Mga Popular na Bersikulo sa Biblia mula sa Isaias 26

Ibahagi

PANGINOON, bigyan nʼyo nang lubos na kapayapaan ang taong kayo lagi ang iniisip dahil nagtitiwala siya sa inyo.

Magtiwala kayong lagi sa PANGINOON, dahil siya ang ating Bato na kanlungan magpakailanman.

Buong puso kitang hinahanap-hanap kapag gabi. Kung hahatulan nʼyo ang mga tao sa mundo, matututo silang mamuhay nang matuwid.

PANGINOON, ilagay nʼyo po kami sa mabuting kalagayan, sapagkat ang lahat ng aming nagagawa ay nagagawa namin sa tulong ninyo.

PANGINOON, sinunod namin ang inyong mga utos, at nagtiwala kami sa inyo. Hangad namin na kayo ay aming maparangalan.

Patag ang daan ng taong matuwid, at kayo, PANGINOONG matuwid, ang nagpatag nito.

Ang totoo, ibinabagsak niya ang mga mapagmataas. Winawasak niya ang kanilang lungsod hanggang sa madurog sa lupa.

Buksan ang mga pintuan ng lungsod para makapasok ang bansang matuwid at tapat sa PANGINOON.