If you have would like a copy of this version please contact info@davarpartners.org

The Kimeru Old Testament

<div class="version vid2929 iso6393mer" data-vid="2929" data-iso6393="mer">
 <div class="book bkGEN">
 <div class="chapter ch21" data-usfm="GEN.21">
 <div class="label">21</div><div class="s">G&#251;ciarwa gwa Isaaka</div><div class="p"> 1MWATHANI n&#238; aaririkan&#238;re Sara aram&#251;thith&#238;ria o &#251;r&#238;a aug&#238;&#238;te. 2#Ahi 11.11 Tont&#251; b&#251;&#251;, Sara, &#251;k&#251;r&#251;&#251;ne bwaawe arag&#238;a &#238;u na araciara ka&#238;j&#238;, o r&#238;r&#238;a r&#238;ongwa M&#251;rungu eer&#238;&#238;r&#238;te Abrahamu. 3Abrahamu areeta mwana &#251;u Isaaka. 4#K&#238;am 17.12; Maj 7.8 Abrahamu n&#238; aataan&#238;re Isaaka aakinyia &#251;k&#251;r&#251; bwa ntuk&#251; inyaanya, o ta &#251;r&#238;a M&#251;rungu aamw&#238;r&#238;te. 5Abrahamu aar&#238; na &#251;k&#251;r&#251; bwa m&#238;aka &#238;gana r&#238;mwe (100) r&#238;r&#238;a m&#251;taana waawe Isaaka aaciar&#238;rwe. 6Sara arauga, &#8220;M&#251;rungu ag&#251;mpa g&#238;t&#251;mi g&#238;a k&#251;theka. Bar&#238;a bakaigua mant&#251; jaja kinya bo bakaatheka amwe naani.&#8221; 7Ning&#238; arauga at&#238;r&#238;, &#8220;N&#251;&#251; &#251;r&#238;ng&#238;kw&#238;ra Abrahamu at&#238; Sara agoonkia twaana? &#206;nd&#238; nd&#238;k&#251;m&#251;ciar&#238;ra ka&#238;j&#238; &#251;k&#251;r&#251;&#251;ne bwaawe.&#8221;</div><div class="p"> 8Mwana &#251;u areeta na mbere g&#251;k&#251;ra mwanka aratiga gwonka. Abrahamu arathithia k&#238;atho g&#238;k&#238;nene mono ntuk&#251; &#238;r&#238;a Isaaka aatig&#238;re gwonka.</div><div class="s">Kw&#238;ngwa kwa Hagari na Ishimaeli</div><div class="p"> 9Ntuk&#251; &#238;mwe Sara n&#238; oonere mwana wa Hagari M&#251;misri ag&#238;tindania na m&#251;taana waawe Isaaka. 10#Agal 4.29-30 Tont&#251; b&#251;&#251;, areera Abrahamu &#251;j&#251;, &#8220;&#206;nga m&#251;ka &#251;&#251;j&#251; nkombo amwe na m&#251;taana waawe, n&#238;&#251;nt&#251; m&#251;taana wa m&#251;ka &#251;&#251;j&#251; nkombo at&#238;aa m&#251;r&#238;a&#251;kua amwe na m&#251;taana waakwa Isaaka.&#8221; 11&#219;nt&#251; b&#251;u b&#251;rat&#251;ma Abrahamu aigua b&#251;b&#251;&#251;&#238; mono n&#238;&#251;nt&#251; Ishimaeli kinya we aar&#238; m&#251;taana waawe. 12#Aro 9.7; Ahi 11.18 &#206;nd&#238; M&#251;rungu areera Abrahamu at&#238;r&#238;, &#8220;Tiga kwigua b&#251;b&#251;&#251;&#238; n&#238;&#251;nt&#251; bwa ka&#238;j&#238; kau gaaku kana wigua b&#251;b&#251;&#251;&#238; n&#238;&#251;nt&#251; bwa m&#251;ka nkombo &#251;u waaku. O b&#251;r&#238;a bunthe Sara agaakw&#238;ra, thithia bu, n&#238;&#251;nt&#251; nchiarwa cia Isaaka n&#238;cio igat&#251;&#251;ria ri&#238;twa r&#238;aaku. 13M&#251;taana &#251;u wa m&#251;ka nkombo kinya we ngat&#251;ma aee m&#251;gongo j&#251;m&#251;nene n&#238;&#251;nt&#251; kinya we n&#238; mbee&#251; yaaku.&#8221;</div><div class="p"> 14Tont&#251; b&#251;&#251;, Abrahamu arook&#238;&#238;ra r&#251;k&#238;&#238;r&#238; kainda, araj&#251;kia biak&#251;r&#238;a na kiujo k&#238;a r&#251;&#251;j&#238; k&#238;aathith&#238;tue na m&#251;g&#251;&#251;ta aranenkera Hagari. Arar&#238;k&#238;&#238;ra into biu amwe ituroone bia Hagari na aram&#251;nenkeeria mwana na aramw&#238;ra aci&#238;t&#238;re. Hagari araci&#238;t&#238;ra, areeta rwanda rwa Beerisheba. 15R&#238;r&#238;a r&#251;&#251;j&#238; rwathir&#238;re kiujoone, Hagari areeka mwana ant&#251; amwe rungu rwa g&#238;kamba, 16Nawe areeta arakara nth&#238; gataaria ka mita m&#238;rongo &#238;that&#251;, kuuma ar&#238;a mwana aar&#238; araamb&#238;r&#238;ria k&#251;r&#238;ra akiuga at&#238;r&#238;, &#8220;Nt&#238;&#251;m&#238;&#238;ria kwona mwana waakwa ag&#238;kua.