Mga Popular na Bersikulo sa Biblia mula sa ISAIAS 51

Ibahagi

“Ako, ako nga, ang siyang umaaliw sa inyo. Sino ka na natatakot sa namamatay na tao, at sa anak ng tao na ginawang parang damo

At inilagay ko ang aking mga salita sa bibig mo, at tinakpan kita sa lilim ng aking kamay upang mailadlad ang mga langit, at upang maitatag ang lupa, at sinasabi sa Zion, ‘Ikaw ay aking bayan.’”

“Makinig kayo sa akin, kayong nakakaalam ng katuwiran, ang bayan na ang puso ay kinaroonan ng aking kautusan. Huwag ninyong katakutan ang pagkutya ng mga tao, at huwag kayong mabalisa sa kanilang mga paglait.

Sapagkat aaliwin ng PANGINOON ang Zion; kanyang aaliwin ang lahat niyang sirang dako, at gagawin niyang parang Eden ang kanyang ilang, ang kanyang disyerto na parang halamanan ng PANGINOON; kagalakan at kasayahan ay matatagpuan doon, pagpapasalamat at tinig ng awit.

At ang mga tinubos ng PANGINOON ay babalik, at darating na may awitan sa Zion; at nasa kanilang mga ulo ang walang hanggang kagalakan, sila'y magtatamo ng kasayahan at kagalakan; at tatakas ang kalungkutan at pagbubuntong-hininga.