Mga Popular na Bersikulo sa Biblia mula sa Mattaay 7

Ibahagi

Raataana, aree beet toona ittiyiw tiyadna. Hariwna, aree imaar tiyadna. Udheefa kwilna aree baruuh dehookna itnigil indi.

Raatiiniibka iniin. Harriiwka marri. Aree udheefa inkwiilka baruuh dehaay itnigil indi.

Een aniib ibhali eemsiiw kassaah, malya na haay shagaameen, ootak ufagar ugawooh liilaawi kehii idꞌir tꞌiiteeba.

Aflaay kastooh tunaatiibka, uudehay dehookna dꞌuuy hooy tehariwneet toona, baraak han dehaay dꞌiina. Uun aree Muusaay whagwa inabiyaayi tꞌaliimwa kassooh ikati.

Laakiin udheefa uudis adeha salal umidhhan istoobiibu, aree shalik dehay aabhat barooh imeerna.

Udheefa wꞌadehaanaay shuumaana. Udheefa umarꞌalooy toonꞌi istoobi salalu, aree gwida dehay haay hasameen.

Aree bareekna tikatiineek, baraakna yꞌamag, yꞌareekna kak daayiina tiyawneeb tikteenna. Aflaay Baabuukna tibreeteeb eefi, oodehay barooh daayiinayt raateen kak winneet gwidaana iyaaw indi!

Yasuuꞌa “Baahaakamaana, tari baraak han haakamamteena. Oodehay ooraaw haakamteeneet tehayꞌaatiit, baraak han oontꞌaaneet haakamami tiyadna. Wꞌabaar haay tiyawneeb, haay ittiyiw tiyadna.

Laakiin aniib ibhali maasiwtiit malya na haay baashagaamayka, ootak wꞌafrii ugawooh isseeteeb idꞌir tꞌiiteeba.

Naanhooy tehakwa uraawiyook ugwꞌadiib shanbiiba, bariiyook ugwꞌadiib itragiig ukwoolay karhita han? Baruuk usaniyook dehaay, ‘Tehakwa hook firꞌat.’ kak tindiya? Barook kassooh oodoor ukwoolay ugwꞌadiyook itragiigeek?

Gwisri nabiyaayee digwagwna. Baraah ganay tꞌiiteeb akay yꞌeen hookna, laakiin baraah tehooytee kwakwaraaba. Bareeh ishanhiisoohna iikan tiyadna. Uudehay naweetee inab lakkateen han? Tari kitirii tiin lakkatamiini han?

Oontꞌaaneet whindi udaayi daayi firaay fanri, laakiin whindi wꞌamaag amaag firaay fanri.

Whindi udaayi amaag firaay kiifiri. Whindi wꞌamaag aree daayi firaay kiifiri.

Whindi daayi firaay baafariib ugadamii kitꞌatiit nꞌeetiib itoogiid.