Mga Popular na Bersikulo sa Biblia mula sa Yohanese 7

Ibahagi

De ahao idadi onangika duru imaketero hoka ihitulihukuoka Ma Jou ai Demo-demoka. Abe onagona dika ihingaku Ngohino naa ona gea ahao naga o akere ma ngango ibubungiye manga badanga ma goronaka. Ho manga badangoka de ihahurino o akere gea abe genangino o nyawa yamake o wowango ma ngango ka hiado-adonika.”

Ho ahao adonoka o wange gea manga rame-rame ihibobaha, abe ka ma wangeohi gea duru ikurutiye, de o Yesusu womaokoino de duru waamo-amokiye wato, “Onagona dika abe manga ngomaha yodudungu ka idadi yoboaino Ngohino de Ngohi tahiokere.

O Yesusu ai demo gea ma titi Ma Jou o Womaha ahao wogogere onangoka abe iwingaku o Yesusika. Masara o Yesusu ko wogorakiyeuahi ho Ma Jou o Womaha ko wihidingotuahi onanguku.

Ibootohi ngini o nyawa niahohowono abe ma titi duru ko niatailakoikauahi de ka niahohowono. Ufa nisabaranga o nyawa niahohowono, masara kiani nimakeleha ma diaiohi bote igoungu eko ko igoungua. Nako igoungu tahowono ka idadi Ngohi nihihohowono, ma nako ko igoungua ngaro ufa de nihihohowono.”

“Abe naga o nyawa utu de manga dodotoko ma demo igoungu masara, utu ko igoungua manga dodotoko ma demo. Abe ko igoungua gea to ona manga dodotoko abe ma titi to ona dika manga tobahiorikino abe ona ma hirete yomadiai la ato o nyawa yagorakiye. Masara abe manga dodotoko ma demo duru igoungu, ona gea aniiki to Una ai mau abe wahidingo-dingotino. Ho o demo ma dutu dika abe duru iwigorakiye. De angamoi nako hokogea o nyawa yadotoko ahao, ona abe yoihene manga dodotoko gea, ko iwa manga hiningaka abe ka idadi manga guru gea iwitae.”

De o Yesusu wapaluhu onangika wato, “Naa tinidotoko ma titi ko tomahohiningaiyeua de todotoko, masara Una abe wohihidingoto, mata-mata Unangoka dika de aino ahi dodotoko naa.

De hokogea angamoi nako ngini naa ko iwa ma titi hiadono o dunia ma nyawa inidohata, masara Ngohi naa ihidohata angamoi ka ihikaika tahidumutu manga datoro itorou ho hiadono ihidohata Ngohino.