Mga Popular na Bersikulo sa Biblia mula sa Matta 6

Ibahagi

Rezzuṯ ḏ amezwaru x ȓmulk n Arebbi ḏ ṯuḏarṯ ig iǧan nican, ssenni ṯimesȓayin-a marra aḏawem marnint.

War kessiṯ bu s umnus i min ɣa iweqƹen ṯiwecca, aqa ṯiwecca aḏ iysi nniṯ s umnus i yixef nnes. Ȓhemm iy d imeḍehharen nhar nni aḏ ikfa nhar nni.

X manaya aḏawem iniɣ: War kessim ca s umnus i ṯuḏarṯ nwem ƹlaḥsab min ɣa ṯeccem niɣ ḏ min ɣa ṯeswem niɣ ḏ arruḍ iy ɣa ṯeḥḏajem i ddat nwem. Minzi ṯuḏarṯ-a tseggwa ktar zi macca. Ddat-a tseggwa ktar zeg warruḍ.

Walakin cek xmi ɣa ṯeẓẓaǧeḏ, aḏef ɣar uxxam nnec qqen xak ṯawwarṯ, ẓẓaǧ i Babac iǧan mani war ṯ itwiȓi ḥadd. Babac ig iẓerren min itwaggen s ṯnufra ataf ac ijaza.

Ha mammec iy ɣa ṯeẓẓaǧem: A Babaṯneɣ iǧan ḏeg ujenna, ḏ ameqqran ig iǧa yisem nnec. Aḏ d yas ȓmulk nnec, aḏ ggen ȓxaḍar nnec ḏi ṯmurṯ, mamc teggen ḏeg ujenna.

Uc-aneɣ kuȓ nhar aɣrum iy ɣa neḥḏaj.

Ɣfar-aneɣ ȓmuƹṣiyaṯ nneɣ i neccin, mammec nsemmeḥ i yinni iy kiḏneɣ ixeṭṭan.

War ḏaneɣ tegg ca ḏi ȓemḥayen, senjem-aneɣ zi ccarr. {Ȓaḥeqqac ȓmulk iǧan nnec, ḏ ṯizemmar, ḏ lƹaḍama i cek i ȓebda. Amin.}

Meȓa ṯsemmḥem i yiwḏan ḏeg uxeṭṭi nni iy kiḏwem ixeṭṭan, ataf Babaṯwem iǧan ḏeg ujenna uȓa ḏ netta aḏawem iɣfar.

Xzareṯ mliḥ ɣar yijḍaḍ ujenna. War zerrƹen, war mejjaren, war xezznen ḏi ṯesȓafin. Walakin Babaṯwem iy iǧan ḏeg ujenna iy ḏasen iticcen aḏ ccen. Kenniw, ma war tseggwim ca aṭṭas s waṭṭas x yijḍaḍ?

War snuffureṯ ca ȓkenz nwem ḏi ddunect-a mani yarecca tettent-ṯ ṯkeccawin ḏ mani ǧan iceffaren ccaṯen nqabeṯ tacaren-ṯ. Walakin snuffareṯ ȓkenz nwem ḏeg ujenna mani war yarecci ca war ṯ tettent ca ṯkeccawin ḏ mani war ǧin ca iceffaren ccaṯen nqabeṯ tacaren-ṯ. Aqa mani iǧa ȓkenz nnec, ḏinni iy ɣa yiȓi wuȓ nnec.

War izemmar can yijjen aḏ yiȓi ḏ axeddam ɣar ṯnayen n siyaḏis. Mayemmi? Ima ijjen aṯ iƹiff, ijjen aṯ ixes. Niɣ ijjen aḏayes iṭṭef, ijjen aṯ iḥeggar. Aḏ txeḏmem i Arebbi niɣ aḏ txeḏmem i ȓewsex n ddunect-a, war iǧi bu s ṯnayen.

Meȓa Arebbi iticc arruḍ zaƹma i arbiƹ n ȓexȓa ig iǧan nhara aḏ iḥareq ṯiwecca ḏeg ufarran, ma war itegg akiḏwem kenniw ktar? Ḏaywem lʼiman nwem ḏ uqlil.

Walakin cek xmi ɣa ṯṣeddqeḏ i can n yijjen, itxeṣṣa fus nnec aẓeȓmaḍ war itessen min iticc fus afusi nnec. Ḥima ṣṣaḏaqa nnec aḏ twagg s ṯnufra. Ḏ Babac Arebbi ig iẓerren min itwaggen s ṯnufra ataf aḏac yuc lʼajar.

Ɣarwem aḏ teggem ȓxir zzaṯ i yiwḏan ḥima akenniw ẓren, ataf war ɣarwem itiȓi bu lʼajar zi Babaṯwem iǧan ḏeg ujenna.

Xmi ɣa ṯẓummem, war teggem ca amecnaw mammec teggen lmunafiqin. Txeyyaqen ḥima marra iwḏan aṯen ssnen belli ẓummen. Aqa tesȓam ȓḥaqq: Ataf war ɣarsen itiȓi bu lʼajar. Walakin cek xmi ɣa ṯẓummeḏ, sireḏ aɣembub nnec mceḍ acewwaf nnec, ḥima iwḏan war tessnen ca qa cek ṯẓummeḏ. Walakin Siḏi Arebbi iy iǧan mani war ṯ itwiȓi ḥadd, netta ig issnen. U Siḏi Arebbi ig iẓerren min itwaggen s ṯnufra ataf ac ijaza.