Mga Popular na Bersikulo sa Biblia mula sa Génesis 9

Ibahagi

Ina jö̧ba̧lijetö: —Noé, ökwödönö chiwene yöbawö chujuni̧ chi̧sebi̧ma biya̧: Mayonö chönajabe mölejȩnö ö̧lobö. Jo̧ba mayoma i̧sekwobe ökwödönö yöbawö chujuni̧ chiwenema ökwödönöbi, ja̧danö, okobe deinö böjȩnö 'yaba̧ladönöbi. Ja̧danö, jo̧ba mayonö edinö kwomukwataduwakobe ötjö chiwene, La'akatjöda yemidanöma jwai balawa okwatinö webö söbebö lotökakobe jojodönöma, jö̧ba̧lö, yöbawö junö chiwenema— jö̧ba̧lijetö—.

Ina jö̧ba̧lijetö: —Jao Noé. Mayoma mölejȩnö ojwiyo'wokwö ö̧lena edö chomukwatakwo̧sa ötjö yöbawö junö chiwenema ökwödönö, okobe deinö böjȩnö 'yaba̧lajadönö. Ja̧ ökwödönö yöbawö chujuni̧ chiwenema ba̧kwȩlö̧jatebö ja̧kobe, 'dö̧ibajökönö.

Yötawaduwakwö. Jojodönö chotidinawö̧ma ötjödadanö tjichejekwobetjö̧ bakwo̧ jelo̧ jojonö kwabö loitjö̧ma jo̧banö kwabö lotjakwo̧— jö̧ba̧lijetö Diosma Noénöma.

Ja̧danö, Diosma Noénöbi, i̧tji̧munöbi, dösölö̧jinö edö pjatatakwo̧sa, jö̧ba̧lö webijetö: —Nöinö yebawö kwuju̧kwaduwo böjȩ ba̧kwemeachibanö kwöba̧jekwachaduwakobetjö̧— jö̧ba̧lijetö—.

Ja̧danö, babema baikwö weta: Okobe deinö böjȩnö 'yaba̧ladö tebonö ju̧kwadönöbi, mejenö ju̧kwadönöbi, mö köba̧lö ju̧kwadönöbi, nijinö töbawadönöbi, ojwenö ju̧kwadönöbi kukwaduwobö jo̧be, kukwaduwakwawö̧ batjibanö. Ajayinöma kwakwawama tebonö ji̧da chiyijatö. Jo̧kwaijayonö babema böjȩnö 'yaba̧ladönöbi chiya, kukwaduwakwawö̧, jö̧ba̧lö— jö̧ba̧lijetö Diosma—.

Okobe deinö tebonö ju̧kwadöbi, mö köba̧lö ju̧kwadöbi, nijinö töbawadöbi, ojwe okwanö ju̧kwadöbi ökwödönö edö yetjabikwedö. Ökwödönöma jobadö tjuluwedö baibanö 'da̧batö chujunawö̧ja.

Ina jö̧ba̧lijetö: —Ja̧danö Noé, ökwödönö weta. Nöinö yebawö kwuju̧kwaduwo böjȩ ba̧kwemeachibanö kwöba̧jekwachaduwakobetjö̧— jö̧ba̧lö webijetö Diosma Noénö, Noé i̧tji̧munö.