Mga Popular na Bersikulo sa Biblia mula sa Acakki 3

Ibahagi

Ka dako oneno ni yat-te ber me acama, dok nen mwonya bene, dok yat meno ber, cwiny dano pyette i kome, pien miyo gidoko ryek, ci opwono nyige, ocamo; omiyo mogo bot cware, ci ocamo.

Twol yam onoŋo ryek makato lee tim ducu ma Rwot Lubaŋa oketo. En owaco ki dako ni, “Lubaŋa mono owacci, ‘Pe wucam yat ducu ma tye i poto-ni’?”

Abiketo mone i kin in ki dako, ki i kin likwayi ki Likwaye; en bigoyo wii, in ibitoŋo opunye.”

Ki bot dako owacce ni, “Abimeddi arem matek i kare me owacci, nyodo; ibinywalo litino ki arem, cwinyi bipyette i kom cwari dok en aye biloyi.”

Ibicamo kwon ki kwok ma cwer ki i tur nyimi, nio ka ibidok i ŋom, kit ma con gikwanyi ki iye; in apwa, dok bene ibidok i apwa.”

Ki bot Adam owacce ni, “Pien in aye iwinyo dog dakoni, ci icamo nyig yat ma aciki iye ni, ‘Pe icam’, giceno lo bo piri: ibicamone ki aroma i kare me kwoni ducu.

Dok openye aye ni, “Aŋa ma doŋ otitti ni it ye munero? Ityeko camo nyig yat ma onoŋo aciki ni pe icam-mi ce?”

Oryemo dano woko, ci oketo lukerubi yo tuŋ wokceŋ me poto Eden, ki pala lucwan ma lyel mac, ma wirre tuŋŋi ki tuŋŋi, me gwoko yo ma cito i kom yat me kwo.

Dano ocako nyiŋ dakone ni Kawa, pien en aye megi jo ducu makwo.