Mga Popular na Bersikulo sa Biblia mula sa Salmo 63

Ibahagi

O Diyos, kayo ang aking Diyos. Hinahanap-hanap ko kayo. Nananabik ako sa inyo nang buong pusoʼt kaluluwa, tulad ng lupang tigang sa ulan.

Akoʼy magpupuri sa inyo, sapagkat ang inyong wagas na pag-ibig ay mas mainam pa kaysa buhay.

Pasasalamatan ko kayo habang akoʼy nabubuhay. Itataas ko ang aking mga kamay sa paglapit sa inyo.

Nakita ko ang presensya ninyo doon sa Templo, nasaksihan ko roon ang inyong kapangyarihan at kaluwalhatian.

Dahil kayo ang tumutulong sa akin, aawit ako, habang akoʼy nasa inyong kalinga. Lumapit ako sa inyo at inalalayan nʼyo ako ng inyong kanang kamay upang hindi ako mapahamak.

Sa aking paghimlay, kayo ang naaalala ko. Sa buong magdamag, kayo ang iniisip ko.