Mga Popular na Bersikulo sa Biblia mula sa MGA AWIT 18

Ibahagi

Ang PANGINOON ay aking malaking bato, at aking muog, at tagapagligtas ko, aking Diyos, aking malaking bato na sa kanya'y nanganganlong ako; aking kalasag, at siyang sungay ng aking kaligtasan, matibay na kuta ko.

Tungkol sa Diyos—sakdal ang lakad niya; ang salita ng PANGINOON ay subok na; siya'y kalasag ng lahat na nanganganlong sa kanya.

Ako'y tumatawag sa PANGINOON na marapat purihin, at naligtas ako sa aking mga kaaway.

Sa aking kapanglawan ay tumawag ako sa PANGINOON, sa aking Diyos ay humingi ako ng tulong. Mula sa kanyang templo ay napakinggan niya ang aking tinig. At ang aking daing sa kanya ay nakarating sa kanyang pandinig.

Oo, iyong papagniningasin ang aking ilawan; pinaliliwanag ng PANGINOON kong Diyos ang aking kadiliman.

Ang Diyos na nagbibigkis sa akin ng kalakasan, at ginagawang ligtas ang aking daan.

Buháy ang PANGINOON; at purihin ang aking malaking bato; at dakilain ang Diyos na kaligtasan ko.