&#8221;</div><div class="p"> 17M&#251;rungu n&#238; aaig&#238;rue k&#238;r&#238;ro k&#238;a mwana &#251;u. M&#251;ra&#238;ka wa M&#251;rungu areeta Hagari k&#251;&#251;ma &#238;g&#251;r&#251; aram&#251;&#251;ria, &#8220;N&#238;mbi &#238;g&#251;k&#251;thang&#238;kia? &#219;gak&#238;ra n&#238;&#251;nt&#251; M&#251;rungu aakwigua k&#238;r&#238;ro k&#238;a mwana &#251;u ar&#238; o au ar&#238;. 18&#219;k&#238;&#238;ra &#251;j&#251;kie mwana &#251;m&#251;gwate, n&#238;&#251;nt&#251; nkaamwethia m&#251;gongo j&#251;m&#251;nene.&#8221; 19R&#238;u M&#251;rungu arat&#251;ma Hagari aroona k&#238;thima k&#238;a r&#251;&#251;j&#238;. Areeta arooj&#251;ria kiujo r&#251;&#251;j&#238;, arakundia mwana. 20M&#251;rungu n&#238; aamenyereere mwana &#251;u arak&#251;ra bwega. Arat&#251;&#251;ra rwanda rwa Parani araa m&#251;thoogi &#251;m&#251;nene. 21Ng'ina aram&#251;cw&#238;ra mwar&#238; kuuma nth&#238; ya Misri aram&#251;g&#251;ra.</div><div class="s">K&#238;r&#238;kan&#238;ro k&#238;a Abrahamu na Abimeleki</div><div class="p"> 22 # 
 K&#238;am 26.26
 Naku n&#238; gwakar&#238;re at&#238;r&#238;, &#238;giiteene r&#238;u Abimeleki bar&#238; na Fikoli, m&#251;tongeeria wa nj&#251;&#251;r&#238; yaawe n&#238; beer&#238;re Abrahamu at&#238;r&#238;, &#8220;M&#251;rungu n&#238; eethag&#238;rwa ar&#238; amwe naagwe mant&#251;&#251;ne jonthe jar&#238;a &#251;thithagia. 23Tont&#251; b&#251;&#251;, r&#238;, nci&#238;t&#238;ria nand&#238; na ri&#238;twa r&#238;a M&#251;rungu uuge at&#238; &#251;t&#238;korompa&#238;ria, kana wa&#238;ria nchiarwa ciaakwa. &#206;nd&#238; o ta &#251;r&#238;a ntw&#238;re nd&#238; mw&#238;t&#238;kua k&#238;r&#238; gwe, kinya gwe w&#238;th&#238;rwe &#251;r&#238; mw&#238;t&#238;kua k&#238;r&#238; ni, na nth&#238;g&#251;r&#251; &#238;&#238;j&#238; &#251;tw&#238;re &#251;r&#238; m&#251;geni.&#8221; 24Abrahamu arauga, &#8220;Nd&#238;g&#251;ci&#238;tia.&#8221;</div><div class="p"> 25Abrahamu aranung'una areera Abimeleki at&#238;r&#238;, &#8220;Nth&#251;&#251;mba ciaaku n&#238; intuuny&#238;te k&#238;thima.&#8221; 26Abimeleki aramw&#238;ra, &#8220;Ni ntiij&#238; &#251;r&#238;a &#251;thith&#238;tie &#251;nt&#251; b&#251;u. Gwe &#251;tamb&#238;&#238;ra, na n&#238; naarua nkwigua &#251;nt&#251; b&#251;u r&#238;a mbere.&#8221; 27Tont&#251; b&#251;&#251;, Abrahamu araj&#251;kia ng'ondu na ng'ombe, aranenkera Abimeleki, nabo barathithia k&#238;r&#238;kan&#238;ro. 28Ning&#238; Abrahamu arataara m&#238;at&#238; m&#251;gwanja aram&#238;&#238;ka mwanya na ng'ondu ing&#238;. 29Abimeleki arooria Abrahamu at&#238;r&#238;, &#8220;N&#238;mbi yat&#251;ma wath&#251;ra m&#238;at&#238; &#238;&#238;j&#238; m&#251;gwanja?&#8221; 30Abrahamu aramw&#238;ra, &#8220;&#219;r&#238;j&#251;kia m&#238;at&#238; &#238;&#238;j&#238; m&#251;gwanja n&#238;kenda waa m&#251;k&#251;&#251;j&#238; waakwa at&#238; n&#238; ni ndeenj&#238;re k&#238;thima g&#238;k&#238;.&#8221; 31Tont&#251; b&#251;&#251;, ant&#251; au areetwa Beerisheba n&#238;&#251;nt&#251; n&#238;o ant&#251; bau boba&#238;r&#238; beekan&#238;&#238;re m&#251;ci&#238;tio. 32Nabo baathiria k&#251;thith&#238;ria k&#238;r&#238;kan&#238;ro k&#251;u Beerisheba, Abimeleki na Fikoli m&#251;tongeeria wa nj&#251;&#251;r&#238; yaawe barook&#238;&#238;ra, baracoka nth&#238;g&#251;r&#251; ya Afilisti. 33Abrahamu n&#238; aand&#238;re m&#251;t&#238; jwa m&#251;rangi k&#251;u Beerisheba na arathaathayia MWATHANI, M&#251;rungu wa kenya na kenya ar&#238; ant&#251; au. 34Ning&#238; Abrahamu n&#238; aat&#251;&#251;r&#238;re ar&#238; m&#251;geni nth&#238;g&#251;r&#251; ya Afilisti &#238;giita r&#238;r&#238;raaja.</div>
 </div>
 </div>
</div>

