JOHAN 3
3
Jisu ko Nikodemus
1Farisirü mülung lanü Jihudarü langnürü khüdu anengnü Nikodemus licho. 2Romang khüdu abinü Jisu yanglang wüpü abi te yocho, “Adorü, nüh Tsingrangba-nü müthehcho adorü khüduepü ihrünü müdhere; tunüo Tsingrangba müzehkhang, nühnü nguchiba thsayahiya hi sünüsü münguchicheh.”
3Jisu-nü lalingcho, “Ihnü nüte yutsatsa yonung: anyüpili müsurokhang sünüsü Tsingrangba yanglih müngunung.”
4Nikodemus-nü tsingdhingcho, “Azirü khüdu khüta anyüpili suronung?” “Abinü atpa mi la anyüpili züdupü suronung mükoh!”
5Jisu-nü lalingcho, “Ihnü nüte yutsatsa yore,” “Kih ko Anbü la müsurokhang, sünüsü Tsingrangba yanglih la züdunung mükoh. 6Shutsa lanü tu suronang hütsü shutsa, Anbü lanü tu suronang hütsü Anbü. 7Nüh anyüpili asi kang surobaepü Ihnü nüte yochonü nüh tünyemüyang. 8Nyübong khüilang fünyünang hütsülang füre; nühnü yuva tsü yuchire, ta hütsü khüdenü roro ko khüilang tsiro hütsü mümüdhe. Anbü lanü surorü atümung hütsü roh-i lile.”
9Nikodemus-nü tsingdhingcho, “Hi khüta akohnung?”
10Jisu-nü lalingcho, “Nüh Israel la adorü atsa khüdu, ko nühnü hi mümüdherü ang? 11Ihnü nüte yutsatsa yore: Ihrünü tu müdhero hütsü chore ko ihrünü tu ngucho hütsü nengdang yuzi jüre, ta nührü sünüsü ihrü yusi mükhyüchonyüre. 12Ihnü nührü te hiba limih nengdang yonye nührünü müyudsikhang, Ihnü nührü te ninglang nengdang yode nührünü khüta yudsinung? 13Ko nyitsarü Tsurü, sü ninglangnü jürocho, abi chah khu sünüsü ninglang mütuwüdhing.”
14Mosa-nü tu khüta lipilih la imüyeng mürü dhikehcho, hütsü roh-i Nyitsarü Tsurüsü dhikehbae. 15#Khi 21.9Hütsüeko Nyitsarü Tsurü chah sürünü yudsinang lede akang ngunung.
16Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung. 17Tunüo limih mülangjünung nengdang mah, ta abi khu limih khümchonung nengdang Tsingrangba-nü apu tsurü limih yang müthehcho.
18Sürünü Atsudhre chah yudsiro abi mümülangjüre; ta sünü müyudsiro abi mülangjüpehko, tunüo abinü Tsingrangba amüiba tsurü chah müyudsi. 19Yukhaba tsü hiroh-i khare: atsingse tsü limih la roko, ta nyitsarünü atsingse tenü ama du müire, tunüo arüh nguchi tsü amütsa. 20Sünü amütsa nguchiro abinü atsingse thrünyire ko atsingse yang müronung, tunüo abinü amütsa nguchiti tsü müngusohnyüre. 21Ta sünü tu yuje hütsü nguchiro abinü nguchiba tsü Tsingrangba te ayocho nyi nguchicho ngusohnung abinü atsingse yang rore.
Jisu ko Johan
22Hütsüpü, Jisu ko amonoti Judea lih lang rocho ko hütsüla arüh te azachah li baptijücho. 23Johan-sü Salim amünyeh Aenon la baptijo licho, tunüo hütsüla kih thangchi licho. Nyitsarünü abi yang wücho ko abinü arüh baptijo licho. 24#Mat 14.3; Mrk 6.17; Luk 3.19-20(Hi Johan mürangyoh-ede thsacho.)
