Mga Popular na Bersikulo sa Biblia mula sa Jeremias 31

Ibahagi

Noong una, ang PANGINOON ay nagpakita sa mga Israelita at nagsabi: “Inibig ko kayo ng pag-ibig na walang hanggan. Sa aking kagandahang-loob, pinalapit ko kayo sa akin.

Sapagkat pagpapahingahin ko ang mga napapagod at bubusugin ko ang mga nanghihina dahil sa gutom.”

“Ito ang bagong kasunduan na gagawin ko sa mga mamamayan ng Israel pagdating ng araw na iyon,” sabi ng PANGINOON. “Itatanim ko sa kanilang isipan ang aking kautusan, at isusulat ko ito sa mga puso nila. Hindi na nila kailangan pang turuan ang mga kababayan o kapatid nila na kilalanin ang Panginoon. Sapagkat patatawarin ko ang kanilang kasamaan at kakalimutan ko na ang kanilang mga kasalanan,” sabi ng PANGINOON.

Sinabi pa ng PANGINOON, “Darating ang panahon na gagawa ako ng bagong kasunduan sa mga taga-Israel at taga-Juda. At hindi ito katulad ng unang kasunduan na ginawa ko sa kanilang mga ninuno noong pinatnubayan ko sila sa paglabas sa Ehipto. Kahit na akoʼy parang asawa nila, hindi nila tinupad ang una naming kasunduan,” sabi ng PANGINOON.