Mga Popular na Bersikulo sa Biblia mula sa Malgo 6

Ibahagi

Bwabun, baad baweneeg ande bawiyaag bagal bavul, Yees ande batum bande loo badeleeg daaŋ lugulya. Gyagin gabalees ndaa: «Luwiy gumos ande me tweneen ha gihan gi gingeeŋ mumbad guheel gisyoo.»

Ibun Yees gabalees ndaa: «Munsun paan bamugumenege bihan abyooz, gaanz loo bamugumnage a bul bagabudugu, mu nzo nde, mu gigaand gyande ande bapaaŋ bande.»

Daaŋ Yees gaduug mu bwaad, gadeel gibug gya baad, gayul ande kyeen mumbad baa, pamb lo bagal nga mameem mago ngungul. Ibun gayandag gubalooŋ mapaan mavul.

Yees loo gagug mugusal gipa ada gimos ha gihan mween, gaanz gazunus gag ndamb yi bambeef bagasi myoog. Ibun gayidig ngol nsil mu gugo gugumeen gwa baa. Gungoy, Yees gadamblaag mu mabul ma bela bel mumbad gulooŋ.

Yees gaseen mapa ama madan ande bambiiz aba bool, ganyaman miis gu tal, gafudul madond gul Nzaam. Gagyeel mapa, gawe balongog mumbad gugabeen baad. Gagabas lyaag bambiiz aba bool gul baa abooz. Baad abooz bali ibun bawugud. Gungoy gulya, balongog badol bidin bi bambiiz ande bimapa, bayulus bisaanz guum yebyeel