Gereja Firman Allah, Yayasan Misi Masyarakat di Pedalaman

O Matiusu ai buku ma hitararono
Una wotuli-tulihi: O Matiusu abe una womatengo yangimoi de yahinootoino abe iwitobanii-niiki o Yesusu. De o Matiusu una gea ai romanga moioli abe iwihiromanga o Lewi.
O Matiusu ai buku ma dumutu: O Yahudi ma nyawaika
Ma oraha wotulihi: Ma taongo 61-69
Ma buku ma titi abe ka enangohi ikurutiye: O Matiusu una o Yahudi ma nyawa de ai demoka hamake abe una duru woigo wonadotoko ma titi abe o Yesusu wagoungu wodadi Ma Jou ai Mesia abe ma dihiraino de wonahibehehongoka ngoneino. Ho naga ai demoka ma ngoe abe wonahingahu abe o Yesusu ai datorino gea de wohingodumu Ma Jou ai Demo-demo abe ma dodihiraino de Ma Jou ai uru ma dodofanga ihitulihukuoka. Masara nagali abe wonadotoko wato o Yesusu Una gea o nyawa mata-mata manga Duduhunu, ho ko ma titiua to Yahudi ma nyawa dika manga Mesia.
Ma hitararono utuoli: Abe ma oraha o Matiusu ko iwihiorikuahi o Yesusu de una wotobagahoko o pajaka ma tiwi o Isiraele ma nyawaino. De to una ai romanga hinooto, abe moi iwiahoko o Matiusu de moioli iwihiromanga o Lewi. Masara de ahao nanga Baluhu idodutu wiahoko unangika la ka idadi witobaniiki Unangika ho wodadi o Yesusu ai dodiawo abe yangimoi de yahinootoino. De o Matiusu una ka ihikaika naga winii-niiki o Yesusu ka hiadono ma oraha o nyawa iwihohonenge nanga Baluhika, ho o Matiusu duru wohioriki o Yesusu ai wowango ma datoro de to Una ai dodotoko ma demo, de gea ma titi hiadono ka idadi una wohitulihuku o Yesusu ai wowango ma ade-ade naa. De to una ai hininga ma dumutu la ai bukuino de ka idadi wonahimatoko ngoneino abe o Yesusu Una duru wagou-goungu wodadi Ma Jou ai Mesia abe ma dodihiraino de Ma Jou o Baba wahibehehongoka ai nyawa o Isiraele ma nyawaika. Ho gea o Yesusu wodadioka o Isiraeloka manga Koano abe Una o Dautu ai totoforaukuino womaboa.
De ai buku ma demoino naa de o Matiusu wonahingahu ma titi o Yesusu ai totofora ma gegetongo abe ma dodihiraka ma oraha o Abarahaama de auku ka hiadono o Yusupu abe o ngo Maria ami rokata. De nagali abe o Matiusu wonahingahu ma titi hokokia idadi hiadono o Yesusu womaboa o duniauku naa. De ahao ma oraha wobaluhiye de o Matiusu woade-ade abe hokokia o Yohanese wiohiki o Yesusika, de woade-adeoo ai wowango ma datoro abe ai heheranga de ai dodotoko kohangoe wahimatoko o nyawaika. De ka hiadono o Yesusu ai gahe adonoka de genangoo woade-ade abe hokokia iwihohonenge de ipahaino hokokia womomiki ai honengino.
Ho o Matiusu ai demoino naa de ma ngoe hamake abe duru woigo wahigaro ai gogianongoru o Isiraele ma nyawa la wato ona iwidafongo o Yesusika. De unangoo woigo la o nyawa mata-mataika iwingaku abe o Yesusu wagoungu wodadioka to ona manga Duduhunu abe Ma Jou wihidingoto onangika la ka idadi wahihohe manga howo-howonino.