KIMERU BIBLE WITH DC  ©Bible Society of Kenya, 2009, 218

MWATHANI nî aaririkanîre Sara aramûthithîria o ûrîa augîîte. Tontû bûû, Sara, ûkûrûûne bwaawe aragîa îu na araciara kaîjî, o rîrîa rîongwa Mûrungu eerîîrîte Abrahamu. Abrahamu areeta mwana ûu Isaaka. Abrahamu nî aataanîre Isaaka aakinyia ûkûrû bwa ntukû inyaanya, o ta ûrîa Mûrungu aamwîrîte. Abrahamu aarî na ûkûrû bwa mîaka îgana rîmwe (100) rîrîa mûtaana waawe Isaaka aaciarîrwe. Sara arauga, “Mûrungu agûmpa gîtûmi gîa kûtheka. Barîa bakaigua mantû jaja kinya bo bakaatheka amwe naani.” Ningî arauga atîrî, “Nûû ûrîngîkwîra Abrahamu atî Sara agoonkia twaana? Îndî ndîkûmûciarîra kaîjî ûkûrûûne bwaawe.”
Mwana ûu areeta na mbere gûkûra mwanka aratiga gwonka. Abrahamu arathithia kîatho gîkînene mono ntukû îrîa Isaaka aatigîre gwonka.

