Zãa Lápi bɔɔlɛ
Lápi bɔɔlɛ
Yesu Kilisi baona lá mɛn siiɔ̃ɔ guu Zãa láɛ bee mɛ́ adoa. Yesu taasikɛa yã baasi (18–19), lápi yã pɔ a adoa ń Yesu bao lá kĩniɔn kɛ:
Nɔsɛa Kana (2.1-12).
Nikodɛũ gɛa Yesu kĩi yã (3.1-21).
Samali nɔɛ yã (4.1-12).
Bɛzata kpaa'okĩi gyãe gbãgbãa yã (5.1-18).
Gbɛ̃́ pɔ wa ì vĩ̀a gbãgbãa (9.1-41) ń yãpãleɔ.
Zãa i Yesu yãkɛaɔ o dasio. Yã pɔ a ò maamaa mɛ́ Yesu yãdaanɛ́ ũ. Yesuá Lua Yã pɔ ìɔ ku gɔɔpiiɛ (1.1-18), ɔ̃ à gɔ̃̀ gbɛ̃nazĩna ũ, a ku ń guu wɛ̃ni ń gupuao ń sĩanao ũ. Zãa Da'ilɛna dɔ̀aa Yesuɛ seelade ũ. Aà iwaɔ Ãndele ń Filipio ń Natanaɛlio kɛ̀ seeladeɔ ũ lɔ, yã pɔ an baade è Yesuwa ɔ̃ à kɛ̀ a seelade ũ. Bee gbɛa à Yesu kpaaũa ń gbɛ̃eɔ yã'ò ń dabudabu mɛn sopla pɔ a kɛ̀ seela ũɔ. Dabudabupiɔ mi mɛ́ yã ũ.
Kɛ́ Zãa yã sɛ̃ia beeɔ ò a làa, à yã pɔ Yesu ò azĩa yãmusu kɛ̃̀ (12.37-50). Yesu ãsɔ̃a gbɛzã guu à yãdàda a iwaɔnɛ (13–16). Bee gbɛa à wabikɛ̀, i gi taasi pɔ á kɛio, ɔ̃ à a iwa pɔ aa gɔ̃ a kpɛɔ nà a Maeɛ a ɔzĩ (17).
Ɔ̃ Zãa Yesu kũa yã dàu a sìu lá a yã ku baona lá kĩniɔ guuwa, lá wà yãdàaala, wà aà pà lipãakɔ̃awa, ɔ̃ wà aà mia è da gii (18–20).
Yesu bɔa gau gbɛa à bɔ̀ à mɔ̀ Maliama Madelɛni ń a iwaɔwa, a gbɛa Toma. À bɔ̀ à mɔ̀ a iwa gbɛ̃ɔn soplaɔwa Tibelia isidalɛ (21). Zãa yã pɔ tò a baona lápi kɛ̃̀ ò (20.30-31), kɛ́ wà e wà Yesu sí Lua Nɛ Mɛsi ũ, wí wɛ̃ni e aà naaikɛa yãi, asa Lua mɛ́ Yesu zĩ̀, ɔ̃ Yesu mɛ̀ ámɛ á zɛ́ ń wɛ̃nio ń sĩanao ũ (14.6).
Kasalukuyang Napili:
Zãa Lápi bɔɔlɛ: Boo2024
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Boko Bible © SIM International, 2024.