If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkLUK">
 <div class="chapter ch6" data-usfm="LUK.6">
 <div class="label">6</div><div class="s">Ikotelo ighulu ya Sabato</div><div class="r">(Matayo 12:1-8; Marko 2:23-28)</div><div class="p"> 1Nao ijua imoju lya Sabato ilyi Jesu eluo keita kele mbuwa za ngano, wairimi wake wakatema vanga va ngano wakasusa wakalya. 2Ela Wafarisayo wamoju wakawauza, &#8220;Kudani mudeagha malagho gharighidogho ijua lya Sabato?&#8221; 3Jesu kawatumbulila, &#8220;Ado simushomile selyi Daudi adeile ilyi iye na wale wekezanye weshahilo ni njala? 4Ongilile kele nyumba ya Mlungu, kausa mikate iikilo kwa Mlungu, kalya, na sena kawahawa walye wekezanye naye. Ela yanarighidogho kulyigho ni mundungi sala wakohani wenyi.&#8221; 5Naye kawauza, &#8220;Mwana wa Mdamu niye Bwana wa Sabato.&#8221;</div><div class="s">Mundu eluo na mkonu ghopooza</div><div class="r">(Matayo 12:9-14; Marko 3:1-6)</div><div class="p"> 6Nao Sabato nzima, aghenda angila kele sinagogi kufundisa, koluo na mundu alye eluo na mkonu ghwa kijo ghopooza. 7Nawo walimu wa Sheria na Wafarisayo wakamlolila ngera umuboesagha ijua lya Sabato eri wapate chausa chemshitaki. 8Ela Jesu kemanya maririkanyo ghawe, kamuza ulya mundu wa mkonu ghopooza, &#8220;Njuu ukale kimusi aha.&#8221; Naye kauka kakala kimusi alye. 9Nao Jesu kawauza, &#8220;Nendemkotela, Ije kwanarighidogho kudea ghaloli ango ghawase ijua lya Sabato, kukiza ango kuhaitisa?&#8221; 10Nao kawazighana wose, nama kamuza ulya mundu, &#8220;Ghorora mkonu ghwako.&#8221; Naye kaghughorora ghukabowa. 11Ela wakawasilo na ndighi; wakadea njama ya selyi wemdeagha Jesu.</div><div class="s">Jesu kusaghula Watumo ikumi na waili</div><div class="r">(Matayo 10:1-4; Marko 3:13-19)</div><div class="p"> 12Nao ngelo ilya Jesu kajoka mghondini kulomba, naye kalomba Mlungu kiro chee. 13Nao kuela, kawapang'a wairimi wake, kusaghula ikumi na waili, kawaita watumo; 14Simoni (kamwita Petro) na Andrea wakwawe, Jakobo na Johana, Filipo na Bartholomayo, 15Matayo na Thoma, Jakobo mwana wa Alfayo, na Simoni eluo keito Zelote, 16Juda mwana wa Jakobo na Juda Iskariote, uyu amufunyile.</div><div class="s">Jesu kufundisa na kuboesa</div><div class="r">(Matayo 4:23-25)</div><div class="p"> 17Nao Jesu aghenda ajika kufuma mghondini, kakala kimusi kirindini ngila mojori na makoghano gha wairimi wake na wandu wengi kufuma Jerusalemu na Judea, na kufuma mizi ya pwani ya Tiro na Sidoni, wejile wamsikizile na waboeso makongo ghawe. 18Na walye weluo wekesirimiso ni pepo wakaboeso. 19Na wandu wose weshaile kumwata, kwani ndighi zeluo zikemfuma na kuwaboesa wose.</div><div class="s">Maboelo na furuse</div><div class="r">(Matayo 5:1-12)</div><div class="p"> 20Nao Jesu kawaghalukila wairimi wake, kaghora,</div><div class="q1">&#8220;Baha inyo muo wakiwa ndamu,</div><div class="q1">Kwani Uzuri ghwa Mlungu ni ghwenyu.&#8221;</div><div class="q1"> 21Baha inyo muo na njala ndamu,</div><div class="q1">kwani mjeghutiso.</div><div class="q1">Baha inyo mlilagha ndamu,</div><div class="q1">kwani mjeseka.</div><div class="p"> 22&#8220;Baha inyo mumenyogho ni wandu na kulegho, wekemsholela na kumghora laghelaghe kwa undu ghwa Mwana wa Mdamu. 23Boeloni ngelo iyo muvine kwa kuboelo, kwani muwo na inosi ibwaa mlunguni, kwa kukala niko kwenyi wana akee wawadeilile wana tondolo.&#8221;</div><div class="q1"> 24&#8220;Ela ni bugha kwenyu inyo wazuri, kwani mwapata usaruso ghwenyu.</div><div class="q1"> 25Ni bugha kwenyu inyo mughutagha, kwani mujeona njala.</div><div class="q1">Ni bugha kwenyu inyo musekagha ndamu, kwani mujelila na kushighira.