Mga Popular na Bersikulo sa Biblia mula sa MARCOS 5

Ibahagi

At sinabi ni Jesus sa kanya, “Anak, pinagaling ka ng pananampalataya mo; umalis kang payapa, at gumaling ka sa sakit mo.”

May isang babae na labindalawang taon nang dinudugo, at lubhang naghirap na sa maraming manggagamot. Nagugol na niya ang lahat ng nasa kanya at hindi siya gumaling ni kaunti man, kundi lalo pang lumubha.

Kaagad napigil ang kanyang pagdurugo, at kanyang naramdaman sa kanyang katawan na magaling na siya sa malubha niyang sakit.

Hinawakan niya ang kamay ng bata at sinabi sa kanya, “Talitha cum,” na ang kahulugan ay “Munting batang babae, sinasabi ko sa iyo, bumangon ka!”

Samantalang nagsasalita pa siya, may mga taong dumating na galing sa bahay ng pinuno ng sinagoga, na nagsasabi, “Namatay na ang anak mong babae. Bakit mo pa inaabala ang Guro?” Ngunit hindi pinansin ni Jesus ang sinabi, at sinabi niya sa pinuno ng sinagoga, “Huwag kang matakot; manampalataya ka lamang.”

Sapagkat sinabi niya sa kanya, “Lumabas ka sa taong iyan, ikaw na masamang espiritu.” At tinanong siya ni Jesus, “Ano ang pangalan mo?” Sumagot siya, “Lehiyon ang pangalan ko sapagkat marami kami.”