METHIU 3
3
Baptis Johon ing Isa Chong atong
(Mk 1.1-8; Luk 3.1-19; Jhn 1.19-28)
1Apha ichiinache Baptis Johon ing Judia paam nache thengka isa chong atong, 2#Met 4.17; Mk 1.15“Nenbarungriir huungruw, thangbaen iruwng paamchu ynneengsa,” taka ariir. 3Hava mee khaene Jaephar Isaia ing jinge ichii ing ariir vasahva,
“Paamfhuw nache iruur yngkheh ing uungna,
Aafhuw lamchu seemruw, asiniichu manchiimruw.”
4Johon ing ut vin peendiir ing ynthongka amanche adiirriim nache shavin ing ynchiim vokhehkho athaemin inche khaeruwng re lampa khiniingva. 5Jerusalem tanii vokhehkho Judia paam aangkheng tanii amanche Jordan idaam akuurpaang tanii mee aangkheng aningting theng aeka 6isii entuchaap enriirpa; amana Jordan iva nache enuwchu Johon ing baptais amantu ae.
7 #
Met 12.34; 23.33 Pharisi vokhehkho Saduki ae mee aanem aenche baptais itunii khaena enthengtah nache Johon ing eningna ariir, “Baruwr siti ae, barung-siknii thengvachii tanii taenruw ichii achuw ing neningna ariirva? 8Atii nenbarungriir mantehruw; 9#Jhn 8.33Kempa Abraham omna tanuwna nenbarungriir mangamjaeh mahruw; neningna kariirnah, Thangnang ing hava rung vakhae itanii Abraham siti ae abasuwchehsa, 10#Met 7.19amanche ataraen rapkho thingbur vakhae arajungna rii ynringka omna; aanla isa omah chaapchu ynfuwr naka mi sungting ynthuchir vaata. 11‘Nen-barungriir nenghuung khaena ki ing chiina baptais kamantu vachuw, changvakonchu kaanuwna thengvachii chuve kachungna ruungsehna; Ama ing ynthiing laetha vokhehkho mi thohche baptais imantuvaata. Ki chuve ama akhingop rapkho ichi matik chamah ing. 12Akikna amanthiingnii sisa achisa, sachiichu iheer naka iseeng gehuchu itomting thinvaata, changvakonchu arasiii chaap chuve ichen naemah ing ichuwh mi sungting bathuvaata.’ ”
Jesu ing Baptais atu
(Mk 1.9-11; Luk 3.21-22)
13Changlaenche Jesu ing Johon ningna baptais itunii khaena Galili tanii Jordan nache ivatheng. 14Chang-vakonchu Johon ing Jesu chu khaamka ariir, “Ki i nangla ing baptais imantuva nachii vara, amachu nang ing kaningna ivatheng vachii!” 15Jesu ing abasang, “Ataraennii khaena chembe rura, akhaechuve jinge ichii ing inuw ing ichum ynthiing nong aangkheng itu matik ichavamuw.” Chutahnache Johon ing arupa. 16Jesu ing baptais tuka chiisung tanii hungsuwhsa; amana enruw, thangbaen ymmongka Thangnang laetha inche khunu vaang juwngka ataklina ijungchuwchu amupa. 17#Met 12.18; 17.5; Mk 1.11; Luk 9.35Amana thangbaen tanii iruur yngkheh ing ajeriir, “Havi kaning kamansiihpak kasapa chuva, ataklina inempak kabarungriir pensakna.”
Kasalukuyang Napili:
METHIU 3: MOYO
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
METHIU 3
3
Baptis Johon ing Isa Chong atong
(Mk 1.1-8; Luk 3.1-19; Jhn 1.19-28)
1Apha ichiinache Baptis Johon ing Judia paam nache thengka isa chong atong, 2#Met 4.17; Mk 1.15“Nenbarungriir huungruw, thangbaen iruwng paamchu ynneengsa,” taka ariir. 3Hava mee khaene Jaephar Isaia ing jinge ichii ing ariir vasahva,
“Paamfhuw nache iruur yngkheh ing uungna,
Aafhuw lamchu seemruw, asiniichu manchiimruw.”
4Johon ing ut vin peendiir ing ynthongka amanche adiirriim nache shavin ing ynchiim vokhehkho athaemin inche khaeruwng re lampa khiniingva. 5Jerusalem tanii vokhehkho Judia paam aangkheng tanii amanche Jordan idaam akuurpaang tanii mee aangkheng aningting theng aeka 6isii entuchaap enriirpa; amana Jordan iva nache enuwchu Johon ing baptais amantu ae.
7 #
Met 12.34; 23.33 Pharisi vokhehkho Saduki ae mee aanem aenche baptais itunii khaena enthengtah nache Johon ing eningna ariir, “Baruwr siti ae, barung-siknii thengvachii tanii taenruw ichii achuw ing neningna ariirva? 8Atii nenbarungriir mantehruw; 9#Jhn 8.33Kempa Abraham omna tanuwna nenbarungriir mangamjaeh mahruw; neningna kariirnah, Thangnang ing hava rung vakhae itanii Abraham siti ae abasuwchehsa, 10#Met 7.19amanche ataraen rapkho thingbur vakhae arajungna rii ynringka omna; aanla isa omah chaapchu ynfuwr naka mi sungting ynthuchir vaata. 11‘Nen-barungriir nenghuung khaena ki ing chiina baptais kamantu vachuw, changvakonchu kaanuwna thengvachii chuve kachungna ruungsehna; Ama ing ynthiing laetha vokhehkho mi thohche baptais imantuvaata. Ki chuve ama akhingop rapkho ichi matik chamah ing. 12Akikna amanthiingnii sisa achisa, sachiichu iheer naka iseeng gehuchu itomting thinvaata, changvakonchu arasiii chaap chuve ichen naemah ing ichuwh mi sungting bathuvaata.’ ”
Jesu ing Baptais atu
(Mk 1.9-11; Luk 3.21-22)
13Changlaenche Jesu ing Johon ningna baptais itunii khaena Galili tanii Jordan nache ivatheng. 14Chang-vakonchu Johon ing Jesu chu khaamka ariir, “Ki i nangla ing baptais imantuva nachii vara, amachu nang ing kaningna ivatheng vachii!” 15Jesu ing abasang, “Ataraennii khaena chembe rura, akhaechuve jinge ichii ing inuw ing ichum ynthiing nong aangkheng itu matik ichavamuw.” Chutahnache Johon ing arupa. 16Jesu ing baptais tuka chiisung tanii hungsuwhsa; amana enruw, thangbaen ymmongka Thangnang laetha inche khunu vaang juwngka ataklina ijungchuwchu amupa. 17#Met 12.18; 17.5; Mk 1.11; Luk 9.35Amana thangbaen tanii iruur yngkheh ing ajeriir, “Havi kaning kamansiihpak kasapa chuva, ataklina inempak kabarungriir pensakna.”
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.