&#8221;</div><div class="p"> 26&#8220;Ni bugha kwenyu inyo mulikogho ni wandu wose, kwani niko kwenyi wana akee wedeile kwa wana tondolo wa ndimi.</div><div class="s">Kuwashaya wamaiza</div><div class="r">(Matayo 5:38-48; 7:12a)</div><div class="p"> 27&#8220;Ela namuza inyo munisikizilagha: Washaeni wamaiza wenyu; wadeileni kirani awa wemumenyagha. 28Wabarikieni awa wamwanyizagha, walombeleni awa wemutukanagha. 29Ngera mundungi akubahala idumbu, mghalulile lyilya idumbu imoju na lyose. Naye mundu kakusoka ikoti lyako, muhawe shati yako nayose. 30Mhawe kila mundu ekulombagha na uyo wose eusagha vindu vako swalombe akuujile sena. 31Wadeileni wandu wazima selyi mushaile wamudeile inyo.</div><div class="p"> 32&#8220;Na ilyi mwawashaya awa wamushaile, mwapata kimuni? Hata wakaung'a wanashaya walye wawashaile. 33Na ilyi mwadea kirani kwa walye wamudeilagha kirani mpatagha kimuni? Hata wakaung'a wanadeagha ukwenyi. 34Na ilyi mwakopesha walye muririkanyagha wemulipagha, mwapata kimuni? Hata wakaung'a wakopesha wakaung'a eri waujisilo zose. 35Ela washaeni wamaiza wenyu, na muwadeile kirani, kopesheni na simwakoseree kuujisilo, nenyo mjepata manosi mabwaa mlunguni, na mujekala wana wa Mlungu wa Ighulu. Kwani ni waloli kwa awa siweo na asanta na walaghelaghe. 36Kaleni na mbazi selyi Tatio wenyu ewo na mbazi.</div><div class="s">Kutaghanya wazima</div><div class="r">(Matayo 7:1-5)</div><div class="p"> 37&#8220;Simwataghanye wambenyu, nenyo simwejetaghanyo, simwamenyese, nenyo simojemenyeso, fwileni waya, nenyo mujefwilo waya. 38Wahaweni wandu, nenyo mujehawo, kipimo chaloli chisindililo, chishegheshogho na chitikatikagha mbali, mjehawo mikonuni kwenyu. Kwani kipimo mupimagha nicho chenyi mujepimilo.&#8221;</div><div class="p"> 39Nao Jesu kawaghorera ikataniso ilyi, &#8220;Mundu kifondo wadima kumlongoza mumbawe kifondo? Wose waili siwengilagha kele kina? 40Uyu efundiso sedimagha kukatana na mwalimu wake; ela ilyi amalila mafundiso, ukatanagha na mwalimu wake. 41Kudani ulolagha kilaghulu chio kele iziso lya wakwenyu, ela somanyagha gha kigogo chio kele iziso lyako? 42Umuza ije wakwenyu, &#8216;Dea nikufunye kilaghulu chio kele iziso lyako,&#8217; nawe mwenyi uwo na kigogo kele iziso lyako? Mundu wa ngolo mbili uwe, funya jako kigogo chio kele iziso lyako, nao uone kirani kufunya kilaghulu chio kele iziso lya wakwenyu.</div><div class="s">Mwiti na mavalo ghake</div><div class="r">(Matayo 7:16-20; 12:33-35)</div><div class="p"> 43&#8220;Mwiti ghwaloli sighudimagha kuvala mavalo ghawase, hata mwiti ghuwase sighudimagha kuvala mavalo ghaloli. 44Kwani kila mwiti ghwanamanyikanagha kwa mavalo ghake; simudimagha kuwaha tini kele miya hata zabibu kele mundalendale. 45Mundu waloli kele uloli ghwake wafunya ghaloli gheo ngoloni kwake, na mundu wa laghelaghe kwa ulaghelaghe ghwake wafunya ulaghelaghe ghujule ngoloni kwake. Kwani mulomu ghwaghora agha gheo ngoloni kwake.</div><div class="s">Wawaghali waili</div><div class="r">(Matayo 7:24-27)</div><div class="p"> 46&#8220;Kudani muniitagha, &#8216;Bwana, Bwana&#8217; na simodeagha selyi nighoragha? 47Uwo wose ekujagha kwangu na kusikila malagho ghangu na kughadea, nimwonyezagha selyi ewo. 48Ni karakara na mundu ewaghalagha nyumba, akotile mweni na kuwaghala msingi kele lwala. Nao mweta ghuruka, ghukaikwita ilya nyumba hata siinyavurike, kwa kukala yewaghalo lwaleni. 49Ela uyu sesikilagha na kughadea ufwanana na mundu awaghale nyumba yake msangeni siyewesi msingi. Nao mweta ghuruka, ghukaikwita ikagwa, na kugwa kwake koluo kubwaa!&#8221;</div>
 </div>
 </div>
</div>