Ntukû îmwe Sara nî oonere mwana wa Hagari Mûmisri agîtindania na mûtaana waawe Isaaka. Tontû bûû, areera Abrahamu ûjû, “Înga mûka ûûjû nkombo amwe na mûtaana waawe, nîûntû mûtaana wa mûka ûûjû nkombo atîaa mûrîaûkua amwe na mûtaana waakwa Isaaka.” Ûntû bûu bûratûma Abrahamu aigua bûbûûî mono nîûntû Ishimaeli kinya we aarî mûtaana waawe. Îndî Mûrungu areera Abrahamu atîrî, “Tiga kwigua bûbûûî nîûntû bwa kaîjî kau gaaku kana wigua bûbûûî nîûntû bwa mûka nkombo ûu waaku. O bûrîa bunthe Sara agaakwîra, thithia bu, nîûntû nchiarwa cia Isaaka nîcio igatûûria riîtwa rîaaku. Mûtaana ûu wa mûka nkombo kinya we ngatûma aee mûgongo jûmûnene nîûntû kinya we nî mbeeû yaaku.”
Tontû bûû, Abrahamu arookîîra rûkîîrî kainda, arajûkia biakûrîa na kiujo kîa rûûjî kîaathithîtue na mûgûûta aranenkera Hagari. Ararîkîîra into biu amwe ituroone bia Hagari na aramûnenkeeria mwana na aramwîra aciîtîre. Hagari araciîtîra, areeta rwanda rwa Beerisheba. Rîrîa rûûjî rwathirîre kiujoone, Hagari areeka mwana antû amwe rungu rwa gîkamba, Nawe areeta arakara nthî gataaria ka mita mîrongo îthatû, kuuma arîa mwana aarî araambîrîria kûrîra akiuga atîrî, “Ntîûmîîria kwona mwana waakwa agîkua.”
Mûrungu nî aaigîrue kîrîro kîa mwana ûu. Mûraîka wa Mûrungu areeta Hagari kûûma îgûrû aramûûria, “Nîmbi îgûkûthangîkia? Ûgakîra nîûntû Mûrungu aakwigua kîrîro kîa mwana ûu arî o au arî. Ûkîîra ûjûkie mwana ûmûgwate, nîûntû nkaamwethia mûgongo jûmûnene.” Rîu Mûrungu aratûma Hagari aroona kîthima kîa rûûjî. Areeta aroojûria kiujo rûûjî, arakundia mwana. Mûrungu nî aamenyereere mwana ûu arakûra bwega. Aratûûra rwanda rwa Parani araa mûthoogi ûmûnene. Ng'ina aramûcwîra mwarî kuuma nthî ya Misri aramûgûra.

Naku nî gwakarîre atîrî, îgiiteene rîu Abimeleki barî na Fikoli, mûtongeeria wa njûûrî yaawe nî beerîre Abrahamu atîrî, “Mûrungu nî eethagîrwa arî amwe naagwe mantûûne jonthe jarîa ûthithagia. Tontû bûû, rî, nciîtîria nandî na riîtwa rîa Mûrungu uuge atî ûtîkorompaîria, kana waîria nchiarwa ciaakwa. Îndî o ta ûrîa ntwîre ndî mwîtîkua kîrî gwe, kinya gwe wîthîrwe ûrî mwîtîkua kîrî ni, na nthîgûrû îîjî ûtwîre ûrî mûgeni.” Abrahamu arauga, “Ndîgûciîtia.”
Abrahamu aranung'una areera Abimeleki atîrî, “Nthûûmba ciaaku nî intuunyîte kîthima.” Abimeleki aramwîra, “Ni ntiijî ûrîa ûthithîtie ûntû bûu. Gwe ûtambîîra, na nî naarua nkwigua ûntû bûu rîa mbere.” Tontû bûû, Abrahamu arajûkia ng'ondu na ng'ombe, aranenkera Abimeleki, nabo barathithia kîrîkanîro. Ningî Abrahamu arataara mîatî mûgwanja aramîîka mwanya na ng'ondu ingî. Abimeleki arooria Abrahamu atîrî, “Nîmbi yatûma wathûra mîatî îîjî mûgwanja?” Abrahamu aramwîra, “Ûrîjûkia mîatî îîjî mûgwanja nîkenda waa mûkûûjî waakwa atî nî ni ndeenjîre kîthima gîkî.” Tontû bûû, antû au areetwa Beerisheba nîûntû nîo antû bau bobaîrî beekanîîre mûciîtio. Nabo baathiria kûthithîria kîrîkanîro kûu Beerisheba, Abimeleki na Fikoli mûtongeeria wa njûûrî yaawe barookîîra, baracoka nthîgûrû ya Afilisti. Abrahamu nî aandîre mûtî jwa mûrangi kûu Beerisheba na arathaathayia MWATHANI, Mûrungu wa kenya na kenya arî antû au. Ningî Abrahamu nî aatûûrîre arî mûgeni nthîgûrû ya Afilisti îgiita rîrîraaja.

Makinig sa Kîam 21