O Matiusu ai buku ma titi ma hiaturu
Ma Jou ai Mesia o Yesusu woboa o duniauku de womulaenge waleleani o nyawaika 1:1—4:25
1:1-17 O Yesusu ai totofora manga roma-romanga de manga lape-lapeuku
1:18-25 Abe ma titi o Yesusu womaboa
2:1-12 Ona yososawaro o murumu ma dodagi iwitutumu o Yesusu
2:13-18 O Yesusu iwihiloara o Mesiiri ma tonakika
2:19-23 O Yusupu de o ngo Maria yomaturuuru o Nasarete ma kapongika
3:1-12 Abe ma titi o Yohanese Wotobaohi-ohiki
3:13-17 O Yohanese wiohiki o Yesusu
4:1-11 O Ibilihi ma haeke iwitaili o Yesusika
4:12-17 O Yesusu womulaenge wahingahu-ngahu Ma Jou ai hininga o Galilea ma tonakoka
4:18-25 O Yesusu wahoko yaruata yotobahoma-homa o nawoko la iwinii-niiki Unangoli
Ma Jou ai Mesia ai dodotoko o lokuoka 5:1—7:29
5:1-12 O Yesusu o loku ma geleforino de wadotoko o nyawaika
5:13 O Yesusu wahiketero ona iwinii-niiki wato ona hoka o gahi o duniaika
5:14-16 O Yesusu wahiketero ona de o dararono o dunia ma nyawaika
5:17-20 O Yesusu wadotoko onangika ma titi o Musa ai Pareta
5:21-26 O Yesusu wadotoko onangika ma titi o ngamo
5:27-30 O Yesusu wadotoko onangika ma titi o howono nanga badangoka
5:31-32 O Yesusu wadotoko onangika ma titi manga ngo-ngolukino
5:33-37 O Yesusu wahitiari onangika ma titi manga behehongo ma hikoboto ma demo
5:38-42 O Yesusu wadotoko onangika ma titi manga hibalaha kiani hokokia onangika abe yodiai itorou
5:43-48 O Yesusu wadotoko onangika ma titi kiani yadora manga musuika
6:1-4 O Yesusu wadotoko onangika abe ma titi hokokia yaduhunu o huha ma nyawaika
6:5-15 O Yesusu wadotoko onangika abe ma titi hokokia yomaniata
6:16-18 O Yesusu wadotoko onangika abe ma titi hokokia yopuaha
6:19-34 O Yesusu wadotoko onangika abe ma titi Ma Jou ai hidailako ngoneino
7:1-5 O Yesusu wadotoko onangika abe wato ufa yomaketehohowono
7:6 O Yesusu wadotoko onangika abe wato ngaro ufa Ma Jou ai Demo-demo yadotoko o nyawaika nako o nyawa gea yahohedu dika enangika
7:7-11 O Yesusu wadotoko onangika abe ma titi hokokia yomagahoko Ma Jouika
7:12 O Yesusu wadotoko onangika abe ma titi hokokia yomakao irahai
7:13-14 O Yesusu wadotoko onangika abe ma titi nanga wowango ma ngekomo naga hinooto
7:15-20 O Yesusu wahitiari onangika abe ma titi ona o ngelu-ngeluku yotobadotoko
7:21-23 O Yesusu wahitiari onangika abe ma titi o nyawa ko yagou-goungua iwiniiki Ma Jou
7:24-29 O Yesusu wadotoko onangika abe ma titi hokokia yodafongo ai dodotoko ma demoika gea
Ma Jou ai Mesia ai kuaha womahimatoko o nyawaika 8:1—9:38
8:1-4 Womatengo iwipado de o Yesusu wihitogumu unangika
8:5-13 O Yesusu wihitogumu o tentara manga haeke ai duduhunu
8:14-17 O Peturusu ngoi toroa de o nyawa utu manga ngoe o Yesusu wahikokitogumu
8:18-22 Abe ma titi o nyawa manga wowango ma kangela hokokia nako o Yesusu iwinii-niiki
8:23-27 O rato o Yesusu wohitogumu
8:28-34 O nauru yahinooto yakokitokata de o Yesusu wahititoko
9:1-8 Naga o nyawa womatengo wolugu de o Yesusu wihitogumu unangika
9:9-13 O Yesusu wiahoko o Matiusu la witobaniiki de Unangoo wadodiawo o howo-howono ma nyawaika
9:14-17 O Yesusu wahitararono abe ko idadiua manga hirahi ma dodotoko imakasapuru de to Unangoli ai dodotoko ma hungi gea
