Mga Popular na Bersikulo sa Biblia mula sa RAPHA HIQWA LAK 9

Ibahagi

Ara ümniirai kiimaq atra phan tlotli rai pattup pat-sa miitu tongshong wan tiikang saqse miithii ka Ngi raq ra na phumda mong na iliq ashi thü tiikang. Arka Ngi raq mangjong hiq rai itongshong tiikang kra saqse miraq.

Ümtiikiiwa maitsai ka ra na phum phong mong na dongtlaq, Ngi raq kra michhiha; kiimaq Ngi raq ümniirai kiimaq mangjong hiqraikhü na siti atra phan nyamse rai pattup pat-sa miitu i tongshong kang kra tsan na tiitsang wan lili mirha.

Maiqse ka Shiikeawe ikha phansangto. Kriikha maq jurwa maiqse miisaq tantlaq, kriiti miisaq kiimin akongtibi maiq raq mitan wan.

Shiikeawe raq Nowaq nai asetiim ka shiimanto. Raüta akha nguto, “Ümsetiim ka pahea mipulaq. Raüta ümlai ümla thun raq mangjong hiq ka hamli misilaq.

Ümchaü ümniiraq tsangshiq thun ka phaqsea mimai. Kiimaq ajaq awai pechong thun kiimin phaq sea mimai. Ngi raq kriithun ka wiita ümniiraq phaq sea miitu kuq kang she.

Nyamse phan tlotli raq, wushi thun raq, kiimaq ngiq thun raq ümniima haisong raüta misilaq. Tsangshiq tlotli ka ümwokhong na siisaq athü wishe.

“Ümsetiim ka pahea puchi wan ratlo. Krai mren ümlai ümla phan ka hiqraikhü ka hamli misi wanlaq.”