If you have would like a copy of this version please contact info@davarpartners.org

Text: Varhadi-Nagpuri New Testament, CC-BY-SA-4.0, The Love Fellowship. Audio: Varhadi-Nagpuri New Testament Audio Bible, CC-BY-SA-4.0, Davar Partners International, The Love Fellowship, 2022

Varhadi-Nagpuri New Testament

Varhadi (वऱ्हाडी) Bible by The Love Fellowship is licensed under Creative Commons Attribution-ShareAlike 4.0 License.

जवा हेरोद राजा यहुदीया प्रांतावर शासन करत होता, तवा येशूचा जन्म त्या प्रांताच्या बेथलहेम गावात झाला, तवा पूर्व दिशेतून बरेचं ज्योतिषी यरुशलेम शहरात येऊन विचारू लागले. “कि तो बाळ कुठसा हाय जो यहुदी लोकायचा राजा बनण्यासाठी जन्मला हाय? कावून कि आमी पूर्वे दिशेस त्याचा जन्माचा तारा पावून त्याले नमन कऱ्याले आलो हावो.”
यहुदियाचा राजाच्या जन्माच्या बाऱ्यात आयकून हेरोद राजा अन् त्याच्या सोबत यरुशलेम शहरातले लय लोकं घाबरून गेले होते. अन् त्यानं लोकायच्या सर्व मुख्ययाजक अन् मोशेच्या नियमशास्त्राच्या शिक्षकायले जमा करून त्यायले विचारलं, कि पवित्रशास्त्रात लिवलेल्या प्रमाणे “ख्रिस्ताचा जन्म कुठसा व्हायला पायजे?” तवा त्यायनं त्याले म्हतलं कि, “ख्रिस्ताचा जन्म या यहुदीया प्रांताच्या बेथलहेम गावात होईन,” कावून कि भविष्यवक्ता मिकाने बऱ्याचं वर्षा पयले असं लिवलेल हाय जे देवानं म्हतलं होतं.
“हे यहुदाच्या प्रांतातल्या बेथलहेम गावातल्या लोकायनो तुमी कोण्याही रीतीने यहुदा प्रांताच्या अधिकाऱ्याहून लहान नाई, तुमच्यातून एक माणूस येईन, जो शासक बनीन, जो माह्या इस्राएल देशाच्या प्रजेले संभाळीन.” तवा हेरोद राजाने त्या जन्मलेल्या बाळाचे वय माईत कऱ्यासाठी असं केलं कि, त्यानं ज्योतिषी लोकायले गुप्तपणे बलाऊन त्यायले विचारू लागला, कि तारा ठिक कोणत्या वाक्ती दिसून आला होता. अन् त्यानं हे सांगून ज्योतीष्यायले बेथलहेम गावात पाठवलं, “कि जाऊन त्या बाळाच्या बद्दल ठिक-ठिक माईती विचारपूस करा, अन् जवा तुमी त्याले शोधाल तवा मले येऊन कळवा म्हणजे मी हि त्याले येऊन नमन करीन.”
ते राज्याचे सांगण आयकून चालले गेले, अन् रस्त्यात तोच तारा पायला जो त्यायनं पूर्व दिशेत पायला होता, जवा त्यायन पायलं, तवा ते लय आनंदित झाले. हा तारा त्यायच्या समोर-समोर जात होता, जोपर्यंत तो तारा त्या जागे पर्यंत नाई थांबला जती बाळ होता. अन् तो तारा पाऊन त्यायले लय मोठा आनंद झाला.
अन् त्या घरात जाऊन त्यायन त्या बाळाले त्याच्यावाल्या माय मरियाच्या पासी पायलं, अन् खाली झुकून त्याले नमन केलं. अन् आपली-आपली थयली खोलून, त्याले सोनं, अन् सुगंधित लोबान जे लय किंमतीवान होतं, अन् गंधरस हे भेट देली. अन् त्यायन वापस हेरोद राजापासी नाई जावं, अशी स्वप्नात सूचना झाल्याच्यान त्यायन राजाले सूचना नाई देली, अन् दुसऱ्या रस्त्याने आपल्या देशात वापस चालले गेले.

मंग ते गेल्यावर देवाचा एका देवदूतान योसेफाच्या सपनात येऊन म्हतलं, “कि उठ अन् त्या बाळाले अन् त्याच्यावाल्या मायले घेऊन मिस्र देशात पऊन जाय, अन् जोपर्यंत मी तुले म्हणत नाई तत पर्यंत ततीसाच रायजो, कावून कि या बाळाले माऱ्याले हेरोद राजा पाऊन रायला हाय.”
तवा तो रात्रीचं उठून लेकराला अन् त्याच्यावाल्या मायले घेऊन मिस्र देशात निघून गेला. अन् हेरोद राजा मरेपरेंत ते मिस्र देशातच रायले, ह्याच्यासाठी कि, जे वचन देवानं भविष्यवक्ता होसेच्या इकडून लय पयले म्हतलं होतं, ते पूर्ण व्हावं, “मी आपल्या पोराले मिस्र देशातून बलावलं”

राजा हेरोद रागानं भरला, जवा त्याले हे माईत झालं, कि ज्योतिषी लोकायन आपल्याले फसवलं हाय, हे पाऊन हेरोद राजानं आपल्या सैनिकायले पाठवलं, कि जाऊन बेथलहेम गावात अन् त्याच्या आजूबाजूच्या सर्व पोरायले मारून टाका, जे दोन वर्षाचे अन् त्याच्याऊन कमी वयाचे होते. हे ज्योतिषी कडून ताऱ्याले सर्वात पयल्या वेळा दिसल्याच्या विवर्णावर आधारित होतं.
तवा जे वचन यिर्मया भविष्यवक्त्याच्या व्दारे देवानं जे पवित्रशास्त्रात सांगतले होते, ते पूर्ण झाले लोकायनो “रामा नगरात कोणाची तरी रडण्याचा आवाज आयकू आला, राहेल आपल्या लेकरायसाठी दुख करत होती, अन् शांत होतं नव्हती, कावून कि ते मेले होते.”

मंग पाहा, हेरोद राजा मेल्यावर देवाच्या देवदूतान मिस्र देशात योसेफले सपनात येऊन म्हतलं, “कि उठ, बाळाले अन् त्याच्यावाल्या मायले घेऊन इस्राएल देशात चालला जा, कावून कि राजा हेरोद अन् त्याचे लोकं, जे बाळाले जीवाने माऱ्यासाठी पायत होते ते मेले हायत.” अन् तवा तो उठला अन् त्या बाळाले व त्याच्या मायले संग घेऊन मिस्र देशाले सोळून इस्राएल देशात निघून गेले.
पण जवा योसेफन आयकलं, कि अरखीलाउस आपला बाप हेरोद राजाच्या जागी यहुदीया प्रांतावर राज्य करत हाय, म्हणून तती जायाले भेला, अन् सपनात देवापासून त्याले चेतावणी भेटली, तवा तो गालील प्रांतात निघून गेला. अन् तो नासरेतनावाच्या नगरात जाऊन रायला, कावून कि देवाचं ते वचन पूर्ण व्हावं, जे भविष्यवक्त्यायच्या व्दारे येशूच्या बाऱ्यात सांगतल होते, कि “त्याले नासरत नगरातला म्हतल्या जाईन.”

Makinig sa मत्तय 2