9:18-26 O Yesusu womihimomiki momatengo mohonengoka de womihitogumu momatengoli abe duru mokangela
9:27-31 O nauru yahinooto yorafi-rafi de o Yesusu wahitogumu onangika
9:32-34 Womatengo womou-mou de iwibare-barene de o Yesusu wihitogumu unangika
9:35-38 O nyawa ka yokurangohi abe yomahikarajaanga moi de de o Yesusu
Ma Jou ai Mesia wahidingoto iwinii-niiki la yahingahu-ngahu o Abari ma Rorahai 10:1-42
10:1-15 O Yesusu wahibehehongo ona o hidingoto ma nyawa yangimoi de yahinootoika
10:16-33 O Yesusu wahitiari abe ahao Ma Jou ai nyawa o kokangela yaohana
10:34-39 O Yesusu wahingahu abe ahao o nyawa yomaketeribuutu ma titi Una
10:40-42 Onagona dika yaduhunu o Yesusu iwitobanii-niikika ona gea ahao yamake ma owa Ma Jouino
O nyawa iwilawana Ma Jou ai Mesiaika 11:1—12:50
11:1-6 Ona iwitobaniiki o Yohanese Wotobaohi-ohiki yoboa de yomakoketemo de o Yesusu
11:7-19 O Yesusu wahitararono ma titi o Yohanese ai wowango
11:20-24 O Yesusu wahingahuohi ma titi Ma Jou ai hohowono onangika abe ko iwingaku-ngakua
11:25-30 O Yesusu womaniata ai Babaiye de ahao wahoko o nyawa la iwinii-niiki Unangika
12:1-8 O Hiaini ma wangeoka de iwinii-niiki youtuku o redi ma hofokino
12:9-14 Womatengo ai giama iheluku o Yesusu wihitogumu o Hiaini ma wangeoka
12:15-21 Abe ma titi o Yesusu wileleani Ma Jouika de ai hininga ma dodipokouku
12:22-32 Ka o Yesusohi ai kuaha ilamoko nako de o Ibilihi ma haeke
12:33-37 Abe ma titi nanga uru ma demo de nanga wowango ma datoro gea imaketero de o gota ma hofoko
12:38-45 O nyawa yogahoko o Yesusika la wahimatoko o heheranga ma dodunguu
12:46-50 Abe ma titi o Yesusu ngoi meme de ai doo-dodoto idodutu
Ma Jou ai Mesia ai hiketero ma ade-ade 13:1-58
13:1-17 O Yesusu ai hiketero ma ade-ade abe womatengo o bibiti wohibarihi
13:18-23 O Yesusu ai hiketero ma ade-ade ma hitararono abe womatengo o bibiti wohibarihi
13:24-30 O Yesusu ai hiketero ma ade-ade abe ma titi o pine de o ruruubu
13:31-32 O Yesusu ai hiketero ma ade-ade abe ma titi o gauku moi
13:33 O Yesusu ai hiketero ma ade-ade moioli abe ma titi Ma Jou wahikoano ai nyawa
13:34-35 Abe ma titi o Yesusu ka ihikaika wapake o hiketero ma ade-adeino
13:36-43 O Yesusu wahitararono ma titi ma pine de ma ruruubu ma hiketero
13:44 O hiketero abe ma titi o kiahonanga ihali-hali agogonoka
13:45-46 O hiketero abe ma titi o biagaro ma hakaru ma hohailoa
13:47-50 O hiketero abe ma titi o homa moi aomangoka de o nawoko
13:51-52 O hiketero abe inahigaro la homadotoko hiadono nanga tobahioriki ingodumu
13:53-58 O Nasarete ma nyawa iwioluku o Yesusika
Ma Jou ai Mesia wotagi-tagi de watobadoto-dotoko o nyawaika 14:1—18:35
14:1-12 O Yohanese Wotobaohi-ohiki iwitoma
14:13-21 O Yesusu wahiolomo o nyawa yasana motoa yofoloi
14:22-33 O Yesusu wotagi-tagi o akere ma ngooto ma lokuino
14:34-36 O Yesusu o nyawa ko manga ngoe wahitogumu manga popanyakeino o Genesarete ma kapongoka
15:1-20 O Yahudi ma nyawa manga hihira manga dodotoko gea ko imakiniikua de Ma Jou ai Pareta ma hidumutu
15:21-28 Naga momatengo ko o Yahudi ma nyawaua de o Yesusu womiduhunu ma titi ami ngongakuino gea
