Job 4
4
Nagsalita si Elifaz
1Nagsalita si Elifaz na taga-Teman. Sinabi niya,
2“Magagalit ka ba
kung magsasalita ako?
Hindi ko na kayang manahimik.
3Noon, pinapayuhan mo
ang maraming tao na
magtiwala sa Diyos,
at pinalalakas ang mahihina
at nanlulupaypay.
4Ang mga salita moʼy
nagpalakas sa kanila
at umalalay sa mga nanghihina.
5Ngunit ngayong ikaw na
ang dumaranas ng kahirapan,
tila ikaw ang nanghihina
at naguguluhan.
6Hindi baʼt kapag
may takot ka sa Diyos
at namumuhay ka nang matuwid,
magdudulot ito sa iyo
ng tiwalaʼt pag-asa?
7“Ngayon, isipin mong mabuti.
May tao bang matuwid
at walang kasalanan na napahamak?
8Ayon sa aking nakitaʼt nalaman,
ang mga taong gumagawa
ng kasamaan at kaguluhan,
gayundin ang kanilang
kahahantungan.
9Sa isang bugso lamang
ng galit ng Diyos,
mapapahamak sila.
10Kahit na silaʼy tulad
ng malakas at mabangis na leon,
tatanggalin pa rin
ang kanilang mga ngipin.
11Mamamatay ang leon
dahil wala siyang mahuli
at ang mga anak ng babaeng leon
ay magkakahiwa-hiwalay.
12“May lihim na dumating sa akin,
nahagip ng aking pandinig
ang bulong na ito.
13Sa gitna ng gabing puno
ng maliligalig na panaginip,
habang mahimbing ang lahat
sa pagkakaidlip,
14binalot ako ng takot at nginig,
at ang mga buto koʼy nangatog.
15May espiritung dumaan
sa aking harapan,
at tumindig ang mga balahibo
sa aking katawan.#4:15 May espiritung dumaan sa aking harapan: O May hanging umihip sa aking mukha.
16Huminto ito, ngunit hindi ko
gaanong maaninag.
At may narinig akong mahinang tinig
na nagsasabi,
17‘Maaari bang maging matuwid
ang isang tao sa harapan ng Diyos?
May kakayahan ba ang isang taong
maging dalisay
sa harapan ng kanyang Manlilikha?
18Kung mismong sa mga anghel
na lingkod niya
ay hindi siya lubusang nagtitiwala,
at nakakakita siya ng kamalian nila,
19di lalo na sa taong nilikha lamang
mula sa lupa,
na madaling pisain
katulad ng gamo-gamo!
20Ang taoʼy maaaring buháy pa sa umaga
ngunit kinagabihaʼy patay na
at hindi na makikita magpakailanman.
21Para silang mga toldang bumagsak.
Namatay sila nang kulang
sa karunungan.’ ”
Kasalukuyang Napili:
Job 4: ASD
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Banal na Bibliya, Ang Salita ng Diyos™, ASD™
Karapatang-sipi © 2009, 2011, 2014, 2025 ng Biblica, Inc.
Ginamit nang may pahintulot ng Biblica, Inc.
Reserbado ang lahat ng karapatan sa buong mundo.
―――――――
Holy Bible, Tagalog Contemporary Bible™
Copyright © 2009, 2011, 2014, 2025 by Biblica, Inc.
Used with permission. All rights reserved worldwide.
Job 4
4
Nagsalita si Elifaz
1Nagsalita si Elifaz na taga-Teman. Sinabi niya,
2“Magagalit ka ba
kung magsasalita ako?
Hindi ko na kayang manahimik.
3Noon, pinapayuhan mo
ang maraming tao na
magtiwala sa Diyos,
at pinalalakas ang mahihina
at nanlulupaypay.
4Ang mga salita moʼy
nagpalakas sa kanila
at umalalay sa mga nanghihina.
5Ngunit ngayong ikaw na
ang dumaranas ng kahirapan,
tila ikaw ang nanghihina
at naguguluhan.
6Hindi baʼt kapag
may takot ka sa Diyos
at namumuhay ka nang matuwid,
magdudulot ito sa iyo
ng tiwalaʼt pag-asa?
7“Ngayon, isipin mong mabuti.
May tao bang matuwid
at walang kasalanan na napahamak?
8Ayon sa aking nakitaʼt nalaman,
ang mga taong gumagawa
ng kasamaan at kaguluhan,
gayundin ang kanilang
kahahantungan.
9Sa isang bugso lamang
ng galit ng Diyos,
mapapahamak sila.
10Kahit na silaʼy tulad
ng malakas at mabangis na leon,
tatanggalin pa rin
ang kanilang mga ngipin.
11Mamamatay ang leon
dahil wala siyang mahuli
at ang mga anak ng babaeng leon
ay magkakahiwa-hiwalay.
12“May lihim na dumating sa akin,
nahagip ng aking pandinig
ang bulong na ito.
13Sa gitna ng gabing puno
ng maliligalig na panaginip,
habang mahimbing ang lahat
sa pagkakaidlip,
14binalot ako ng takot at nginig,
at ang mga buto koʼy nangatog.
15May espiritung dumaan
sa aking harapan,
at tumindig ang mga balahibo
sa aking katawan.#4:15 May espiritung dumaan sa aking harapan: O May hanging umihip sa aking mukha.
16Huminto ito, ngunit hindi ko
gaanong maaninag.
At may narinig akong mahinang tinig
na nagsasabi,
17‘Maaari bang maging matuwid
ang isang tao sa harapan ng Diyos?
May kakayahan ba ang isang taong
maging dalisay
sa harapan ng kanyang Manlilikha?
18Kung mismong sa mga anghel
na lingkod niya
ay hindi siya lubusang nagtitiwala,
at nakakakita siya ng kamalian nila,
19di lalo na sa taong nilikha lamang
mula sa lupa,
na madaling pisain
katulad ng gamo-gamo!
20Ang taoʼy maaaring buháy pa sa umaga
ngunit kinagabihaʼy patay na
at hindi na makikita magpakailanman.
21Para silang mga toldang bumagsak.
Namatay sila nang kulang
sa karunungan.’ ”
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Banal na Bibliya, Ang Salita ng Diyos™, ASD™
Karapatang-sipi © 2009, 2011, 2014, 2025 ng Biblica, Inc.
Ginamit nang may pahintulot ng Biblica, Inc.
Reserbado ang lahat ng karapatan sa buong mundo.
―――――――
Holy Bible, Tagalog Contemporary Bible™
Copyright © 2009, 2011, 2014, 2025 by Biblica, Inc.
Used with permission. All rights reserved worldwide.