Mga Popular na Bersikulo sa Biblia mula sa MGA KAWIKAAN 10

Ibahagi

Ang pagpapala ng PANGINOON ay nagpapayaman, at hindi niya ito dinaragdagan ng kapanglawan.

Sa dami ng mga salita ay hindi mawawalan ng pagsalangsang, ngunit siyang nagpipigil ng kanyang mga labi ay may karunungan.

Ang pagkamuhi ay nagbubunsod ng alitan, ngunit tinatakpan ng pag-ibig ang lahat ng pagsuway.

Ang mapagpabayang kamay ay dahilan ng kahirapan, ngunit ang kamay ng masipag ay nagpapayaman.

Nasa daan ng buhay siyang nakikinig ng pangaral, ngunit siyang tumatanggi sa saway ay naliligaw.

Siyang lumalakad sa katapatan ay lumalakad nang tiwasay, ngunit ang sumisira ng kanyang mga lakad ay matutuklasan.

Ang takot sa PANGINOON ay nagpapahaba ng buhay, ngunit ang mga taon ng masama ay maiikli lamang.

Hindi hinahayaan ng PANGINOON na magutom ang matuwid, ngunit ang nasa ng masama ay kanyang pinapatid.

Pagdaan ng unos, ang masama'y napaparam, ngunit ang matuwid ay matatag magpakailanman.