Mga Popular na Bersikulo sa Biblia mula sa Jon 10

Ibahagi

Ana kunogl yoba we, ye kunogl nedre, si goglsre, ere kide keme eramnedi wigwa ba na we, na yoba kwiano kor enan, kor meglkwa mabuno ye meglmara kau kaima sinabuka pre wiga.

Na sipsip sugl wakai moglkwa yagl ta moglka. Yagl ta sipsip sugl wakai morabuka i, ye ama sipsip ere inagledi gorabuka.

Na sipsipna ira meglkwa i, na ye pre kan eriko, na nuguna ebrie prisre, na sika sigwa.

Na sika sigo, ye aimadi kamin kor moraiglkwa i, teiga. Na teigo, ye idre, ta goglkraiglkwa. Te, na Nina sipsip ogona mina yogwa i, ye yobuglomo pai kawa togwa pre na ogona mina meglkwa i, yoba ta i eglke edekrisre, na Nina ogo mina yogwa i, ama i eglke edenaiglkwa ama kuno erekrukwa.

Na wiga i, na nana togl dra moglka. Yoba na wagle ede suna wibi, God ye ere inabuka. Ye ere inan, yoba i ye sipsip gun yei, u ikne ikne pi wan mogl, kugl wakai ne mogl pai erimere mere yegl, wakai moraiglkwa.

Na ka kaima sipsip sugl wakai moglkwa yoba moluwa. Na sipsipna meglkwa i, na pre kan eriko, ye ama na pre kan erikwa.

Na sika sigo, ye aimadi kamin kor moraiglkwa i, teiga. Na teigo, ye idre, ta goglkraiglkwa. Te, na Nina sipsip ogona mina yogwa i, ye yobuglomo pai kawa togwa pre na ogona mina meglkwa i, yoba ta i eglke edekrisre, na Nina ogo mina yogwa i, ama i eglke edenaiglkwa ama kuno erekrukwa. Na Nina bogl swara kaima mugliwe di, Jisas yegl dugwa.

Nono ikne ikne pre kan erumnere mere yegl, na Nina na pre kan eruko, na ama ye pre kan erika. Te, na sipsip i ere inagledi goragliwe dugwa.

Yoba ta na si goraiglkwa ta moglkrikwa ba na nana primere goragledi prika. Na goraglka ya adigl u kor enaglka i, na moglmara nana mina yogwa. Na Nina, Yegl ero! dugwa pre nana mina yogwa.

Yegl pre Jisas ka ebrie ikra di pogl tedre, yegl dugwa, Na ene ka kaima di teiga, sipsip togl dra mere yegl na moluwa.

Yoba ta sipsip nem moglkre, kogon yoba yoko ta morabuka i, mogl enabuka ba agl are unabuka igne, sipsip wakai moraiglmo mo moglkraiglkwa i, nomane sikrabuka. Ye yene we di prisre, kide kodo ede enabuka. I siragl pre ye sipsip sugl moglkwa yagle kaima ta moglkrukwa pre teke ede enabuka. Teke ede enan, agl are udre, sipsip ere si kike, pia si, pere pere edenabuka.

Jisas ka ta ama yegl dugwa, Na ene di pogl tenaglka i, yoba ta sipsip togl suna meglmara togl dra yomara ukre, togl bage ere ede suna ogwa i, i kunogl gogl yoba ogwa.