15:29-31 O Yesusu wahitogumu o nyawa ko manga ngoeika gea
15:32-39 O nyawa utuoli abe yosana de o Yesusu wahiolomo
16:1-4 O Yahudi ma nyawa manga hidimono manga gogahoko o heheranga ma dodunguu
16:5-12 O Yesusu wahitiari iwinii-niikika la yomahidodiai o Farisi ma nyawa de o Saduki ma nyawa manga dodotokino
16:13-20 O Peturusu wihioriki abe o Yesusu Una o Koano abe ma dodihiraino de Ma Jou wahibehehongoka onangika gea
16:21-28 O Yesusu wahingahu iwinii-niikika abe Una de ahao kiani iwihikangela de iwitoma
17:1-13 O Yesusu womahimatoko ai medebini ma dararono abe iwinii-niiki yaruangeika
17:14-21 O ngofaka iwikokitokata de o Yesusu wohititoko ma tokata unangino
17:22-23 O Yesusu ma moioli wahingahu onangika ma titi ai honenge
17:24-27 Ma Jou ai Tau ma pajaka o Yesusu de o Peturusu yofangu
18:1-6 Abe iwinii-niiki iwileha o Yesusika ato, “Ho ka onagonahi mikurutiye?”
18:7-11 O Yesusu ai dodotoko ma dubuho abe ma titi to ngone nanga howo-howono
18:12-14 Abe hokokia Ma Jou wonapaliara ngone to Una ai domba
18:15-20 Abe hokokia haduhunu nanga gogianongoruika abe ona yahowonoka
18:21-35 O ade-ade abe ma titi womatengo woluku wiapongo ai dodiawoika
Ma Jou ai Mesia woiki o Yerusaleemika masara iwioluku 19:1—23:39
19:1-12 O Yesusu wadotoko o nyawa ma titi manga gogilaka de manga ngo-ngolukino
19:13-15 O Yesusu o ngofa-ngofaka wagahoko ma owa Ma Jouika
19:16-26 Naga o nyawa womatengo wokaya-kaya woboa o Yesusino
19:27-30 Abe ma titi nanga utumu Ma Jouino nako hitobanii-niiki Unangika
20:1-16 O hiketero ma ade-ade abe ma titi hokokia ngone Ma Jou ai nyawa nanga utumu ma hasili
20:17-19 O Yesusu wahingahu iwinii-niikika ma titi ahao iwihohonenge
20:20-28 Hokokia ngone Ma Jou ai nyawa homalingiri nanga gogere Ma Jouoka
20:29-34 Naga o nyawa yahinooto yorafi-rafi gea o Yesusu wahitogumu
21:1-11 O Yerusaleeme ma kotaika womahiadonoka de o nyawa duru iwidafongo irahai o Yesusu
21:12-17 Ma Jou ai Tauoka o Yesusu waduhu ona yotobafuku-fukunu
21:18-22 O gogilioro ma gota abe ko iwa ma hofoko
21:23-27 O Yahudi ma nyawa manga hohidimono ko iwingakua abe o Yesusu Una gea Ma Jouoka de wauku woboa
21:28-32 O hiketero ma ade-ade abe ma titi o baba womatengo ai ngofaka yahinooto hokokia manga hingounu
21:33-46 O angguru ma redi ma hiketero abe ma titi o Yahudi ma nyawa manga hohidimono manga hininga gea
22:1-14 O gogilaka ma rame-rame ma hiketero
22:15-22 O Yesusu iwitaili abe iwileha ma titi o pajaka ma tiwi
22:23-33 O Yesusu iwitaili abe iwileha ma titi o momomiki
22:34-40 Ma Jou ai Pareta abe duru ikurutiye
22:41-46 O Yesusu ai leleha ma titi hokokia o Dautu de Ma Jou ai Mesia
23:1-12 O Yesusu wahitiari o nyawaika ma titi o Farisi ma nyawa de abe yotobadoto-dotoko o Musa ai Paretaino
23:13-36 O Yesusu ai dodaere ma demo abe wahidumutu o Farisi ma nyawaika de onangika abe yotobadoto-dotoko o Musa ai Paretaino gea
23:37-39 O Yesusu ai hininga ma dora itagi o Yerusaleeme ma nyawaika gea
Ma Jou ai Mesia wahingahu iwinii-niikika abe hokokia de ahao idadi nako ma oraha adonoka 24:1—25:46
24:1-2 Abe ma titi naga ma oraha Ma Jou ai tau ikilianga
24:3-14 Ma dodunguu hokokia ahao idadi nako itigioka o Yesusu woboali?