25Johan mono khürünü Jihudarü khüdu te ayah mütsah nengdang rehta licho. 26Achotsü arühnü Johan yanglang wünü yocho, “Adorü, Jordan khüulang nüte liba nyitsarü, sü nengdang nühnü chocho, hütsü nühnü mülümkeh-o? Dhing, abinü baptijüre ko nyitsarü atümungnü abi yang wüle!”
27Johan-nü lalingcho, “Tsingrangba-nü müjükhang, süsü tu linung mükoh. 28#Jhn 1.20‘Ih Mesia tsü mah, ta abi müngu Ih tsehleh müthehchoe’ pü Ihnü yocho I yuzi nührübürü lile. 29Axengtpü tsü kuthribong yo; ta kuthribong shangrü, sü abi müshüm yapü abi yu nyiro, abinü kuthribong yuva yuchide künyangre. Hütsü roh-i I akünyang kükyüsohko. 30Abi dinungbae; ta Ih sümnungbae.”
Ninglangnü Roba
31Sü ninglangnü roro abi atümung tenü adiuba. Sü alimih lanüo abi limih yo ko abinü limih nengdang chore, ta sü ninglangnü roro abi atümung tenü adiuba. 32Abinü tu ngucho ko yuchicho hütsü nengdang yore, ta sünüsü abi yusi mükhyüchore. 33Ta sünü abi yusi khyüchoro hütsünü Tsingrangba tsü yuje-epü müdhere. 34Tsingrangba-nü müthehbong tsünü Tsingrangba yu chore, tunüo Tsingrangba-nü abi khyang Anbü ajeng jüre. 35#Mat 11.27; Luk 10.22Aunü atsudhre müire ko lüpcho abi kheh la yohjüko. 36Sünü atsudhre chah yudsiro abi müchangkaba akang lile; sünü atsudhre te münyiro, abinü akang müngunung, ta Tsingrangba rihlong abi michah linung.
Kasalukuyang Napili:
JOHAN 3: SANGBSI
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
JOHAN 3
3
Jisu ko Nikodemus
1Farisirü mülung lanü Jihudarü langnürü khüdu anengnü Nikodemus licho. 2Romang khüdu abinü Jisu yanglang wüpü abi te yocho, “Adorü, nüh Tsingrangba-nü müthehcho adorü khüduepü ihrünü müdhere; tunüo Tsingrangba müzehkhang, nühnü nguchiba thsayahiya hi sünüsü münguchicheh.”
3Jisu-nü lalingcho, “Ihnü nüte yutsatsa yonung: anyüpili müsurokhang sünüsü Tsingrangba yanglih müngunung.”
4Nikodemus-nü tsingdhingcho, “Azirü khüdu khüta anyüpili suronung?” “Abinü atpa mi la anyüpili züdupü suronung mükoh!”
5Jisu-nü lalingcho, “Ihnü nüte yutsatsa yore,” “Kih ko Anbü la müsurokhang, sünüsü Tsingrangba yanglih la züdunung mükoh. 6Shutsa lanü tu suronang hütsü shutsa, Anbü lanü tu suronang hütsü Anbü. 7Nüh anyüpili asi kang surobaepü Ihnü nüte yochonü nüh tünyemüyang. 8Nyübong khüilang fünyünang hütsülang füre; nühnü yuva tsü yuchire, ta hütsü khüdenü roro ko khüilang tsiro hütsü mümüdhe. Anbü lanü surorü atümung hütsü roh-i lile.”
9Nikodemus-nü tsingdhingcho, “Hi khüta akohnung?”
10Jisu-nü lalingcho, “Nüh Israel la adorü atsa khüdu, ko nühnü hi mümüdherü ang? 11Ihnü nüte yutsatsa yore: Ihrünü tu müdhero hütsü chore ko ihrünü tu ngucho hütsü nengdang yuzi jüre, ta nührü sünüsü ihrü yusi mükhyüchonyüre. 12Ihnü nührü te hiba limih nengdang yonye nührünü müyudsikhang, Ihnü nührü te ninglang nengdang yode nührünü khüta yudsinung? 13Ko nyitsarü Tsurü, sü ninglangnü jürocho, abi chah khu sünüsü ninglang mütuwüdhing.”
