Mga Popular na Bersikulo sa Biblia mula sa Dibandu 3

Ibahagi

Mugetu amalaba yiri milunda mimuiri mimaba miboti ugengila noji na amagulu nsala umidokula nodila dujabu kabogu amabonga mulunda umuiri eni na amaji na amaguvega ombu mulumi andi wandi, na jandi amaji.

Nyoga amajaba usoga diela ne uviolila bibulu biotsu bimusiru abi Fumu Nsambi amavaga. Amawivula mugetu rie: Dingensa Nsambi amavosa rie: Duyaji milunda mimiri miotsu minungi.

Nyuvaga yikenganyi va gari jenu na mugetu na va gari bategula bagu na bategula bandi: jogu bodudimbanga va miuru na jenu dubagakanga va bisonginyi.

Amatsingula mugetu rie: Nyufimisa misongu ava guburilanga. Diuleba guburanga na maguga ne nana guba na nsala mulumi agu na gurumungu nandi.

Gusala tindi usalanga udila biguji biagu te na vana gugabuga o butamba abu gumabongulu mu mbari gumaruyila mu butamba gumuegabuga muna butamba.

Amatsingula Adam rie: Gunogululu diufi dimugatsi agu noji mulunda umuiri agu nyimagugandisa na diruma diedidi guyaguji! Kabogu mu diambu diagu Nyuloga butamba Gutsoganga udila biguji biagu te na mutubu rie

Fumu Nsambi amawivula rie: Anyi amagulonsa yiri guvu penyi? Je gumaji mulunda agu nyimagugandisa?

Anana amabingila Adam; amasunsa biansa bimangolu o yiari ayi wisi epalili yinungi Eden na dijenga dimuji ukelisa nsila jimuiri umonyu.

Adam amaluga mugatsi andi Eve: mu mbari amaba nguji jibatu botsu.