Mga Popular na Bersikulo sa Biblia mula sa San Mateo 4

Ibahagi

Chikʉna Jesús ija'che sãiñe i'kaasomʉ repaʉ'te: —Dios chʉ'o aperʉmʉ tocha jo'kasi'e ija'che kʉamʉ: Pãipi chʉ'ʉrejẽ'e cuasama'ñe repana ãijañe ãuchi'a cuasajʉ pa'ito cu'amʉ. Jã'achi'a cuasama'ñe chʉ'ʉ chʉ'o asa chẽa cho'ojʉ pani re'oja'che pa'ijanaa'me pãi, chiimʉ —chiniasomʉ Jesús repaʉ'te vatire.

Chikʉna Jesús i'kaasomʉ repaʉ'te. —¡Vati ai, saijʉ̃'ʉ mʉ'ʉ! Dios chʉ'o tocha jo'kasi'e ija'che kʉamʉ: Diore Pãi Ũcuanʉkore Paakʉ'techi'a, “Peore masikʉ'mʉ mʉ'ʉ”, chiijʉ cuasajʉ pojojʉ Repaʉ chʉ̃'ʉñechi'a cho'ojʉ pa'ijʉ̃'ʉ mʉsanʉkona pãi, chiimʉ —chiniasomʉ Jesús repaʉ'te.

Chikʉna Jesús i'kaasomʉ. —Ũcuachi'a Dios chʉ'o aperʉmʉ tocha jo'kasi'e ija'che kʉamʉ: Chʉ'ʉ cho'omasiche'te rupʉ ñañu chini sẽemanejʉ̃'ʉ mʉsanʉkona pãi, chiimʉ Dios —chiniasomʉ Jesús repaʉ'te vati aire.

Ũcuarʉmʉ Jesús Dios Rekochoji chʉ̃'ʉʉna pãi peochejana sanisõasomʉ. Sani pa'iʉna vati ai repaʉni cacʉ'ora chini cu'are chʉ̃'ʉasomʉ. Sani cuarentarepaumucujñana'me cuarentarepañami ãu ãima'ñe pa'iʉna ãucuhaasomʉ repaʉ'te.

Repanare ña Jesús ija'che i'kaasomʉ: —Chʉ'ʉni ja'me ku'ijʉ chʉ'ʉ chʉ̃'ʉñe'te cho'ojʉ pa'ijʉ̃'ʉ. Va'i sani va'ire jñaa ranaa'me mʉsanʉkona. Chura chʉ'ʉpi cho'okaiʉna sani pãire jñaa chʉ'ʉni rakaijʉ pa'ijʉ̃'ʉ —chiniasomʉ Jesús repanare. Jã'aja'ñe i'kaʉna asa teana va'i chorʉã jo'ka ũcuaʉna'me saniasome repana.

Repacheja saisirʉmʉpi vʉa Jesús ija'che chiiʉ pãire chʉ'vakʉ paniasomʉ: —Mʉsanʉkona cu'ache cho'oche ũhasõ mama cuasajʉ̃'ʉ. Dios Raosi'kʉ pãi ũcuanʉkore chʉ̃'ʉpi'ramʉ —chiiʉ chʉ'vaasomʉ repaʉ.