Mga Popular na Bersikulo sa Biblia mula sa လု 15

Ibahagi

မၼ်း​ၵေႃႈ​လုၵ်ႉ​လႄႈ​မိူဝ်း​ၵႂႃႇၸူး​ပေႃႈ​မၼ်း​ဢေႃႈ။ “မိူဝ်ႈ​ဢၼ်​မၼ်း​ယင်း​တိုၵ်ႉ​မီး​ယူႇ​တီႈ​ဢၼ်​ၵႆ​ၼၼ်ႉ​ၸိုင်၊ပေႃႈ​မၼ်း​မုင်ႈ​ႁၼ်​သေယဝ်ႉ၊မီး​ၸႂ်​ဢၼ်​ဢဵတ်း​လူ​လႄႈ​ၶုၼ်ႇလႅၼ်ႈ​ၵႂႃႇ​ႁပ်ႉ​ႁူဝ်​တၢင်း​မၼ်း​ယဝ်ႉ​ၸင်ႇ​ၵွတ်ႇ​ၶေႃး​ၼူမ်​ႁွမ်​မၼ်း​ဢေႃႈ။

လုၵ်ႈၸၢႆး​ၵဝ်​ၼႆႉ​မိူဝ်ႈ​ဢွၼ်တၢင်း​ၼၼ်ႉ​တၢႆ​ၵႂႃႇ​ဢေႃႈ။ တေႃႈလဵဝ်​ၼႆႉ​ၶိုၼ်းလိပ်း​မႃး​ယဝ်ႉ​ဢေႃႈ။ မိူဝ်ႈ​ဢွၼ်တၢင်း​ၼၼ်ႉ​ႁၢႆ​ၵႂႃႇ​ဢေႃႈ။ တေႃႈလဵဝ်​ၼႆႉ​ၶိုၼ်း​ထူပ်း​ႁၼ်​ယဝ်ႉ​ဢေႃႈ၊’ ဝႃႈ​ၼင်ႇ​ၼႆ​သေယဝ်ႉ၊ႁဵတ်း​ပွႆး​မူၼ်ႈပျေႃႇ​ယူႇ​ဢေႃႈ။

မိူၼ်​ၸိူဝ်ႉ​ၼင်ႇ​ၼၼ်​ၵဝ်​ဝႃႈ​တီႈ​သူ​ၸမ်ႉ၊မိူဝ်ႈ​ဢၼ်​မီး​ၵူၼ်းႁၢႆႉ​ၵေႃႉ​ၼိုင်ႈ​ၶုၵ်းၸႂ်လႆႈ​မႆႈၸႂ်​ဢပျတ်ႈ​တူဝ်ၸဝ်ႈၵဝ်ႇ​လႄႈ​ပိၼ်ႇၸႂ်​မၼ်း​မႃး​ၸိုင်၊ၵႃႈၼႂ်း​မိူင်းၵၢင်ႁၢဝ်​ၸဝ်ႈ​ပုၼ်ႉ​ၼၼ်ႉ၊တၵ်း​ယဵင်ႈၶႅၼ်း​မီး​တၢင်း​ဢၼ်​ၸူမ်းသိူဝ်း​ၼႃႇ​သေၵူၼ်း​သိုဝ်ႈတေႃႇ​ၵဝ်ႈ​သိပ်း​ပၢႆ​ၵဝ်ႈ​ၵေႃႉ​ဢၼ်​ဢမ်ႇ​လူဝ်ႇ​ၶုၵ်းၸႂ်လႆႈ​မႆႈၸႂ်​ဢပျတ်ႈ​တူဝ်ၸဝ်ႈၵဝ်ႇ​ၼၼ်ႉ​ဢေႃႈ။

ၵဝ်​တေ​လုၵ်ႉ​လႄႈ​ၶိုၼ်း​မိူဝ်း​ၵႂႃႇ​ၵႃႈတီႈ​ပေႃႈ​ၵဝ်​သေယဝ်ႉ၊လၢတ်ႈ​တီႈ​မၼ်း​လႄႈ​ဝႃႈ၊ပေႃႈ႟။ ၵဝ်ၶႃႈ​လႆႈ​ၽိတ်းပိူင်ႈ​ၽြႃးပဵၼ်ၸဝ်ႈ၊ဢိၵ်ႇတင်း​ပေႃႈ​ႁဝ်း​ယဝ်ႉ​ၶႃႈ​ယဝ်ႉ။

လုၵ်ႈၸၢႆး​ၼၼ်ႉ​ၸင်ႇ​လၢတ်ႈ​လႄႈ​ဝႃႈ၊ ‘ပေႃႈ႟။ ၵဝ်ၶႃႈ​လႆႈ​ၽိတ်းပိူင်ႈ​ၽြႃးပဵၼ်ၸဝ်ႈ၊ဢိၵ်ႇတင်း​ပေႃႈ​ႁဝ်း​ယဝ်ႉ​ၶႃႈ​ယဝ်ႉ။ ၵဝ်ၶႃႈ​ၼႆႉ​ဢမ်ႇ​ထိူၵ်ႈၶၢမ်ႇ​ႁွင်ႉဝႃႈ၊လုၵ်ႈၸၢႆး​ပေႃႈ​ႁဝ်းၶႃႈ​ယဝ်ႉ၊’ ဝႃႈ​ၼင်ႇ​ၼႆ​ဢေႃႈ။

“ၼႂ်း​သူ​ၼႆႉ​ၵေႃႉ​ၼိုင်ႈ​မီး​သူဝ်း​ပၢၵ်ႇ​တူဝ်​လႄႈ​ပေႃး​တူဝ်​ၼိုင်ႈ​သမ်ႉ​ႁၢႆ​ၵႂႃႇ​ၸိုင်၊သူ​ထၢင်ႇ​မၼ်း​တေ​ႁဵတ်း​ၸိူဝ်ႉ​ၼင်ႇ​ႁိုဝ်။ မၼ်း​ၸၢင်ႈ​ဝႆႉ​သူဝ်း​ၵဝ်ႈ​သိပ်း​ပၢႆ​ၵဝ်ႈ​တူဝ်​ၼၼ်ႉ​ၵႃႈတီႈ​ပၢင်ႇ​ယိူဝ်ႈ​သေယဝ်ႉ၊ၵႂႃႇ​သွၵ်ႈႁႃ​တူဝ်​ဢၼ်​ႁၢႆ​ၵႂႃႇ​ၼၼ်ႉ​တေႃႇထိုင်ႁွတ်ႈ၊ၶိုၼ်း​ထူပ်း​ၶိုၼ်း​ႁၼ်​ဢမ်ႇၸႂ်ႈ​ႁိုဝ်း။