If you have would like a copy of this version please contact info@davaraudiobibles.org

Punu Old Testament

<div class="version vid3415 iso6393puu" data-vid="3415" data-iso6393="puu">
 <div class="book bkGEN">
 <div class="chapter ch22" data-usfm="GEN.22">
 <div class="label">22</div><div class="s1">Abraham avu ukunsama uvagula Isaac pagu</div><div class="p"> 1Va julu mambu meni motsu Nsambi amaronda utsiyisa usigama uAbraham. Amamunengila rie: Abraham! Amawagula rie: Me&#700; jandu&#700;gu!</div><div class="p"> 2Nsambi amavosa rie: Bonga Isaac muana agu udibaala, muana agu divingu, muana agu guirondi puela; wenda o bulongu buMoria, aguna gumuvagulila pagu jiunyensa va julu mukongu agu nyugulonsa.</div><div class="p"> 3Abraham amarelama kedi jineni. Amariaba mikansu miuvagulila pagu jiunyensa, amalongila buru andi na amasogama uwenda o mbura ajimamulonsu. Amayenabega basalitsi babeji na Isaac muana andi udibaala. 4Yilumbu ayimurieru Abraham amabuaga misu na amalabilila mbura eni. 5Abraham amatsingula basalitsi bandi rie: Sialanu vava na buru, jetu na Isaac tuwenda te na gima uyesambila Nsambi mbana tugabuga ombu genu.</div><div class="p"> 6Abraham amabonga mikansu miuvagulila pagu, amamiwakisa muana andi Isaac, ja&#700; beni amabeganga muinda na dibaga, jogu botsu babeji bamawendanga va mosi. 7Mbana Isaac amanengila taji andi Abraham rie: Tata! Amawagula rie: Me jandu&#700;gu muana ami! Isaac amamuevosa rie: Muinda na mikansu nyilabi tumba yindombu yipagu jiunyensa yika?</div><div class="p"> 8Abraham amawagula rie: Muana ami Nsambi ja&#700; beni otuvega yindombu yipagu.</div><div class="p">Jogu botsu babeji bamawendanga va mosi. 9Ava bamatolila va mbura aji Nsambi amalonsa Abraham, Abraham amarunga yinyensulu yipagu na amadukasana mikansu. Amatunga Isaac muana andi udibaala makulu na miogu, amamusakiga va julu mikansu va yinyensulu yipagu. 10Mbana Abraham amasomuna dibaga diandi ubokila muana andi Isaac. 11Mbana yiansa yiFumu agumaba o julu amamunengila rie: Abraham! Abraham! Amawagula rie: Me&#700; jandu&#700;gu!</div><div class="p"> 12Yiansa yiFumu amavosa rie: Ledundati! Guyavayila muana agu diambu; dingensa nyimajaba guidumi Nsambi na gugaakwimina muana agu udibaala nesi divingu diagu.</div><div class="p"> 13Abraham amabuaga misu, amalaba mulumi-yindombu agumaba ukobama masiyi va diwansi o nsima andi; mbana Abraham amabonga mulumi-yindombu na amaguvagula pagu jiunyensa va yivinga yimuana andi udibaala. 14Abraham amaluga mbura eni rie: Fumu oyetuvega. La dibandu bevosili namunyi rie: O julu mukongu Fumu otuveganga.</div><div class="p"> 15Yiansa yiFumu agumaba o julu amanengila Abraham temu ajimubeji, 16na amavosa rie: Me&#700; beni aguvu Fumu nyilevi pesi rie: Mu mbari gutsidedila diufu diami na gugaakwimina muana agu udibaala nesi divingu diagu, 17nyugugabila miula na nyufunisa bategula bagu te na boba nana babuelili na nana yisieyi yidukueku dumubu; na bategula bagu boba balungitsi. 18Bisi malongu motsu bokwivula ubagabila miula nana nyimagugabila miula mu mbari nde&#700; gumadedila diufi diami.</div><div class="p"> 19Abraham amagabuga ombu basalitsi bandi, jogu botsu na Isaac bamarelama na bamagabuga va mosi o Bercheba; mu mbari Abraham amatsananga guna.</div><div class="p"> 20Mambu meni manovioga Abraham amagulu yiri Milka amaburila muana nguji andi Nahor baana bababaala: 21tsomi andi diina diandi Ous na yiduki yiandi Bouz; na Quemouel taji Aram; 22na Kessed na Hazo na Pildach na Yidlaf na Betouel. 23Betouel amabura Rebecca. Amana la miina mayinana yibaana bababaala baMilka aba amaburila Nahor, muana nguji Abraham. 24Mugatsi andi Reouma, ja&#700; wandi amamuburila baana: Teba na Gaham na Tahach na Maaka.</div>
 </div>
 </div>
</div>

La sainte Bible en langue Yipunu © Alliance Biblique du Cameroun, 1992.

