Mga Popular na Bersikulo sa Biblia mula sa Ioane 5

Ibahagi

“Koia mou tāku e karanga atu ki a kōtou na, ko tei 'akarongo i tāku tuatua ē kua 'irinaki aia i tei tono mai i āku nei, 'e ora mutukore tōna. Kāre aia e 'akavā'ia, nō te mea, kua 'aere 'oki aia mei te mate ki te ora.

I te kite'anga a Iēsū i aia e takoto 'ua ra, ē tōna nakiro ē kua roa tōna maki'anga, kua ui atura a Iēsū ki aia, “Tē 'inangaro na koe kia ora koe?”

Tē kimikimi mārie nei kōtou ki roto i te au tuatua i tātā'ia ra, nō te mea, tē manako ra kōtou ē, nā te reira e rauka ai i a kōtou te ora mutukore. Ē nā rātou rāi te 'akakite'anga mai i āku nei. Ē kāre 'ua rāi kōtou e 'inangaro roa ana i te 'aere mai ki āku nei kia rauka i a kōtou te ora.

Kua karanga atura a Iēsū ki aia, “E tū, e rave i tō'ou ro'i, e 'aere!” I taua 'ati'anga rāi, ora tākiri akera taua tangata ra, ē kua rave atura i tōna ro'i, e 'aere atura. 'E Sābati 'oki taua rā ra.

Kua tuatua atura a Iēsū ki te Ngāti Iūda, nā kō atura, “Koia mou tāku e karanga atu ki a kōtou na, kāre e tika i te Tamaiti i te rave i tēta'i 'ua atu 'anga'anga ko ia anake 'ua, māri 'ua ko tāna i 'ākara i te Metua i te rave'anga; nō te mea, ko tā te Metua e rave ra, ko tā te Tamaiti katoa ia e rave.