Nao ijua imoju lya Sabato ilyi Jesu eluo keita kele mbuwa za ngano, wairimi wake wakatema vanga va ngano wakasusa wakalya. Ela Wafarisayo wamoju wakawauza, “Kudani mudeagha malagho gharighidogho ijua lya Sabato?” Jesu kawatumbulila, “Ado simushomile selyi Daudi adeile ilyi iye na wale wekezanye weshahilo ni njala? Ongilile kele nyumba ya Mlungu, kausa mikate iikilo kwa Mlungu, kalya, na sena kawahawa walye wekezanye naye. Ela yanarighidogho kulyigho ni mundungi sala wakohani wenyi.” Naye kawauza, “Mwana wa Mdamu niye Bwana wa Sabato.”


Nao Sabato nzima, aghenda angila kele sinagogi kufundisa, koluo na mundu alye eluo na mkonu ghwa kijo ghopooza. Nawo walimu wa Sheria na Wafarisayo wakamlolila ngera umuboesagha ijua lya Sabato eri wapate chausa chemshitaki. Ela Jesu kemanya maririkanyo ghawe, kamuza ulya mundu wa mkonu ghopooza, “Njuu ukale kimusi aha.” Naye kauka kakala kimusi alye. Nao Jesu kawauza, “Nendemkotela, Ije kwanarighidogho kudea ghaloli ango ghawase ijua lya Sabato, kukiza ango kuhaitisa?” Nao kawazighana wose, nama kamuza ulya mundu, “Ghorora mkonu ghwako.” Naye kaghughorora ghukabowa. Ela wakawasilo na ndighi; wakadea njama ya selyi wemdeagha Jesu.


Nao ngelo ilya Jesu kajoka mghondini kulomba, naye kalomba Mlungu kiro chee. Nao kuela, kawapang'a wairimi wake, kusaghula ikumi na waili, kawaita watumo; Simoni (kamwita Petro) na Andrea wakwawe, Jakobo na Johana, Filipo na Bartholomayo, Matayo na Thoma, Jakobo mwana wa Alfayo, na Simoni eluo keito Zelote, Juda mwana wa Jakobo na Juda Iskariote, uyu amufunyile.


Nao Jesu aghenda ajika kufuma mghondini, kakala kimusi kirindini ngila mojori na makoghano gha wairimi wake na wandu wengi kufuma Jerusalemu na Judea, na kufuma mizi ya pwani ya Tiro na Sidoni, wejile wamsikizile na waboeso makongo ghawe. Na walye weluo wekesirimiso ni pepo wakaboeso. Na wandu wose weshaile kumwata, kwani ndighi zeluo zikemfuma na kuwaboesa wose.


Nao Jesu kawaghalukila wairimi wake, kaghora,
“Baha inyo muo wakiwa ndamu,
Kwani Uzuri ghwa Mlungu ni ghwenyu.”
Baha inyo muo na njala ndamu,
kwani mjeghutiso.
Baha inyo mlilagha ndamu,
kwani mjeseka.
“Baha inyo mumenyogho ni wandu na kulegho, wekemsholela na kumghora laghelaghe kwa undu ghwa Mwana wa Mdamu. Boeloni ngelo iyo muvine kwa kuboelo, kwani muwo na inosi ibwaa mlunguni, kwa kukala niko kwenyi wana akee wawadeilile wana tondolo.”
“Ela ni bugha kwenyu inyo wazuri, kwani mwapata usaruso ghwenyu.
Ni bugha kwenyu inyo mughutagha, kwani mujeona njala.
Ni bugha kwenyu inyo musekagha ndamu, kwani mujelila na kushighira.”
“Ni bugha kwenyu inyo mulikogho ni wandu wose, kwani niko kwenyi wana akee wedeile kwa wana tondolo wa ndimi.


