Mga Popular na Bersikulo sa Biblia mula sa Matiu 4

Ibahagi

Higeno Yisasiꞌa mage huno hie Anumaya Koti avopi kemoꞌa mage huno hu-maineane “Veaꞌmoꞌya mayaꞌageꞌma nesayana kanaleꞌya huꞌya omaigahagi mukiꞌa Anumaya Kotiꞌma hu-mainea kene haviꞌya nenesageno amaku nafaꞌnemoꞌa kanaleꞌya huno maigahie. huno hu-maineane.” huno hapaiye.

Higeno Yisasiꞌa mage huno hie Sataniga* mai haleka amulega vuo. Anumaya Koti avopi kae-malenaya kemoꞌa mage huno hu-maineane “Anumaya Kotikamona akaiꞌagefe ‘Tusiꞌa ala kano maine.’ huka kagesa havi havi huka agai agia alisaga huka agai aliꞌyamaꞌage alio huno hu-maineane.” huno hapai-maine.

Higeno Yisasiꞌa kenonaꞌa mage huno hie “Nagoꞌene Anumaya Koti avopina mage huno kae-maleneane ‘Anumaya Kotikamona afa yafena ‘Tokiya kava huo.’ huka aye-vataga ohuo.’ huno hu-maineane.” huno hie.

Anumaya Kotina Alu Aotake Avamuꞌamoꞌa Yisasina veaꞌne omai kaꞌme kotega avaleno vigeno Sataniꞌa Yisasife “Havi kava huo.” huno aye-vataga hu-maine. Umaiyana fotiꞌa (40) yupagefa felugaene kegeꞌene kavela oneno maigeno tusiꞌa agate-maine.

Anaketeno Yisasiꞌa mage huno hana-paiye “Nakave eꞌo. Nakave eꞌageꞌna noyame kuꞌyama haꞌa avamete huꞌna veaꞌne amavalesaꞌa auꞌava yana tanavelino.” huno hie. Higeꞌana aupaꞌa kukonogoꞌania neꞌataleꞌana Yisasi akave umainaꞌe.

Ani yupa Yisasiꞌa aepa heno Anumaya Koti kanale mono kea hu-haleno hama-pai-maine. Mage huno hie “Ikapinagati Anumaya Koti kava yagaisia yana aupaꞌa evaꞌyi hugahigi tamakaya tamakuꞌa aiyahae hutama kefo yatamia ataleho.” huno hu-maine.