Mga Popular na Bersikulo sa Biblia mula sa Ohuchaaka 3

Ibahagi

Nae omuhasi niyabona ati omusaala okwo kwali omulai kw'ohulya haandi ati kwali nikusangaasa emoni, haandi ati omusaala okwo kwali nikwekoombwa hulw'ohukesiyasa omuundu, omuhasi oyo yanokaho esyaamo syakwo mani yaasilya; haandi yaaberesaho omusaacha wae yesi yaalya.

Bulaanu, enjuha niyo eyali esisolo syali esikesi-kesi muno ohuhiraho ebiloonge biteende byoosi bi Omwaami Nasaae yali naloongere. Enjuha yateeba omuhasi yiti, “Mbwe Nasaae yaboola ati, ‘Mutalichaangaho hu musaala kwosi-kwoosi okuli mu ndalo yino?’”

Njia ohutaao obusuku akatikaati wao neende omuhasi, haandi akatikaati w'olwiibulo lwao neende olwae; achia ohuhusaasakulaanga omutwe, naawe ewe ochia ohumuboochaanga esisisiro.”

Haandi Nasaae yaboolera omuhasi ati, “Njia ohwiingiya obuchuuni bw'engasi chao ch'ohwiibula; ochia ohwiibuliraanga abaana mubuchuuni, haandi obwekoombi bwao buchia ohubechaanga hu musaacha wao, haandi achia ohuhutukaanga.”

Ohutulana hu luuya lwao, nilwo lu ochia ohunyoolaanga byoolya ohwoola lw'olikobola mu loba, olwohuba nimwo muwatuswa. Oli olufu, haandi mu lufu nimwo mu olikobola.”

Mani Nasaae yaboolera Adamu ati, “Koti lu otekereese emboosi ch'omuhasi wao, noolya hu syaamo sy'omusaala kundahulagira endi, ‘Otakulichaangaho,’ eloba libwaabirwe hulwao; ochia ohudiidihanaanga hu onyoole esyohulya mu bulamu bwao bwoosi.

Nae Nasaae yamuteeba ati, “Wiina mweene ohuboolere ati obeere nooli syeekenye? Oliireho hu musaala kundahulagira obutakulichaangaho kose?”

Nasaae niyeerusamo omuundu, yata abakerubbi ebukwe w'endalo y'Edeni, neende olugaanga lw'omuliro lwebodoohania enyaande choosi. Sino syali esy'ohwiikalira omuundu yeesi ahaye ohunyala ohusuda aambi neende omusaala kwobulamu.

Omusaacha yakuliha omuhasi wae ati Efa, olwohuba niye ng'ina baandu boosi.