“Ela namuza inyo munisikizilagha: Washaeni wamaiza wenyu; wadeileni kirani awa wemumenyagha. Wabarikieni awa wamwanyizagha, walombeleni awa wemutukanagha. Ngera mundungi akubahala idumbu, mghalulile lyilya idumbu imoju na lyose. Naye mundu kakusoka ikoti lyako, muhawe shati yako nayose. Mhawe kila mundu ekulombagha na uyo wose eusagha vindu vako swalombe akuujile sena. Wadeileni wandu wazima selyi mushaile wamudeile inyo.
“Na ilyi mwawashaya awa wamushaile, mwapata kimuni? Hata wakaung'a wanashaya walye wawashaile. Na ilyi mwadea kirani kwa walye wamudeilagha kirani mpatagha kimuni? Hata wakaung'a wanadeagha ukwenyi. Na ilyi mwakopesha walye muririkanyagha wemulipagha, mwapata kimuni? Hata wakaung'a wakopesha wakaung'a eri waujisilo zose. Ela washaeni wamaiza wenyu, na muwadeile kirani, kopesheni na simwakoseree kuujisilo, nenyo mjepata manosi mabwaa mlunguni, na mujekala wana wa Mlungu wa Ighulu. Kwani ni waloli kwa awa siweo na asanta na walaghelaghe. Kaleni na mbazi selyi Tatio wenyu ewo na mbazi.


“Simwataghanye wambenyu, nenyo simwejetaghanyo, simwamenyese, nenyo simojemenyeso, fwileni waya, nenyo mujefwilo waya. Wahaweni wandu, nenyo mujehawo, kipimo chaloli chisindililo, chishegheshogho na chitikatikagha mbali, mjehawo mikonuni kwenyu. Kwani kipimo mupimagha nicho chenyi mujepimilo.”
Nao Jesu kawaghorera ikataniso ilyi, “Mundu kifondo wadima kumlongoza mumbawe kifondo? Wose waili siwengilagha kele kina? Uyu efundiso sedimagha kukatana na mwalimu wake; ela ilyi amalila mafundiso, ukatanagha na mwalimu wake. Kudani ulolagha kilaghulu chio kele iziso lya wakwenyu, ela somanyagha gha kigogo chio kele iziso lyako? Umuza ije wakwenyu, ‘Dea nikufunye kilaghulu chio kele iziso lyako,’ nawe mwenyi uwo na kigogo kele iziso lyako? Mundu wa ngolo mbili uwe, funya jako kigogo chio kele iziso lyako, nao uone kirani kufunya kilaghulu chio kele iziso lya wakwenyu.


“Mwiti ghwaloli sighudimagha kuvala mavalo ghawase, hata mwiti ghuwase sighudimagha kuvala mavalo ghaloli. Kwani kila mwiti ghwanamanyikanagha kwa mavalo ghake; simudimagha kuwaha tini kele miya hata zabibu kele mundalendale. Mundu waloli kele uloli ghwake wafunya ghaloli gheo ngoloni kwake, na mundu wa laghelaghe kwa ulaghelaghe ghwake wafunya ulaghelaghe ghujule ngoloni kwake. Kwani mulomu ghwaghora agha gheo ngoloni kwake.


“Kudani muniitagha, ‘Bwana, Bwana’ na simodeagha selyi nighoragha? Uwo wose ekujagha kwangu na kusikila malagho ghangu na kughadea, nimwonyezagha selyi ewo. Ni karakara na mundu ewaghalagha nyumba, akotile mweni na kuwaghala msingi kele lwala. Nao mweta ghuruka, ghukaikwita ilya nyumba hata siinyavurike, kwa kukala yewaghalo lwaleni. Ela uyu sesikilagha na kughadea ufwanana na mundu awaghale nyumba yake msangeni siyewesi msingi. Nao mweta ghuruka, ghukaikwita ikagwa, na kugwa kwake koluo kubwaa!”

Makinig sa Luka 6