Mga Popular na Bersikulo sa Biblia mula sa Kyenesis 3

Ibahagi

Obe wɔ di ɔsanko nwu lanya alɛ kowoso nwu dibi nlɛ alɛ baale ni ku mmle diɔlɛ ni onyu, ku mmle aamiɛ alɛ aawɛ ni ninumbe yi, ni aatɛsɛ lewo aale nɛ. Ni aayɔ lewo kafɔɔ aata ɔsa nɔɔ wɔ niawɛ ni di ɔkyɛ nɔɔ aale nɛ.

Di obe nwu kamɛ kɔsaanwu labe anu kualenkee babɔkɛɛ ba ninkpe ni kobe bamuu di Saate Yaa labla nii. Ni kuakaalɛ Ɔsanko nwu alɛ, <<Nwaako di Yaa lebuɛ alɛ, <Bitanle kowoso kukunwii dibi di kɔba nwu nkpo kamɛ?> >>

Kamakpee kakyidi kafɔɔ minko ɔsanko nwu ntɛɛ, ku ɔnantii lɛfɔ ku ole nwɔ ntɛɛ; ababiɛ fɔ disi, afɔ kafɔɔ fabanu nwɔ lɛnankpo.>>

Ɔsanko nwu kafɔɔ aatɔkɔ nwɔ alɛ, <<Kamata dibuo lɛfɔ mpɔ di babi olofo kamɛ; dibuo kamɛ fabalofo babi. Anu lɛfɔ matika di ɔsa lɛfɔ suoto, abale sɛsaate di suoto lɛfɔ kafɔɔ.>>

Apipi makpɛ fɔ fiɛ fabawɛ lelesaa fanle diɛlaase di obe wɔ fabakple fansifi ni kɔtɛ kamɛ, diekye nkũ kamɛ beediki fɔ nɛ; diekye kɔtɛ fale nkũ kamɛ kafɔɔ fabakple fansifi nɛ.>>

Ni aatɔkɔ Adam alɛ, <<Ta faakyɔɔ ni ɔsɔfɔ lɛfɔ atoko faale ni kowso dibi le lakpee fɔ kufiofa nlɛ, <Tanle ni oso,> <<Lɛkpaani kasɔ ta afɔ oso dibabuo fɔ fiɛ fabale ka di nkpa lɛfɔ mmuu osiɛ kamɛ.

Ni di Saate Yaa lakaalɛ nwɔ alɛ, <<Owe niɛtɔkɔ fɔ alɛ fasi lɛkyɔtɔ? Feele kowoso ko dibi lakpee fɔ kufiofa nlɛ tanle niɛ?>>

Obe wɔ aadiki ni Adam ku Ewa aaloo nii, ni aayɔ kerubim ku ɔtɔ kapamii bembe aase di kufĩ katũnkɔ di Eden kɔba nwu kamɛ, kaatɔɔnwanyi kaatoofe katoo ku kala alɛ kaatoonyu osuku wɔ niefe ni nkpa kowoso nwu katũ.

Ni di Adam latika ɔsɔfɔ leyooto alɛ Ewa nɛ. Diekye nnwɔɔ nimale batii bamuu kɔya nɛ.