Mga Popular na Bersikulo sa Biblia mula sa 1 Samuel 17

Ibahagi

Sumagot si David, “Makikipaglaban ka sa akin na ang dalaʼy espada, sibat, at punyal, pero lalabanan kita sa pangalan ng PANGINOONG Makapangyarihan, ang Dios ng hukbo ng Israel na iyong hinahamon.

Malalaman ng lahat ng nagkakatipon dito na kayang iligtas ng PANGINOON ang kanyang bayan kahit na walang espada o sibat. Sapagkat ang PANGINOON ang makikipaglaban at ibibigay niya kayong lahat sa amin.”

Ang PANGINOON na nagligtas sa akin sa mga leon at oso ang siya ring magliligtas sa akin sa kamay ng Filisteong iyon.” Sinabi ni Saul kay David, “Sige, lumakad ka na. Patnubayan ka sana ng Dios.”

Sa araw na ito ibibigay ka sa akin ng PANGINOON. Papatayin at pupugutan kita ng ulo. Ngayong araw ding ito, ang mga bangkay ng mga kasama mong Filisteo ay ipapakain ko sa mga ibon at mababangis na hayop, at malalaman ng buong mundo na may Dios ang Israel.

Pagkatapos, kinuha niya ang kanyang tungkod, pumulot ng limang makikinis na bato sa sapa at inilagay sa balat na lalagyan. Dala-dala ang kanyang tirador, lumapit siya kay Goliat.

Pagdating ni David, sinabi niya kay Saul, “Wala po ni isa man sa atin ang dapat na panghinaan ng loob dahil lang sa Filisteong iyon. Ako na po na inyong lingkod ang makikipaglaban sa kanya.”