Mga Popular na Bersikulo sa Biblia mula sa Luke 10

Ibahagi

င ငါကော နီမ်နယ် အဆိပ်ငါကားကာ ကဖူးဆိုးလောဖူမ်နောက် ကတ်မြှီးကောက်ဖူမ်ညယ်ကာ စိတ်ဆလားဖူမ်နယ် ကောင်ကလည်ရင်ကဲ့အယ် အလေကာ့ ရန်သူထာကာ့ မာရ်နတ်ကာ့ တန်ခိုးအကုန်လုံးနယ် နားရင်ငါကာ အခွင့်အာဏာလည် အီပေးစီးရာပ်သယ်မာ့ မဟာဟာမ်း နီမ်နယ် ထိခိုက်သောကွန်းနယ် အောမ်ရင်ဟပ်ကားဟီပ်ယို။

အင်းမာချိန်နယ် ကိုယ်တော်ကော “မာသ၊ မာသ၊ နာန်ငေါ အမှုကိစ္စဖူမ်ဟနန်း စိုးရိမ်နော်မာ့ အင်းညယ်ငေါဝမ်ရီ အမှန်တကယ် အရေးကြီးလောကားကော ကြအာဟာနိက်ငါကား။ မာရိကော အင်းမာလည် အောမ်တီမ် ရွေးလောပေးစီးရာပ်သယ်မာ့ အင်းမာအရာလည် ဟီမ်ပါအာအယ် ဟင်ဟာမ်း လာပူကဲ့အယ် လူရင်စောမန်း” ငေါကဲ့အယ် မိန့်နောမာ့။

အင်းမာဟီမ်ငေါ “နီမ်ငါ အရှင်ထာကာကာ့ ဘုရားရှင်နယ် ကိုယ်၊ စိတ်၊ နှလုံးသုံးပါးစလုံးနောက် မူမ်းနိတ်။ ကိုယ်လည် ကိုယ်မူမ်းကယ်ညယ် နာန်ငါကျဥ်းဖာန်ကျဥ်းဟက်သယ် မူမ်းနိတ်ရယ် ရေးလောပေးမာ့” ငေါကဲ့အယ် ပြန်နောကဲ့ လျှောက်တင်ဟာမ်မာ့။

တပည့်တော်လာပ်သယ် အသာပ်ကြီစ် ကိုယ်တော်ကော ဟီမ်နာပ်သယ် အင်းကာညယ် မိန့်နောမာ့။ “ငါလည် လက်ခံနောကဲ့အယ် ယုံကြည်လောတီမ် အရာမ်သင့် ထာကယ်အယ် လင်းငါးကာ တီတ်ဆာဖူမ် နည်းကြီစ်ရယ် ငါမာ့ငေါရီး ဟီမ်နာပ်ပါအာ မင်္ဂလာသတင်းကလန်နယ် ဟောလောတီမ် တီတ်ဆာဖူမ်ငေါ နည်းလောမာ့။ အင်းမာဟီမ်နာပ်ရီး လှပ်တီမ် အရာမ်သင့် ထာကယ်အယ် လင်းငါးကာ မာပ်တင်းငါးကာ လက်ပါးကွင်းနောက် တူလောမာ့။ အင်းညယ်ငေါဝမ်ရီ အင်းမာလည် လှပ်တီမ် အလုပ်သမားဖူမ်ငေါ် လုံလောက်တို။ အင်းသယ် အင်းမာဖူမ်နယ် လက်ပါးကွင်းရှိတ် ဘုရားရှင်ပါအာ ဟီမ်ငါလက်ပါး အလုပ်သမားဖူမ် ပိုလောကဲ့အယ် သာပ်ကဲ့အယ် အီတီမ် ဆုစိမ်ဟီးလိတ်။

စီးရာပ်သော် ကိုယ်တော်ယေရှုကော အင်းမာ့ ကျမ်းထောကား ဆရာလာပ်သယ် “အင်းမာတီတ်ဆာ ဆွန်းဟောပါအာမာ့ ဓမြတိုက်ခံနောထော်ကာ့ဟီမ်ငါ ကျဥ်းဖာန်ကျဥ်းဟက် အစစ်ကော ဟင်ထာမာ့ မသပ်သယ်” ငေါကဲ့အယ် စီမ်ညူမာ့။ အင်းမာ ကျမ်းထောကား ဆရာကော် “ဟီမ်နယ် စာန်တင်ကယ်အယ် ကူညီလောကဲ့အီကားဟီမ် ထာမာ့” ငေါကဲ့အယ် ဖြေလောဟာမ်းမာ့။ ကိုယ်တော်ယေရှုကော “နာန်ရီး လာမ်ကဲ့အယ် အင်းမာတိုင်းရယ် အောမ်နိတ်” ငေါကဲ့အယ် မိန့်နောမာ့။

ရာ လာမ်ဟီးလိတ်။ ငါ နီမ်နယ် သာပ်လာမ်ငါးကော ရက်စက်သောကဲ့အယ် ကြမ်းနောကားကာ ပေါက်ခါကြည်သာမ်းပါအာ သိုးဆဟာဖူမ်နယ် သာပ်လာမ်ကယ်ညယ် အန္တရာယ်နောက် ကြုံနောထော်ပ်ကား။