14Mosa-nü tu khüta lipilih la imüyeng mürü dhikehcho, hütsü roh-i Nyitsarü Tsurüsü dhikehbae. 15#Khi 21.9Hütsüeko Nyitsarü Tsurü chah sürünü yudsinang lede akang ngunung.
16Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung. 17Tunüo limih mülangjünung nengdang mah, ta abi khu limih khümchonung nengdang Tsingrangba-nü apu tsurü limih yang müthehcho.
18Sürünü Atsudhre chah yudsiro abi mümülangjüre; ta sünü müyudsiro abi mülangjüpehko, tunüo abinü Tsingrangba amüiba tsurü chah müyudsi. 19Yukhaba tsü hiroh-i khare: atsingse tsü limih la roko, ta nyitsarünü atsingse tenü ama du müire, tunüo arüh nguchi tsü amütsa. 20Sünü amütsa nguchiro abinü atsingse thrünyire ko atsingse yang müronung, tunüo abinü amütsa nguchiti tsü müngusohnyüre. 21Ta sünü tu yuje hütsü nguchiro abinü nguchiba tsü Tsingrangba te ayocho nyi nguchicho ngusohnung abinü atsingse yang rore.
Jisu ko Johan
22Hütsüpü, Jisu ko amonoti Judea lih lang rocho ko hütsüla arüh te azachah li baptijücho. 23Johan-sü Salim amünyeh Aenon la baptijo licho, tunüo hütsüla kih thangchi licho. Nyitsarünü abi yang wücho ko abinü arüh baptijo licho. 24#Mat 14.3; Mrk 6.17; Luk 3.19-20(Hi Johan mürangyoh-ede thsacho.)
25Johan mono khürünü Jihudarü khüdu te ayah mütsah nengdang rehta licho. 26Achotsü arühnü Johan yanglang wünü yocho, “Adorü, Jordan khüulang nüte liba nyitsarü, sü nengdang nühnü chocho, hütsü nühnü mülümkeh-o? Dhing, abinü baptijüre ko nyitsarü atümungnü abi yang wüle!”
27Johan-nü lalingcho, “Tsingrangba-nü müjükhang, süsü tu linung mükoh. 28#Jhn 1.20‘Ih Mesia tsü mah, ta abi müngu Ih tsehleh müthehchoe’ pü Ihnü yocho I yuzi nührübürü lile. 29Axengtpü tsü kuthribong yo; ta kuthribong shangrü, sü abi müshüm yapü abi yu nyiro, abinü kuthribong yuva yuchide künyangre. Hütsü roh-i I akünyang kükyüsohko. 30Abi dinungbae; ta Ih sümnungbae.”
Ninglangnü Roba
31Sü ninglangnü roro abi atümung tenü adiuba. Sü alimih lanüo abi limih yo ko abinü limih nengdang chore, ta sü ninglangnü roro abi atümung tenü adiuba. 32Abinü tu ngucho ko yuchicho hütsü nengdang yore, ta sünüsü abi yusi mükhyüchore. 33Ta sünü abi yusi khyüchoro hütsünü Tsingrangba tsü yuje-epü müdhere. 34Tsingrangba-nü müthehbong tsünü Tsingrangba yu chore, tunüo Tsingrangba-nü abi khyang Anbü ajeng jüre. 35#Mat 11.27; Luk 10.22Aunü atsudhre müire ko lüpcho abi kheh la yohjüko. 36Sünü atsudhre chah yudsiro abi müchangkaba akang lile; sünü atsudhre te münyiro, abinü akang müngunung, ta Tsingrangba rihlong abi michah linung.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.