Mga Popular na Bersikulo sa Biblia mula sa Jọn 1

Ibahagi

Ire, ebi geelek ìbọbọkọ ọmọ itap, mè ichieek me lek kan̄, ebiba ke înyi unye, inyi ekana bọn Awaji.

Me ibebene, sabum enirom linyọn̄, Ikọ ya òwa. Ikọ ya melek Awaji ekup. Ikọ ya me lek kan̄ ìre Awaji.

Utoon̄ ya onenitoon̄ me emen udun, ire, udun ìkakọt ìniin̄ utoon̄ ya.

Ikọ ya onenikana ebilene, mè ijot me atata nnwọn mè atikọ, mè iniluk me etete kiji sọnja mgbọ. Eji emumun̄ ujamgbugbo kan̄ eyi ọmọ okaan̄be inan̄a me ubọk Nte kan̄, kubọk ọkpọkpọ Gwun̄ ge ogwu Ute okaan̄be.

Sa me ubọk kan̄ ke Awaji orom otutuuk inu geelek eyi îrombe. Kpunu inu geege erombe eyi ikanan̄age me ubọk kan̄. Îre me emen Ikọ ya ke ugwem okup. Ugwem keya ore inu òkinyi ebilene utoon̄.

Me ofit iwele kan̄, Jọn omumun̄ Jisọs okije inu, mè ibe, “Ìkpọ Gwun̄ Arọọn̄ Awaji ogwu òkiben nrọ-nlọ ebi linyọn̄ isan̄a!

Ikọ ya înu me linyọn̄. Ire, ebi linyọn̄ kpekọt iriọọn̄ ogwu ọmọ orebe, ubọk geelek îrebe ibe ke nan̄a me ubọk kan̄ ke erom linyọn̄. Ọmọ ìnu me lek ebi kan̄, ire, ebi kan̄ kpebọkọ ọmọ itap.

Atata utoon̄ eyi òkinyi ene geelek utoon̄, ore ogwu òkinu me linyọn̄.

Awaji ìnyi ebilene Ikan inan̄a me ubọk kè Mosis, ire, atata nnwọn mè atikọ ìje me ubọk kè Jisọs Karais.