24:15-22 Ma dodunguu moi abe gea duru itotorou hokokia ahao idadi
24:23-25 De ahao o nyawa yoboa abe yomahingahu-ngahu ato ona Ma Jou ai uru ma dodofanga eko manga Koano abe Una wonahibehehongoka
24:26-31 Abe hokokia idadi ma oraha o Yesusu woboali
24:32-35 O hiketero ma ade-ade ma titi hokokia ai boa ma dodunguu
24:36-51 Ma Jou o Baba dika wohioriki o Yesusu ai gahe abe ma oraha woboali
25:1-13 O hiketero ma ade-ade ma titi o moholehe yangimoi hokokia manga hidiai
25:14-30 O hiketero ma titi naga womatengo abe hokokia wahitagongo o tiwi ai duduhunu yaruangeika
25:31-46 O Yesusu wadotoko ma titi ahao Una watailako de wauru-urusu o nyawa mata-mataika
Ma Jou ai Mesia wohonenge de ahao womomikoli ai honengino 26:1—28:20
26:1-5 Itigioka ma oraha o Yesusu iwitoma
26:6-13 Momatengo mihituagi o Yesusu ai peauku de o minya
26:14-16 O Yudasa woiki wifukunu o Yesusu onangika abe manga hohidemo Ma Jouiye
26:17-30 O Totilakuru ma rame-rame ma inomo yomakokutuono yolomo
26:31-35 O Yesusu wahingahu iwinii-niikika wato, “Ahao nihikokiporete Ngohi naa”
26:36-46 O Yesusu womaniata o Gesemani ma ngioka
26:47-56 O Yesusu iwitaokoka
26:57-68 O Yahudi ma nyawa manga hohidimono abe yotobauru-urusu o nyawa gea o Yesusu wahimanga
26:69-75 O Peturusu womahipongono abe o Yesusika wioluku
27:1-2 O Yahudi ma nyawa manga hohidimono iwingotaka o Yesusu o Roma ma poparetaika
27:3-10 O Yudasa wohonenge de abe hokokia ihipake o doma ma hewa ma tiwi
27:11-14 O Pilatusu witailako de wiurusu o Yesusika
27:15-26 O hohonenge ma hohowono iwidaene o Yesusu
27:27-31 O Roma ma tentara iwimia-mia o Yesusika
27:32-44 O Yesusu iwihidapakuika o gota isosalioaka
27:45-56 O Yesusu wohonenge
27:57-61 O Yesusu ai honenge iwikelenga o aruku ma goronaka
27:62-66 O Yesusu ai lungunu ma gogoana
28:1-10 O Yesusu ai momomiki ma ade-ade
28:11-15 O tentara abe ma lungunu yogoa-goana manga ngeluku ma ade-ade
28:16-20 O Yesusu wahibehehongo iwinii-niikika

Makinig sa Matiusu O Matiusu ai buku ma hitararono