Sam 1
1
Buk 1
Sam 1–41
1Aminu wai aminde wamu dua gwaamuke,
gatu waaminda kepi tawake tasikaing kaknga dua tasike,
gatu Anutue masa wam yake tasikaing aminkat dua yukengu,
waapata asiknga bakngawik.
2Aminu waapata Anututane mama wamde asiknga bakngake,
gatu mama wamu waakngae zikaane gatu gunzit tapane ba tapduknga wena asinggan natanggamatake tasinggak.
3Aminu waapa katapdaka binga yangga kwaimune kwaiwan
tapdukngane buya aawan tatakngita dua kupiakaing binga
sanga kuupbam aminu waapata tasinggau
take siknga buya asaakgak.
4Sike waiaknga tawake tasikaing aminu unza dua.
Tambam tapunde ooi gotda puyapakunggak binga dakngake
buyana dua aawik.
5Dakngake wai aminu waakwakga Anutue kaine wamu yawan take dua siwik.
Siwan waaminda amin nomande banakan katang gatake yutnanga dua.
6Dasingge? Anututa aminu kepi noman tawake tasikaing aminde asiknga bakngake kakuya tasinggak.
Siwan ngana aminu waiaknga tawake tasikaingu sanga kuupbam tasiwik ba puya takngatu tasiwanu take sinanga dua.
Kasalukuyang Napili:
Sam 1: wncB
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2001, Wycliffe Bible Translators, Inc. All rights reserved.