Mga Popular na Bersikulo sa Biblia mula sa Matt. 5

Ibahagi

Momu khunomu akulu küqü pesü alì no qhove chemoe. Tishini ke züqhulo akibepu lo be cheni eno tino aki lo küami kümtsü lau aküvü tsü cheni. Tihutoi, nongu küvü kütami zülo yepüvü lo, tishianguno panongu no O kümlà kiviqo ithulu no O pù kungugha lo akeu je süqhe tsü nani ke.

“Nongu ye ayeghiqha ghenguno aküvü ke. Atoghi lakhi lo mishiphu shiqhe püakeu ye küsüve mülae.

Amlo mithemithei kemi kümghae, kughengu panongu ye Alhou ithulu nani.

Achipiumikucho ghenguno müzüthi kemi kümghae, kughengu panoqo ghapiqi tsü nani.

Ikemu I no nongu vilo piani, O ghümi kimiye lo eno khunoqo no nongu pishi-puju cheni keno panongu ghenguno inikhu tsülo

“Aghungu lo athokha shi ani ipi ithi kemi kümghae, kughengu kungugha kükaphu ye panonguw ke.

Timi dolo külashi tsü chekemiqo kümghae, kughengu panongu ye Alhou nuliqo ipi ku nani.

Mloqa chekemiqo kümghae, kughengu panongu lokughuno tsü nani.

Achipiumikucho ghenguno pishi-puju ache kemi kümghae, kughengu kungugha kükaphu ye panoqow ke.

Kütami kimiyeqhiyi kemi kümghae, kughengu Alhou no panongu shou kimiyeqhiyi tsü nani.

“Kughou I ghenguno timi no nongu thaigha, pishi-puju eno akimiki lono küsakügha jeli kümtsü pesü nongu shou pipukuni keno nongu kümghae. Alovishelo eno alovi alo, kughengu kungugha lo nonguw qesaxu kijè ani, kughengu panongu ye nongu züu tungkupumiqo ghí tihutoi pishi-puju acheke.

Ivünhei kemiqo kümghae kughengu panongu no ayeghi lo mheghi ighílu nani.

“Nongu ye ayeghilomi ghenguno amitì ke. Ikemu amitì no aküqhü kühave aye tiye kíshi no itaghi qhü kitheluve nani kea? Khalau peleve no timi no qodave nike kumo aye, tiye kiumu avehupu kühavae.

Kupukülai kemi shilo, kughengu nongu Papù kungugha lo akeu ye kupukülai ke.”

Nono pi kepu shi akeu ye ‘Iyei’ momu ‘Moe’ likhi ke; kiu-kiumu hinguno alau ye küsaküghau lau no ighi cheni ke.

“Nongu no ishi pipüa keu chiluvae, ‘Anhethi theli lo anhethi, eno ahu theli lo ahu.’ Ikemu I no nongu vilo pìní, küsaküghami mjochile kevilo. Tsalá khuala no O gimuchu ajeu ghatsü aye, O gimuchu tüxau ghí pa lau kughopuwo tsülo.

Tsalá O nhethi ajeu no O müsü sasü axiné shive pe aye, ti chixejo pe pevelo. O phimpi kuchopu pe amiyizü lo vesüve nike züqhulo O phi lo saje lakhi kühave keu pavi ke. Eno O u ajeu no O müsü sasü axiné shive pe aye, ti ghitha pe pevelo. O phimpi kuchopu pesü amiyizü lo ilove nike züqhulo O phi lo saje lakhi kühave keu pavi ke.