Va julu mambu meni motsu Nsambi amaronda utsiyisa usigama uAbraham. Amamunengila rie: Abraham! Amawagula rie: Meʼ janduʼgu!
Nsambi amavosa rie: Bonga Isaac muana agu udibaala, muana agu divingu, muana agu guirondi puela; wenda o bulongu buMoria, aguna gumuvagulila pagu jiunyensa va julu mukongu agu nyugulonsa.
Abraham amarelama kedi jineni. Amariaba mikansu miuvagulila pagu jiunyensa, amalongila buru andi na amasogama uwenda o mbura ajimamulonsu. Amayenabega basalitsi babeji na Isaac muana andi udibaala. Yilumbu ayimurieru Abraham amabuaga misu na amalabilila mbura eni. Abraham amatsingula basalitsi bandi rie: Sialanu vava na buru, jetu na Isaac tuwenda te na gima uyesambila Nsambi mbana tugabuga ombu genu.
Abraham amabonga mikansu miuvagulila pagu, amamiwakisa muana andi Isaac, jaʼ beni amabeganga muinda na dibaga, jogu botsu babeji bamawendanga va mosi. Mbana Isaac amanengila taji andi Abraham rie: Tata! Amawagula rie: Me janduʼgu muana ami! Isaac amamuevosa rie: Muinda na mikansu nyilabi tumba yindombu yipagu jiunyensa yika?
Abraham amawagula rie: Muana ami Nsambi jaʼ beni otuvega yindombu yipagu.
Jogu botsu babeji bamawendanga va mosi. Ava bamatolila va mbura aji Nsambi amalonsa Abraham, Abraham amarunga yinyensulu yipagu na amadukasana mikansu. Amatunga Isaac muana andi udibaala makulu na miogu, amamusakiga va julu mikansu va yinyensulu yipagu. Mbana Abraham amasomuna dibaga diandi ubokila muana andi Isaac. Mbana yiansa yiFumu agumaba o julu amamunengila rie: Abraham! Abraham! Amawagula rie: Meʼ janduʼgu!
Yiansa yiFumu amavosa rie: Ledundati! Guyavayila muana agu diambu; dingensa nyimajaba guidumi Nsambi na gugaakwimina muana agu udibaala nesi divingu diagu.
Abraham amabuaga misu, amalaba mulumi-yindombu agumaba ukobama masiyi va diwansi o nsima andi; mbana Abraham amabonga mulumi-yindombu na amaguvagula pagu jiunyensa va yivinga yimuana andi udibaala. Abraham amaluga mbura eni rie: Fumu oyetuvega. La dibandu bevosili namunyi rie: O julu mukongu Fumu otuveganga.
Yiansa yiFumu agumaba o julu amanengila Abraham temu ajimubeji, na amavosa rie: Meʼ beni aguvu Fumu nyilevi pesi rie: Mu mbari gutsidedila diufu diami na gugaakwimina muana agu udibaala nesi divingu diagu, nyugugabila miula na nyufunisa bategula bagu te na boba nana babuelili na nana yisieyi yidukueku dumubu; na bategula bagu boba balungitsi. Bisi malongu motsu bokwivula ubagabila miula nana nyimagugabila miula mu mbari ndeʼ gumadedila diufi diami.
Abraham amagabuga ombu basalitsi bandi, jogu botsu na Isaac bamarelama na bamagabuga va mosi o Bercheba; mu mbari Abraham amatsananga guna.
Mambu meni manovioga Abraham amagulu yiri Milka amaburila muana nguji andi Nahor baana bababaala: tsomi andi diina diandi Ous na yiduki yiandi Bouz; na Quemouel taji Aram; na Kessed na Hazo na Pildach na Yidlaf na Betouel. Betouel amabura Rebecca. Amana la miina mayinana yibaana bababaala baMilka aba amaburila Nahor, muana nguji Abraham. Mugatsi andi Reouma, jaʼ wandi amamuburila baana: Teba na Gaham na Tahach na Maaka.

Makinig sa Dibandu 22