonti a wombako a txi khene: ‘Ngu mbimoanyana kha mi na mbi ni wona, kambe ngu mbimoanyana mi na ni wona;’ ni ti taku: ‘Ni ya ka Tata kani?’ ” Va txi engeta kambe, va txi kha vona: “Tiwomba txani tonti taku: ‘Mbimoanyana kani?’ Athu kha hi ti pfisisi eto a wombako.”
Se Jesu a ti zivile ti to va lava ku mu wotisa, se a nje khene: “Anu ma wotisana ngu kuwa ni nga khani:
‘Ngu mbimoanyana kha mi na mbi ni wona, kambe ngu mbimoanyana mi na ni wona.’ Ngu ditshuri, ngu ditshuri na mi gela: Mi na dila ni kupandiseka mbilu, kambe vathu va ditiko va na tsaka; se anu mi na xaniseka timbiluni kwanu, kambe kuxaniseka kwanu ku na hinduka ku txi maha litsako. Wamsikati, txikhati txi a lavako kuhefemula, wa xaniseka, nguko yi hokile mbimo yakwe; aniko msana ka kuhefemula mwanana, kha ku alakanyi kambe kuxaniseka, ngu litsako li a li pfako la kuvelekwa ka m'thu ha mafuni. Ngu toneto, nanu konkuwa ma pfa kupanda timbiluni kwanu, kambe na tshumela ni txi mi wona, se timbilu tanu ti na tala ngu litsako, kambe awalo wu a no mi honyola litsako lanu.
Ka donedo ditshiku kha mi na mbi ni wotisa txilo. Ngu ditshuri, ngu ditshuri na mi gela ku khani: Sotshe si mi no si kombela ka Tata ngu ditina dangu, ene a na mi ha. Kala konkuwa, kha mi nzi kukombela txilo ngu ditina dangu. Kombelani, mi na hiwa, kasiku litsako lanu li tatiseka.

Ni mi gete timhaka tiya ngu sidinganiso. Kambe ya ta mbimo yi ni no mbiswa ni txi mi wombawombela ngu sidinganiso, aniko ni na mi zivisa ta Tata, ni txi ti womba ha kubasani.” “Ka donedo ditshiku mi na kombela ngu ditina dangu, kambe kha ni mi geli ti to ni na mi khongelela ka Tata. Nguko ene Tate apune wa mi randa, nguko nanu mi ni randile ni kukholwa ti to ni tile ngu ka Txizimu. Ni humile ngu ka Tata, ni tile ha mafuni. Konkuwa na khukha ha mafuni ni tsula ka Tata.”
Vagondiswa vakwe va to kha vona kwakwe:
“Wona taku konkuwa, u womba-womba u txi txhamusa, khu nga ngadi u txi womba-womba ngu sidinganiso. Konkuwa ha tiziva ti to awe wa ziva totshe; khu faneli kuwotiswa txilo ngu m'thu; ngu konaho ha kholwa ti to u ta ngu ka Txizimu.”
Jesu a to xamula a txi khene:
“Konkuwa ma kholwa kani? Wonani, ya ta mbimo, ni konkuwa yi hokile, ayi mi no hangalaka, mmwani ni mmwani e teka nzila yakwe, mi txi ni siya ni di nokha; kambe kha ni nga nokha, nguko Tate a ni nani. Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Makinig sa Johani 16