Mga Popular na Bersikulo sa Biblia mula sa Kejadian Uram 24

Ibahagi

Ura, anyi biryi ato eboka Er Iya Erebdobnyi bisi molobmou. “Er Imtamnyi, ni nai Abraham er Nai, arub Kanci nisi, ‘Ukubkwan,’ teneboka yanganman dinyi kunubdeibnurum. Kanci, ni nai Abraham boukwe kimdum to nisi boukwe kibnurum.

Akatei nerabwe me kweryangnyi ura, ner tentok asi ato ebkwaman. ‘Ni me utanmanir ati, kan meyok tatabdonokminyi ba, ni ton yibokwan,’ ebnyi ba, ‘Ur a yibokdum,’ ebniriryi, ni unta bisam ababyi, ‘Nai, kan bisam ababyi me dikeibkwan,’ ebci ner ara Kan mi Ishak dobkwanci ner a kunum sirya wibkwandim. Ato kubdeibniminyi ba, kunubci ura, niryi, ‘Er Imtamnyi biryi ni nai Abraham bisi boukwe kimdum dinyi ni bikwan,’” eboka molobmou.

Ura, Ishak biryi Ribka boboka er kwin Sara kuramwe ai bobde bindobmou. Ura, Ishak biryi Ribka sirya er ner kibdobmou. Ato kuboka Ishak biryi Ribka dobmouci, er kwin Sara diamwe ati, “Se,” teneramwe dinyi ara Ribka dobmou uca, er kanyi darabmou.

Ura, bana kum kuabyi talak ara Ribka er du ab, er kwin ab, er ai ninyi aryi ato eboka kisal dangna dinyi karebmai. “Ribka, kanda ninyi yubwa-yubwa nang sun kwin kibkwandim! Ani, sun yuk nang mar ordan dam atei asi, kan deibdoba aryi sun mutuk kibde binkwaming,” eboka kisal dangna dinyi karebmai.

Ura, anyi er taruk Abraham keil deici deirirbinmou ura, ato ebmou, “Nun Nai Iya Erebdobnyi, im ab tukwe ab kiknibunyi si deici aryi ebkun. Ara, kanci ni mi asi a mutuk Kanaan ni yandoka a kunun mutuk nerabwe asi doboka kamdeirina kum kubkwandim. Eda, anaboka ni yala nang asi biminyi ura, ni mi Ishak dobkwande ner doboka yarum,” ebmou.